BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلوداردا 215 وتباسى پاتەرلى بولدى

فوتو: Валерий Бугаев

پاۆلودار. baq.kz ٴتىلشىسى. تۇڭعىش پرەزيدەنت كۇنى قارساڭىندا 215 وتباسى باسپانالى بولدى.

جاڭا تۇرعىن ۇيلەر پاۆلودار قالاسىنداعى جاڭا «سارىارقا» شاعىن اۋدانىندا بوي كوتەردى. «نۇرلى جەر» باعدارلاماسىنىڭ اياسىندا سالىنعان ۇيلەردىڭ ٴبىر شارشى مەترىنىڭ باعاسى – 121 000 تەڭگە. مامانداردىڭ ايتۋنىشا، بۇل قالاداعى ورتاشا نارىقتىق باعادان ايتارلىقتاي تومەن. پاتەرلەر اۋماعى 40-84 شارشى مەتر شاماسىندا.

پاتەرلى بولعان قاۋىمنىڭ قۋانىشىنا وبلىس اكىمى بولات باقاۋوۆ ورتاقتاسىپ، مەرەكەمەن قۇتتىقتادى.

«ەلباسى نۇرسۇلتان نازاربايەۆتىڭ جۇرگىزىپ جاتقان سارابدال ساياساتى مەن ەلىمىزدە جۇزەگە اسىرىلىپ جاتقان مەملەكەتتىك تۇرعىن ٴۇي باعدارلامالارىنىڭ ارقاسىندا ەل ازاماتتارى باسپانالى بولىپ جاتىر. وسىدان ٴبىرشاما ۋاقىت بۇرىن ەكى قاباتتى اپاتتى ۇيلەردىڭ ورنىندا وسىنداي جاڭا شاعىن اۋدانى بوي كوتەرىنىنە كۇمىنمەن قاراعان ەدىك. بۇگىنگى تاڭدا ىڭعايلى، الەۋمەتتىك تۇرعىدان دامىعان «سارىارقا» شاعىن اۋدانى سالىنىپ جاتىر. ونىڭ قۇرىلىسى 2021 جىلعا دەيىن تولىق اياقتالادى»، - دەيدى بولات باقاۋوۆ.

باسپانالارعا يە بولعاندار - تۇرعىن ٴۇي قۇرىلىس جيناق بانكىنىڭ سالىمشىلارى.

"مەملەكەتتىڭ قولداۋى مەن «نۇرلى جەر» باعدارلاماسىنىڭ ارقاسىندا جىل سوڭىنا دەيىن تاعى 288 پاۆلودارلىق قونىس تويىن اتاپ وتەدى. سونىمەن قاتار، بانك 650 پاتەر بويىنشا پۋلعا ساتىپ الۋشىلاردى قابىلداۋ جاريالايدى»، - دەيدى قارجى ينستيتۋتى وبلىستاعى فيليالىنىڭ ديرەكتورى تالعان بايىلوۆ.

ايتا كەتەيىك، بۇگىنگى كۇنگە دەيىن وبلىس ورتالىعىندا 103 مىڭ شارشى مەتردەن استام تۇرعىن ٴۇي قولدانىسقا بەرىلدى. مەملەكەت بيۋدجەتىنىڭ ەسەبىنەن «سارىارقا» شاعىن اۋدانىندا التى تۇرعىن ٴۇي سالىنىپ ٴبىتتى. قازىرگى ۋاقىتتا تاعى التى باسپانانىڭ قۇرىلىسى اياقتالۋعا جاقىن. جىل سوڭىنا دەيىن 200 مىڭ شارشى مەتر تۇرعىن ٴۇي ەل يگىلىگىنە بەرىلمەك.

فوتو: ۆالەريي بۋگايەۆ


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي