BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پەتروپاۆلدا 150 جاستاعى اگاۆا گۇلدەدى

فوتو: Cold Hardy Cactus - Shopify

سولتۇستىك قازاقستان، baq.kz ٴتىلشىسى. پەتروپاۆل بوتانيكالىق باعىندا 150 جاستاعى اگاۆا وسىمدىگى گۇلدەدى. قىزىلجارلىقتار وتە سيرەك كەزدەسەتىن تابيعي قۇبىلىستىڭ كۋاسىنە اينالدى.

قىزمەتكەرلەردىڭ سوزىنە قاراعاندا، اگاۆانىڭ جاسى بوتكنيكالىق باقتىڭ جاسىنان دا ۇلكەن. ونى مۇندا 1912 جىلى ٴىى نيكولاي پاتشانىڭ بۇيرىعىمەن ٴبىرىنشى دۇنيەجۇزىلىك سوعىسقا قاجەت زاۋىت سالۋ ماقساتىمەن كەلگەن پولكوۆنيك يلحام كۋراپوۆ سانكت-پەتەربۋرگ بوتانيكالىق باعىنان اكەلگەن كورىنەدى. سول كەزدىڭ وزىندە وسىمدىك ۇلكەن بولعان. اراعا ٴبىر عاسىردان ارتىق ۋاقىت سالىپ، اگاۆا گۇلدەدى.

«اگاۆا گۇلدەۋگە كوپ ۋاقىت دايىندالدى. ەكى اي بۇرىن بۇرشىكتەنە باستادى. ەندى، مىنە، گۇلدەرىن دە كوردىك. بۇل قۇبىلىس بوتانيكالىق باق تاريحىندا ٴبىرىنشى رەت تىركەلىپ وتىر. اتالعان وسىمدىك – مەكسيكانىڭ سيمۆولى. ونىڭ شىرىنىن، جاپىراقتارىن پايدالانۋعا بولادى. مەكسيكالىقتار ٴوز ومىرلەرىن اگاۆاسىز ەلەستەتە المايتىندىقتارىن ايتادى ەكەن. وسىمدىكتەردىڭ گۇلدەنۋى اۋا-رايىنا بايلانىستى. ونىڭ قاشان ٴوسىپ شىعاتىنىن ٴدوپ باسىپ ايتۋ قيىن. اگاۆا بيىك بولىپ وسەدى. 12 مەترگە دەيىن جەتەدى. ونىڭ جاقسى وسۋىنە اۋا تەمپەراتۋراسى 20 گرادۋس جىلى بولۋى كەرەك»، - دەيدى بوتانيكالىق باق قىزمەتكەرى ناتاليا شال.

اگاۆا بىرنەشە اي بويى گۇلدەيدى. پەتروپاۆل بوتانيكالىق باعىندا اگاۆادان باسقا بانان اعاشى، يۋككو جەمىسى، لاۆر سىندى تروپيكالىق اعاشتار وسىرىلەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي