پاۆلوداردا ساتۋشىسى جوق ەكىنشى دۇكەن اشىلدى - ايماق|20 جەلتوقسان 2018، 09:12
كۋرسى ۆاليۋت وبنوۆليايۋتسيا
استانا:

پاۆلوداردا ساتۋشىسى جوق ەكىنشى دۇكەن اشىلدى

استانا، baq.kz. پاۆلودار مەملەكەتتىك پەداگوگيكالىق ۋنيۆەرسيتەتىندە «adal shop» دۇكەنى ىسكە قوسىلدى. بۇل تۋرالى pavlodarnews.kz ٴتىلشىسى حابارلايدى.

«دۇكەندى اشۋعا وبلىستىق مەملەكەتتىك قىزمەت جانە سىبايلاس جەمقورلىققا قارسى ٴىس-قيمىل دەپارتامەنتى سەبەپكەر بولدى. بۇل اكسيانى وڭتۇستىك وڭىرلەردىڭ جوعارعى وقۋ ورىندارى باستاعان بولاتىن. ٴقازىر بۇكىل قازاقستان بويىنشا جالعاسىپ جاتىر. مۇندا ەشقانداي ساتۋشى جوق. ارنايى باقىلاۋ ورناتىلماعان. ول دۇكەندە ستۋدەنتتەرگە قاجەتتى كەڭسە زاتتارى، جەكە باسىنا پايدالانۋعا ارنالعان زاتتار، كەرەكتى تاعامدار، سۋسىندار بار»، - دەدى اتالعان جوعارى وقۋ ورنى جاستار ساياساتى دەپارتامەنتىنىڭ ديرەكتورى ەركەبۇلان كۇنتۋعان.

ونىڭ ايتۋىنشا، ساتىپ الۋشىلار وزىنە كەرەكتى زاتتى الىپ، كورسەتىلگەن باعا بويىنشا اقشاسىن ارنايى قوراپقا قالدىرىپ كەتە بەرەدى.

«بۇل دۇكەننىڭ ماقساتى – ستۋدەنتتەردى ادالدىققا، ادامگەرشىلىككە تاربيەلەۋ. ٴبىزدىڭ دەپارتامەنتتىڭ قىزمەتكەرلەرى كەشكە قاراي دۇكەندەگى زاتتاردىڭ ازايعانىن تولىقتىرىپ، تازالاپ تۇرادى. «adal shop» جۇمىسى كادىمگى دۇكەندەردىڭ جۇيەسىمەن جۇرگىزىلەدى. تۇسكەن پايداعا قايتادان ساتۋعا زاتتار الىنادى»، - دەدى دەپارتامەنت ديرەكتورى.

دۇكەن جۇمىسىن نەگىزىنەن ۋنيۆەرسيتەتتىڭ ەرىكتىلەرى جۇرگىزەدى. تۇسكەن قارجىنى ۋنيۆەرسيتەت ەرىكتىلەرى جەتىم بالالارعا، الەۋمەتتىك ٴالسىز توپتىڭ وكىلدەرىنە كومەكتەسۋ سياقتى قايىرىمدىلىق شارالارىنا جۇمسايدى.

بۇعان دەيىن يننوۆاسيالىق ەۋرازيا ۋنيۆەرسيتەتىندە «ادالدىق دۇكەنى» اتپەن العاش رەت ەرەكشە دۇكەن اشىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي