BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ساتبايەۆتا كەنشىلەر جالاقىنى كوتەرۋدى تالاپ ەتۋدە

قاراعاندى وبلىسىنىڭ ساتبايەۆ قالاسىندا «قازاقمىس» كورپوراسياسىنىڭ كەنشىلەرى ەڭبەكاقىلارىن كوتەرۋدى تالاپ ەتىپ ميتينگە شىققان، دەپ xابارلايدى baq.kz اگەنتتىگىنىڭ ايماقتاعى ٴتىلشىسى.

جەزقازعان ىرگەسىندەگى ساتبايەۆ قالاسىندا «قازاقمىس» كورپوراسياسىنىڭ جۇمىسشىلارى كومپانيانىڭ اكىمشىلىك عيماراتىنىڭ تەرريتورياسىنا جينالعان. ولار باسشىلىقتان جالاقىلارىن كوتەرىۋدى، سونداي-اق ەڭبەك جاعدايىن جاقسارتۋدى سۇراعان.

«جالاقىنى 70 پايىزعا كوتەرۋدى سۇرايمىز. ال، ەڭبەك ٴوتىلى 20 جىلدان اساتىن جۇمىسشىلار جالاقىدان تولەنەتىن زەينەتاقى تولەمىن 30 پايىزعا كوتەرۋدى تالاپ ەتەدى. سونىمەن قاتار دەمالۋ-ساۋىقتىرۋ ٴساناتورييى جۇمىسشىلارعا تەگىن بولۋ كەرەك دەپ ەسەپتەيمىز»، - دەيدى «قازاقمىس» كورپوراسياسىنىڭ كەنشىسى ايدار اسىلوۆ.

ميتينگكە شىققان جۇمىسشىلار سونداي-اق كوللەدجدە ٴبىلىم الۋشىلار ديپلوم العاننان كەيىن جۇمىسقا تۇرا الاتىنى جايلى كەلىسىمشارت جاسالعانىن سۇرايدى.

قاراعاندى وبلىسى اكىمدىگى اتالعان وقيعاعا بايلانىستى مالىمدەمە جاسادى. وبلىس اكىمى ٴباسپاسوز قىزمەتىنىڭ xابارلاۋىنشا جاعداي اتقارۋشى بيلىك ورگاندارىنىڭ باقىلاۋىندا.

«30 جەلتوقسان كۇنى وڭتۇستىك-جەزقازعان كەنىشى قىزمەتكەرلەرى مەن «قازاقمىس كورپوراسياسى» ٴجشس-نىڭ باسشىلىعى اراسىندا ەڭبەك داۋى ورىن الدى. وبلىس اكىمدىگىنىڭ، ساتبايەۆ قالاسى اكىمدىگى مەن كومپانيا باسشىلىعىنىڭ وكىلدەرى وقيعا ورنىندا. كەلىسسوز پروسەسى جۇرگىزىلىپ جاتىر. رەسمي مالىمدەمە كەلىسسوزدەر اياقتالعاننان كەيىن جاسالاتىن بولادى»، - دەدى قاراعاندى وبلىسى اكىمدىگى ٴباسپاسوز قىزمەتىنىڭ باسشىسى ٴاليا سىزدىقوۆا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي