BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودارلىق زاعيپتار جاڭا ٴونىم شىعاراتىن سەح اشتى

استانا، baq.kz. قازاق زاعيپتار قوعامىنىڭ وبلىستىق فيليالى جانىندا جاڭا قوندىرعىلارمەن جابدىقتالعان سەح جۇمىسىن باستادى. بۇل تۋرالى pavlodarnews.kz سايتى حابارلايدى.

زاعيپتار قوعامىنىڭ باس ينجەنەرى وراز ٴبايعوجيننىڭ ايتۋىنا قاراعاندا، ٴوندىرىس ورنى بۇعان دەيىن دە جۇمىس ىستەگەن. تەك بيىلدان باستاپ قوعام مۇشەلەرى سەحتە جاڭا ٴونىم شىعارۋعا بەل بۋعان.

«ول ٴۇشىن وزىمىزدە بار ەكسترۋدەردى رەسەيلىك مامانداردىڭ كومەگىمەن مودەرنيزاسيالادىق. سونىڭ ارقاسىندا جيھازدىق جيەك (كانت) شىعارۋعا مۇمكىندىك الدىق. ول جيھاز جاساۋ وندىرىسىندە كەڭىنەن قولدانىلادى. وعان دەيىن سەحتە شىعارىلعان پۆح قۇبىرلارعا دەگەن سۇرانىستىڭ ازايۋى سەبەبى وسىنداي شەشىم شىعاردىق»، - دەيدى وراز بايعوجين.

سونىمەن بىرگە، سەحتە تەرموپلاستاۆتومات قوندىرعىسى ورناتىلدى. ول ٴارتۇرلى پلاستيكالىق بۇيىمداردى شىعارۋعا ارنالعان. ونىڭ كومەگىمەن ٴونىم شىعارۋ الداعى ۋاقىتتىڭ ەنشىسىندە. زاعيپتار قوعامى بارلىق مودەرنيزاسيالىق جۇمىستاردى ٴوز قاراجاتىنا وتكىزگەنىن ايتا كەتكەن ٴجون.

وراز ٴبايعوجيننىڭ ايتۋىنشا، كاسىپورىن بۇدان بولەك ارنايى تاپسىرىس بويىنشا اليۋمينيي زاۋىتىنا فيلترلەر شىعارۋمەن اينالىسادى. ول فيلترلەر زاۋىتتىڭ تازالاۋ قوندىرعىلارىندا پايدالانىلادى. سونىمەن بىرگە، زاعيپتار قوعامىنىڭ جۇمىسكەرلەرى توسەك-ورىندار دا شىعارۋعا مۇمكىندىگى بار. جەكە تاپسىرىستار دا ورىندالادى.

كاسىپورىندا 87 ادام ەڭبەك ەتەدى. ولاردىڭ جارتىسىنان كوبى كورۋ كورۋ قابىلەتى بۇزىلعان ازاماتتار.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي