پاۆلوداردا كاسىپورىنداردىڭ 90 پايىزى ەڭبەكاقىنى كوتەرەدى – ەڭبەك باسقارماسى

فوتو: ашық дереккөзден

استانا، baq.kz. پاۆلودار وبلىستىق اكىمدىكتە ەڭ تومەن ەڭبەكاقىنى كوتەرۋ بويىنشا جيىن ٴوتتى، دەپ جازادى pavlodarnews.kz.

وڭىرلىك ەڭبەك باسقارماسىنىڭ باسشىسى اسقار قاپانوۆ ۇسىنعان مالىمەتكە سۇيەنسەك، قازىرگى تاڭدا ايماقتاعى كاسىپورىندارعا وسى ماسەلەگە قاتىستى ساۋالناما جولدانۋدا جانە باسىم بولىگى بۇل باستاماعا قولداۋ تانىتۋدا.

«مىسالى، «ksp steel»، «format mach company» جانە «پاۆلودار مۇناي-حيميا زاۋىتى» سياقتى ٴبىرقاتار كاسىپورىندار قارجى ماسەلەسىنە قاتىستى ەڭبەكاقىنى كوتەرە المايتىنىن ايتىپ تۇسىندىرۋدە. دەگەنمەن قانداي جاعداي بولسا دا 42 مىڭ 500 تەڭگەدەن تومەن جالاقى جوق. مۇنداعى ەڭبەكاقى 60-70 مىڭ تەڭگەنى قۇرايدى. بۇل جامان كورسەتكىش ەمەس. كوپتەگەن كاسىپورىندار ەڭبەكاقىنى كوتەرۋدە. بۇدان بولەك، جوعارى دەڭگەيدە جۇمىس ىستەيتىن ادامدارعا دا كوتەرۋ قاجەت. بۇل - ەڭبەك زاڭناماسىنىڭ تالابى»، - دەدى باسقارما باسشىسى.

باسقارما باسشىسىنىڭ ايتۋىنشا، كوبىنەسە شاعىن جانە ورتا بيزنەس سۋبەكتىلەرىندە ەڭ تومەن جالاقى كەزدەسەدى.

«بۇل كاسىپورىنداردىڭ ەڭبەكاقىنى كوتەرۋى بويىنشا ۇنەمى مونيتورينگ جاسايمىز. كۇن سايىن جاڭا مالىمەتتەر ٴتۇسىپ وتىرادى. ەگەر ٴىرى كاسىپورىندار ەڭبەكاقىنى كوتەرگەن جاعدايدا مامانداردىڭ بارلىعى سوندا اۋىسادى. سوندىقتان باسقالارى دا كوتەرۋگە ٴماجبۇر بولادى. ەگەر دە ەڭ تومەنگى كورسەتكىشتەن كوتەرمەگەن بولسا، بۇل 100 پايىز زاڭبۇزۋشىلىق بولىپ ەسەپتەلەدى. مۇنداي جاعدايدا باسقارماعا جۇگىنۋگە بولادى. زاڭدى نەمەسە جەكە تۇلعا اكىمشىلىك جاۋاپكەرشىلىككە تارتىلىپ، 50 اەك-تەن باستاپ ايىپپۇل سالىنۋى مۇمكىن»، - دەدى اسقار قاپانوۆ.

وبلىس اكىمىنىڭ ورىنباسارى مەيرام بەگەنتايەۆ شاعىن جانە ورتا بيزنەس كاسىپورىندارىنىڭ باسشىلارىنا ەڭبەكاقىنى كوتەرگەنى ٴۇشىن اكىمدىكتىڭ اتىنان العىس ٴبىلدىرىپ، ەڭبەك باسقارماسىنا ماسەلەنى باستى نازاردا ۇستاۋدى تاپسىردى.

«ەلباسىنىڭ حالىققا ارناعان جولداۋىنا ٴۇن قوسىپ، ورتاشا جانە ەڭ تومەن ەڭبەكاقىنى كوتەرگەن كاسىپورىندار باق-تا جاريالانادى. ەڭبەك باسقارماسى كاسىپوداق ورتالىعىمەن بىرگە ەڭبەكاقىنى كوتەرۋ بويىنشا ۇجىمدىق كەلىسىمشارتقا وزگەرىستەر مەن تولىقتىرۋلار ەنگىزۋدى قاراستىرۋى ٴتيىس، - دەدى وبلىس اكىمىنىڭ ورىنباسارى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!