BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار وبلىسىندا جەتى بالالار ٴۇيى جابىلدى

فوتو: автор

پاۆلودار، baq.kz ٴتىلشىسى. ەرتىس وڭىرىندە سوڭعى جىلدارى جەتى بالالار ٴۇيى جابىلدى. وسىدان توعىز جىل بۇرىن اتا-انا قامقورلىعىنان ايىرىلعاندارعا ارنالعان 19 ٴبىلىم بەرۋ ۇيىمى بولسا، قازىرگى تاڭدا ولاردىڭ قاتارى وننان اسادى. سوڭعى بىرنەشە جىلدا ەڭ ٴىرى قالقامان جانە ميچۋرين بالالار ۇيلەرىنىڭ جۇمىسى توقتادى.

وبلىستىق ٴبىلىم بەرۋ باسقارماسى ماماندارىنىڭ مالىمەتىنشە، سوڭعى ۋاقىتتا جەتىم بالالاردى باۋىرىنا باسقىسى كەلەتىن وتباسىلار كوبەيگەن. ماسەلەن، وسى جىلدىڭ وزىندە 300-گە جۋىق بالا جاڭا اتا-انالارىمەن قاۋىشقان. بۇل – ەلىمىزدەگى جوعارى كورسەتكىشتەردىڭ ٴبىرى. ۇل-قىزدارعا جان جىلۋىن بەرگىسى كەلگەن ازاماتتاردىڭ قاتارىندا تالعات جانە اسەل حاليكوۆتار بار.

فوتو: اۆتور

44 جاستاعى تالعات حاليكوۆ جەلەزين اۋدانىنىڭ لەسنوۋ اۋىلىندا تۇرادى. شاعىن شارۋاشىلىعى بار ازاماتتىڭ 21 جاسار ۇلى بار. وسى جىلى تۇڭعىشتارى مادياردىڭ مۇرىندىق بولۋىمەن بەس بالانى اسىراپ الۋعا شەشىم قابىلداعان.

«باستاپقىدا ەگىز راسۋل مەن ەرحاتتى اسىراپ الماقشى بولدىق. بالالار ۇيىنە بارعاندا فاريدا، راميليا جانە ۆالەرييدى كورىپ، بالالاردى جاقسى كورىپ قالدىم. ۇشەۋى ٴبىر انانىڭ بالالارى، ولاردى بولۋگە ٴداتىم بارمادى. ۇشەۋىن دە اسىراپ الدىق. راسۋل مەن ەرحات مەنىڭ تۋعان اعالارىما ۇقسايدى، ولاردى ٴسۇيىپ قالعانىم سودان بولار. ٴبىز اسەل ەكەۋمىز كوپبالالى وتباسىنان شىقتىق. سوندىقتان، ۇلكەن شاڭىراقتىڭ وتاناسى مەن وتاعاسى بولۋدى ارمان ەتتىك. مىنە، مۇراتىمىزعا جەتتىك. ۇيگە كىرگەندە، بالالاردىڭ «اكە، ماما» دەگەن داۋىسىنە ەستىگەندە جۇرەگىم ەلجىرەپ كەتەدى. باقىت دەگەن وسى بولار!» - دەيدى تالعات حاليكوۆ.

اسەل حاليكوۆانىڭ قۋانىشىندا شەك جوق. سەبەبى، 40 جاستاعى ازاماتقا بالالاردىڭ اناسى بولۋ باقىتى بۇيىردى.

«قىزدارىم وتە اقىلدى، ەلگەزەك. جانىمنان شىقپايدى، كومەكتەسۋگە تىرىسادى. ال ۇلدارىم اكەلەرىنىڭ قولعاناتى بولادى دەگەن سەنىمدەمىن. ۇلكەن ۇلىم ماديار كىشكەنتاي كەزىندە ٴىنى-قارىنداستارىنىڭ بولۋىن قالايتىن. تاعدىردىڭ جازعانى بولار، ودان باسقا بالا كوتەرە المادىم. ەندى ٴوزىمدى باقىتتى سانايمىن»، - دەيدى اسەل حاليكوۆا.

وبلىستىق ٴبىلىم بەرۋ باسقارماسىنىڭ باس مامانى گۇلميرا بايعازينوۆانىڭ ايتۋىنشا، 2010 جىلى جۇمىس ىستەپ تۇرعان 19 بالالار ۇيىندە 810 جەتكىنشەك تاربيەلەنگەن.

«بۇگىندە سانى 11 مەكەمەنى قۇراپ وتىر، بۇل ۇيلەردە 379 ۇل-قىز ٴبىلىم مەن تاربيە الۋدا. وسى ۋاقىتقا دەيىن 35 بالا وتباسىلارعا قابىلدانسا، 122 وقۋشى پاتروناتتىق تاربيەگە الىندى. ال 1239 بالا قامقورشىلىقتا. جاڭا وتباسىعا الىنعان بالالاردىڭ تۇرمىسىن، وقۋىن ٴجىتى باقىلايمىز. اتا-انالاردىڭ بارلىعىنىڭ جاۋاپكەرشىلىگى مول»، - دەيدى باس مامان.

قازىرگى ۋاقىتتا اتا-انا قامقورلىعىنان ايىرىلعان بالالاردى قابىلداۋدىڭ بىرنەشە فورماسى بار. اسارىپ الۋ، پاتروناتتىق تاربيە، قامقورشىلىققا الۋ، قامقورشى وتباسى سياقتى تۇرلەرى بار. اتا-انا اتانعىسى كەلەتىن ازاماتتارعا جاۋاپتى مەملەكەتتىك مەكەمە تاراپىنان قولداۋ بار. بالالاردى تۋعانىنداي كورەتىن ۇلكەن جۇرەكتى ادامداردىڭ ارقاسىندا بالالار ۇيلەرى جابىلۋدا. وسىنداي جانداردىڭ قاتارىندا 32 بالانى اسىراپ العان ەكاتەرينا ياسەنكو بار.

«ياسەنكو وبلىستاعى ەڭ ۇلكەن وتباسى شىعار. 32 بالامىز، 15 نەمەرەمىز بار. بالالارىمنىڭ ىشىندە ورىستار، ۋكرايندەر، وسەتيندەر، نەمىستەر بار. بارلىعىن تۋعانىمداي كورەمىن. تۇڭعىش بالامنىڭ جاسى - 39-دا، كەنجەم – 8-دە. بالالارسىز ٴومىرىمدى ەلەستەتە المايمىن»، - دەيدى ەكاتەرينا ياسەنكو.

وڭىردە جابىلىپ قالعان بالالار ۇيلەرى وقۋشىلارعا ارنالعان ساۋىقتىرۋ كەشەندەرى مەن لاگەرلەرگە اينالعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي