BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساتبايەۆتاعى جاعداي تۇراقتالدى — «قازاقمىس» كورپوراسياسى

قاراعاندى وبلىسىنىڭ ساتبايەۆ قالاسىندا «قازاقمىس» كورپوراسياسى كەنشىلەرىنىڭ ميتينگى اياقتالىپ، جاعداي تۇراقتالعان. بۇل جايلى كومپانيانىڭ ٴباسپاسوز قىزمەتى مالىمدەدى، دەپ xابارلايدى baq.kz اگەنتتىگىنىڭ ايماقتاعى ٴتىلشىسى.

بۇگىن ساتبايەۆ قالاسىنداعى «قازاقمىس» كورپوراسياسىنىڭ جۇمىسشىلارى كومپانيانىڭ اكىمشىلىك عيماراتىنىڭ تەرريتورياسىنا جينالىپ، باسشىلىقتان جالاقىلارىن كوتەرىۋدى، سونداي-اق ەڭبەك جاعدايىن جاقسارتۋدى سۇراپ ميتينگ ۇيىمداستىرعان بولاتىن. كومپانيانىڭ ٴباسپاسوز قىزمەتى تاراتقان اقپاراتقا ساي قازىرگى ۋاقىتتا جاعداي تۇراقتالعان.

«وڭتۇستىك-جەزقازعان كەنىشى قىزمەتكەرلەرى مەن «قازاقمىس كورپوراسياسى» ٴجشس-نىڭ باسشىلىعى اراسىندا ەڭبەك داۋى شەشىمىن تاپتى. قازىرگى ۋاقىتتا «قازاقمىس كورپوراسياسى» ٴجشس-نىڭ بارلىق ٴوندىرىس ورىندارى شتاتتىق رەجيمدە جۇمىس ىستەپ تۇر»، - دەيدى «قازاقمىس» كومپانياسى ٴباسپاسوز قىزمەتىنىڭ مامانى ساندۋعاش سارسامبايەۆا.

ساندۋعاش سارسامبايەۆانىڭ ايتۋىنشا، كەلىسسوزدەردىڭ قورىتىندىسىن كەلەسى اپتادا جاريالانادى. كەنشىلەر ۇسىنعان تالاپتاردىڭ ٴاربىر ٴبولىمى بويىنشا قانداي شەشىم قابىلدانعانى تولىقتاي جاريالاناتىن بولادى.

ەستەرىڭىزگە سالا كەتەيىك، قاراعاندى وبلىسىنىڭ ساتبايەۆ قالاسىندا «قازاقمىس» كورپوراسياسىنىڭ كەنشىلەرى ەڭبەكاقىلارىن كوتەرۋدى تالاپ ەتىپ ميتينگە شىققان ەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي