پاۆلوداردا ٴۇش جىلعا ارنالعان بيۋدجەت بەكىتىلدى - ايماق|25 جەلتوقسان 2018، 19:58
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلوداردا ٴۇش جىلعا ارنالعان بيۋدجەت بەكىتىلدى

فوتو: Atameken Business Channel

استانا، baq.kz. 2019 جىلعا ارنالعان بيۋدجەتتىڭ جالپى كولەمى 78،3 ميلليارد تەڭگەنى قۇرادى. بۇل تۋرالى pavlodarnews.kz سايتى حابارلايدى.

قالالىق ەكونوميكا جانە بيۋدجەتتىك جوسپارلاۋ ٴبولىمىنىڭ باسشىسى قانات قاپۋوۆتىڭ جەتكىزگەن اقپاراتىنا سايكەس، قالانىڭ كىرىس كولەمى - 53،6 ميلليارد تەڭگە. بۇل 2018 جىلمەن سالىستىرعاندا 5،6 ميلليارد تەڭگەگە ارتىق.

«بيۋدجەتتىڭ شىعىس جاعى جوسپارلانعاندا الەۋمەتتىك سالاعا باعىتتالۋى ساقتالعان. جالاقى تولەمىنىڭ جىلدىق قاجەتتىلىگى ەسكەرىلدى. الەۋمەتتىك ماڭىزى بار ٴىس-شارالاردىڭ بارلىعىن تولىق كولەمدە قارجىلاندىرۋ جوسپارلانۋدا»، - دەيدى قانات قاپۋوۆ.

قالالىق ەكونوميكا جانە بيۋدجەتتىك جوسپارلاۋ ٴبولىمىنىڭ باسشىسىنىڭ سوزىنە سۇيەنسەك، الەۋمەتتىك سالاداعى ٴىس-شارالاردى قارجىلاندىرۋعا 20 ميلليارد تەڭگە ٴبولۋ كوزدەلۋدە. ونىڭ ىشىندە 16،3 ميلليارد تەڭگە - ٴبىلىم بەرۋ، ەكى ميلليارد تەڭگە – الەۋمەتتىك قورعاۋ، 1،1 ميلليارد تەڭگە – سپورت جانە 507 ميلليون تەڭگە مادەنيەت بولىمىنە تاپسىرۋ جوسپارلانۋدا.

بيۋدجەتتەن ەڭ كوپ قاراجات قۇرىلىس سالاسىنا بولىنبەك. بۇل ماقساتقا 17،4 ميلليارد تەڭگە، ال تۇرعىن ۇي-كوممۋنالدىق شارۋاشىلىققا شامامەن ون ميلليارد تەڭگە ٴبولۋ كوزدەلگەن.

ماسەلەن، كەلەر جىلى قالامىزدىڭ ەكىنشى پاۆلودار مولتەك اۋدانىنا كارىز جەلىلەرىن سالۋ جۇمىستارى باستالادى. جوسپارعا سايكەس، سيبيرسكايا، حاباروۆسكايا، سۇلەيمەنوۆ، دالنەۆوستوچنايا جانە دەروۆ كوشەلەرىندە قۇبىرلار سالىنادى.

بۇعان قوسا، قالا اكىمى ٴانۋار كۇمپەكەەۆ 2019 جىلى ون ەلەكتروبۋس پەن 20 ديزەلدىك اۆتوبۋس ساتىپ الۋ جوسپارلانىپ وتىرعانىنا توقتالدى. ول ٴۇشىن 412 ميلليون تەڭگە بولىنەدى.

«اۆتوبۋستار وتاندىق وندىرۋشىدەن ساتىپ الىنادى. كولىكتەر قوستاناي زاۋىتىندا شىعارىلعان. پاۆلودارعا استانا كۇنىنە دەيىن جەتكىزۋگە تىرىسامىز»، - دەيدى ٴانۋار كۇمپەكەەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي