پاۆلودارلىق دارىگەرلەر مەن ساناۆياسيا بريگاداسى 2 جاسار بالانى ولىمنەن اراشالادى - ايماق|22 قاراشا 2017، 16:32
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودارلىق دارىگەرلەر مەن ساناۆياسيا بريگاداسى 2 جاسار بالانى ولىمنەن اراشالادى

پاۆلودارلىق دارىگەرلەر مەن ساناۆياسيا بريگاداسى ەكىباستۇز قالاسىندا ٴولىمنىڭ اۋزىندا قالعان 2 جاسار بالانى قۇتقاردى، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

وبلىستىق جەدەل جاردەم ستانسياسىنا ەكىباستۇز ورتالىق اۋرۋحاناسىنىڭ باس دارىگەرىنىڭ ورىنباسارى ايجان بايكەنوۆا حابارلاسىپ، تۇنشىعىپ بارا جاتقان بالانىڭ جاعدايى تۋرالى ايتقان. قوڭىراۋدان سوڭ دارىگەرلەر توبى وقيعا ورنىنا دەرەۋ شىقتى.

مامانداردىڭ ايتۋىنشا، كىشكەنتاي ەلدار تۇماۋراتىپ قالعان. الايدا، دەنەسىنىڭ قىزۋى كوتەرىلمەگەن. كەيىن بالانىڭ جاعدايى ناشارلاپ، ۇيىقتاي بەرىپتى. دارىگەرلەر بالانىڭ دەمالۋ جولدارىندا بەلگىسىز زات تۇرىپ قالۋى مۇمكىن دەگەن شەشىمگە كەلىپ، حيرۋرگ پەن ەندوسكوپيستىڭ كومەگىنە جۇگىنۋ كەرەكتىگىن ايتقان.

سانيتارلىق اۆياسيا قىزمەتىنىڭ كومەگىمەن حيرۋرگ دارىگەرلەر مەن ەندوسكوپيستەر ەكىباستۇزعا جەتتى. وبلىستىق جەدەل جاردەم ستانسياسى ماماندارىنىڭ ايتۋىنشا، ەندوسكوپيالىق تەكسەرۋ بارىسىندا بالانىڭ دەمالۋ جولى شىرىشتى تىعىنشىمەن جابىلىپ قالعانى انىقتالعان. اۋانىڭ جەتىسپەۋشىلىگىنەن بالا تۇنشىعا باستاعان. بۇگىنگى تاڭدا نارەستەنىڭ جاعدايى تۇراقتى.

مەكەمەنىڭ باس دارىگەرى كانادان احمەتجانوۆتىڭ ايتۋىنشا، بيىلعى جىلدىڭ 10 ايىندا وبلىستىق سانيتارلىق اۆياسيا قىزمەتى ٴوڭىردىڭ تۇرعىندارىنا 231 رەت بارعان. ال اۋىر حالدەگى ازاماتتارعا 130 رەت اۋە كولىگىمەن ۇشىپ جەتكەن.

ايتا كەتەيىك، بۇگىندە سانيتارلىق اۆياسيا قىزمەتىنىڭ يەلىگىندە ٴتورت كولىك، ۇشاق پەن تىكۇشاق بار. ارنايى كولىكتەر مەديسينالىق مودۋلدارىمەن قامتىلعان. زاماناۋي تەحنيكانىڭ ارقاسىندا جاڭا تۋعان نارەستەلەرگە دەر كەزىندە كومەك كورسەتۋگە مۇمكىندىك بار. حالىقارالىق ستاندارتتارعا ساي جابدىقتالعان كولىكتەرمەن 150 شاقىرىمدىق جەرلەرگە بارىپ، ساپالى قىزمەت كورسەتۋگە بولادى.

فوتو اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي