BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلوداردا 200 مىڭ تەڭگە پارا العان شەنەۋنىك 3 ملن تەڭگە ايىپپۇل تولەيدى

پاۆلودار قالالىق №2 قىلمىستىق سوتىندا 200 مىڭ پارا العان شەنەۋنىككە قاتىستى ۇكىم شىقتى، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

سوت ۇكىمىن قالالىق سوتتىڭ سۋدياسى اسقار شومان وقىدى.

«جۇلدىز مالدىبايەۆا قر قىلمىستىق كودەكسىنىڭ 366-بابى 1-بولىگى بويىنشا كىنالى دەپ تانىلسىن. وعان پارا سوماسىنان 50 ەسەگە ارتىق، 3 ملن تەڭگە كولەمىندە ايىپپۇل تاعايىندالسىن. سونىمەن قاتار، قىلمىستىق جولمەن تابىلعان مۇلىكتى تاركىلەۋ جانە مەملەكەتتىك قىزمەتتە ەڭبەك ەتۋ قۇقىعىنان ٴومىرباقي ايىرۋ جازاسى كەسىلسىن»، - دەدى اسقار شومان.

ەسكە سالا كەتسەك، 27 قىركۇيەكتە وبلىستىق جاستار ساياساتى جونىندەگى باسقارماسىنىڭ باس مامانى جۇلدىز مالدىبايەۆا ۇستالدى. ٴىس ماتەريالدارىنا سۇيەنسەك، وبلىستىق باسقارماداعى اقپاراتتىق-ساراپتامالىق قىزمەت، جاستار باستامالارىن ۇيلەستىرۋ جانە جۇزەگە اسىرۋ ٴبولىمى باسشىسىنىڭ مىندەتىن اتقارا وتىرىپ، ٴبىر قىزمەت تاسىمالداۋشىسىنان 60 مىڭ تەڭگە تالاپ ەتكەن. بۇل قارجى قىزمەت كورسەتۋ اكتىسىنە قول قويۋ ماقساتىندا سىياقى رەتىندە قاراستىرىلعان. كەيىن شەنەۋنىك 200 مىڭ تەڭگە تالاپ ەتكەن. 29 جاستاعى مامان پارا العان ساتىنەن سوڭ ەكى ايعا ۋاقىتشا قاماۋ يزولياتورىنا قاماۋعا الىنعان بولاتىن.

ەسكە سالا كەتسەك، ەرتىس وڭىرىندە جىل باسىنان بەرى پارا الۋ دەرەگى بويىنشا التى ادام ۇستالعان، ولاردىڭ تورتەۋى مەملەكەتتىك قىزمەتشىلەر.

فوتو: اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي