BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلوداردا مۋلتيمەديالىق مۋزەي كەشەنى سالىنادى

فوتو: pavlodarnews.kz

استانا، baq.kz. پاۆلودار وبلىسىنىڭ تاريحى تۋرالى جاڭا مۋزەي پايدا بولماق.

وبلىستىق اكىمدىكتە ايماق باسشىسى بولات باقاۋوۆتىڭ توراعالىعىمەن مۋلتيمەديالىق مۋزەي كەشەنىنە قاتىستى جۇمىس توبىنىڭ كەزەكتى وتىرىسى ٴوتتى، دەپ جازدى pavlodarnews.kz سايتى. تاريحشىلار، مۋزەي قىزمەتكەرلەرى جانە ارحەولوگتار جاڭا مۋزەيدىڭ قانداي بولۋى كەرەك ەكەنىن تالقىلادى.

نىسان شامامەن 2،5 مىڭ شارشى مەتر اۋماقتى الىپ، ٴۇش بلوكتان تۇرادى دەگەن جوسپار بار. بۇل – جاراتىلىستانۋ مۋزەيى، كوشپەلى وركەنيەت مۋزەيى مەن ەتنوگرافيالىق مۋزەي.

«ۇلكەن مۋزەيدىڭ بولۋى كەز كەلگەن قالا، اسىرەسە وبلىس ورتالىعى ٴۇشىن ۇلكەن مارتەبە. مۋزەيدىڭ ورىنى ٴۇشىن ەرتىستىڭ جاعاسى، ورتالىق جاعالاۋ وتە ۇتىمدى تاڭداپ الىنعان»، - دەيدى وبلىستىڭ باس ساۋلەتشىسى نۇرلان قاقامبەتوۆ.

جاڭا مۋزەيدىڭ قۇرىلىسى باستالىپ كەتكەن، الايدا قىسقى اياز كەزىندە جۇمىس توبى قۇرىلىس جۇمىستارىن توقتاتا تۇرۋدى شەشتى. ماماندار كەشەندى تولىقتىرۋمەن اينالىسۋدا.

«ٴۇش بلوكتىڭ ٴارقايسىسىندا مۋلتيمەديالىق كونتەنت – ەكسپوزيسيا بويىنشا گيد، 3d-رەكونسترۋكسياسى جانە تاعى باسقالارى بار. جاقسى ەكسپوناتتار مەن مۋلتمەديالىق كونتەنت زاماناۋي مۋزەي كەشەنىن اشۋعا مۇمكىندىك بەرەدى»، - دەيدى ارحەولوگ-زەرتتەۋشى تيمۋر سماعۇلوۆ.

كوشپەلى وركەنيەت مۋزەيىندە كەز كەلگەن تۇرعىن كونە ادامعا اينالىپ، ىدىس جاساي الاتىن ينتەراكتيۆتى ايماق بولادى. سونداي-اق، توقىما ماتا، وقتىڭ ۇشىن جانە قولا نەمەسە تەمىردەن ٴارتۇرلى زاتتار جاساي الادى. مۇنىڭ بارلىعى جاڭا مۋزەيگە كەلۋشىلەر تاريحتى ٴوز كوزدەرىمەن كورىپ، سەزىنۋى ٴۇشىن كەرەك.

وبلىس اكىمى مۋزەي كەشەنىنىڭ قۇرىلىسى ٴۇشىن جان-جاقتى قاراۋدى، ونىڭ ىشىندە نىساندى كورىكتەندىرۋ، ەكسكۋرسيا جۇرگىزۋشىلەردى دايىنداۋ جانە اتاۋىن ويلاستىرۋدا تاپسىردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي