BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پەتروپاۆلدا قۇنى 800 مىڭ تەڭگە الكوگول مەن تەمەكى تاركىلەندى 

فوتو: Автор

سولتۇستىك قازاقستان، baq.kz ٴتىلشىسى. پەتروپاۆلدا اۆتوموبيلگە ارنالعان گاراجدى ليسەنزيالانباعان الكوگول مەن تەمەكى ساقتايتىن قويما رەتىندە پايدالانعان كۇدىكتى ۇستالدى. قىراعىلىق تانىتقان كورشىلەرى ساۋداگەردىڭ بۇل ارەكەتى جايىندا پوليسيانىڭ سەنىم تەلەفونىنا حابارلاعان.

پەتروپاۆل قالاسىندا «كورشى باقىلاۋى» باعدارلاماسىنىڭ 61-20-02 سەنىم تەلەفونىنا ليسەنزيالانباعان تاۋاردى ساقتاۋ فاكتىسى بويىنشا جاسىرىن حابارلاما تۇسكەن. جەرگىلىكتى پوليسيا قىزمەتىنىڭ ماماندارى سولتۇستىك قازاقستان وبلىستىق پوليسيا دەپارتامەنتى مەن ۇيىمداسقان قىلمىسقا قارسى كۇرەس باسقارماسى بىرلەسە وتىرىپ، اتالعان اقپاراتتى تەكسەرگەن. ناتيجەسىندە 60 جاستاعى پەتروپاۆل تۇرعىنىنىڭ زاڭسىز ارەكەتى اشكەرە بولدى. ول ٴوزىنىڭ گاراجىندا الكوگول جانە تەمەكى ونىمدەرىن ساقتاعان، تاۋار ساپاسى مەن قاۋىپسىزدىگى ەشقانداي قۇجاتتارمەن راستالماعان. سپيرتتىك ىشىمدىكتى ۇلكەن پلاستيكالىق بوتەلكەلەردە ساقتاۋدىڭ ٴوزى سانيتارلىق تالاپتارعا ساي كەلمەپتى.

تەكسەرىس بارىسىندا الكوگول مەن ىدىستار، اكسيزدىك ماركاسى جوق 200 قوراپتان استام تەمەكى تاركىلەندى. ٴتارتىپ ساقشىلارى قويما قوجايىنىن كەزەكتى تاۋار پارتياسىن قابىلداپ جاتقان جەرىنەن ۇستادى. پوليسەيلەر «فولكسۆاگەن-ترانسپورتەر» اۆتوموبيلىمەن كەلگەن سەرىكتەسى ەكەۋىن الكوگول مەن تەمەكىنىڭ جاڭا پارتياسىن ٴتۇسىرىپ جاتقان كەزدە ۇستىنەن تۇسكەن. تاركىلەنگەن زاڭسىز تاۋار قۇنى 800 مىڭ تەڭگە.

«اتالعان فاكتى بويىنشا ساراپتاما تاعايىندالدى. ەكى كۇدىكتىگە قاتىستى قر اكىمشىلىك قۇقىق بۇزۋ تۋرالى كودەكسىنىڭ 282-بابى 3-تارماعىنا سايكەس، «قازاقستان رەسپۋبليكاسىنىڭ ەتيل ٴسپيرتى مەن الكوگول ٴونىمىن ٴوندىرۋدى جانە ونىڭ اينالىمىن مەملەكەتتىك رەتتەۋ تۋرالى زاڭناماسىن بۇزۋ» فاكتىسى بويىنشا ٴىس قوزعالدى. جينالعان ماتەريال سوتقا جولداناتىن بولادى»، - دەيدى سقو ٴىىد جپق باستىعى ورىنباسارىنىڭ مىندەتىن اتقارۋشى، پوليسيا پودپولكوۆنيگى ارىستان سۇلتانعازيەۆ.

اتالعان فاكتى بويىنشا 50-دەن 600 ايلىق ەسەپتىك كورسەتكىشكە دەيىن ايىپپۇل سالۋ كوزدەلگەن. تەمەكى ونىمدەرىنىڭ زاڭسىز اينالىمى فاكتىسى بويىنشا ماتەريالدار پەتروپاۆل قالالىق مەملەكەتتىك كىرىستەر باسقارماسىنا جولداندى. بۇدان باسقا، جۇرگىزۋشىگە كولىكتى باسقارۋ قۇجاتىنسىز رولگە وتىرعانى ٴۇشىن دە جاۋاپ بەرۋگە تۋرا كەلەدى. ونىڭ ٴاۆتوموبيلى ايىپ تۇراعىنا قويىلدى.

جالپى پەتروپاۆلدا جىل باسىنان «كورشى باقىلاۋى» باعدارلاماسى شەڭبەرىندە الكوگولدىك ٴونىمنىڭ زاڭسىز اينالىمىنا قاتىستى 9 فاكتى انىقتالدى. 1000 ليتردەن استام قولدان جاسالعان سىرا جانە 368 ليتر باسقا دا سپيرتتىك ىشىمدىك تاركىلەندى.

فوتولار: اۆتور


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي