BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار تاس جولىندا تۇرىپ قالعان 55 وزبەكستاندىق قۇتقارىلدى

پاۆلودار پوليسياسى وبلىس ورتالىعىنان ونداعان شاقىرىم قاشىقتىقتا جولدا تۇرىپ قالعان اۆتوبۋستاعى جولاۋشىلارعا كومەكتەستى، دەپ حابارلايدى ۆaq.kz اقپارات اگەنتتىگى وبلىستىق ىىد-گە سىلتەمە جاساپ.

اۆتوبۋس ىشىندە وزبەكستاننىڭ 55 ازاماتى بولدى. ولاردىڭ ٴبارى رەسەيگە جولعا شىققان. وبلىستىق ىشكى ىستەر دەپارتامەنتىنىڭ حابارلاۋىنشا، ٴجول-پاترۋلدى پوليسيا قىزمەتكەرلەرى جولدا تۇرىپ قالعان اۆتوبۋستى دوستىق اۋىلىنىڭ ماڭىنان تاپقان.

پوليسيا قىزمەتكەرلەرى جولاۋشىلاردى اۋىلداعى مەكتەپكە جەتكىزىپ، جىلىتىپ، ىستىق تاماق بەرگەن. كەيىن وزبەكستان ازاماتتارى باسقا اۆتوبۋسپەن رەسەيگە قاراي قايتا جولعا شىقتى. ولاردى رەسەي شەكاراسىنا دەيىن جەتكىزىپ سالعان. ٴارى قاراي ميگرانتتار رەسەيلىك اۆتوبۋسقا وتىرعان.

ەسكە سالا كەتەيىك، بيىل جىل باسىنان بەرى پاۆلودار وبلىسىندا وسىمەن ٴۇشىنشى رەت رەسەيگە بارا جاتقان اۆتوبۋس بۇزىلىپ، جولاۋشىلار جەدەل قۇتقارىلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي