BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار وبلىسىندا تۇرعىنداردىڭ 71 پايىزى قالالىق جەرلەردە تۇرادى

فوتو: pavlodarnews.kz

استانا، baq.kz. ستاتيستيكالىق مالىمەتتەرگە سۇيەنسەك، ٴوڭىر تۇرعىندارىنىڭ 71 پايىزى قالالىق جەرلەردە، 29 پايىزى اۋىلدىق ايماقتاردا قونىستانعان. بۇل تۋرالى pavlodarnews.kz سايتى حابارلايدى.

وڭىرلىك كوممۋنيكاسيالار قىزمەتىندە وتكەن ٴباسپاسوز كونفەرەنسياسىندا وبلىس اكىمى بولات باقاۋوۆ شالعاي جاتقان اۋىلدارعا ۇيالى بايلانىس جەلىسىن تارتۋ ماسەلەسىنە توقتالىپ ٴوتتى.

«كەڭ جولاقتى ينتەرنەت بار جەرلەر ۇيالى بايلانىسپەن قامتاماسىز ەتىلەدى. ايماقتا شاعىن اۋىلداردى ەسەپكە العاندا 365 ەلدى مەكەن بار. ونىڭ بارلىعىنا ۇيالى بايلانىس جەلىسى تارتىلمايدى. سەبەبى، قازىرگى تاڭدا ۋربانيزاسيا ٴۇردىسى ٴجۇرىپ جاتقانى بەلگىلى. تىرەك اۋىلداردى دامىتۋ باعدارلاماسى بويىنشا اسفالت توسەپ، قۇرىلىس جۇمىستارى جۇرگىزىلۋدە. سول جەرلەردە دارىگەرلىك امبۋلاتوريا، ينتەرنەت تە بولادى. مىسالى، تەرەڭكول اۋدانىنداعى ورتالىقتان 37 شاقىرىمدا جاتقان زەلەنايا روششا سياقتى بولىمشە جايىلىمدى جەر بولىپ سانالادى. دەگەنمەن، ينفراقۇرىلىم، ەلەكتر، ۇڭعىما وتكىزىلگەن اۋىلدان ارزان باعاعا ٴۇي ساتىپ الىپ، ەت باعىتىندا مال شارۋاشىلىعىن دامىتۋعا بولادى»، - دەدى بولات باقاۋوۆ.

ايماق باسشىسى «ەڭبەك» ناتيجەلى جۇمىسپەن قامتۋ جانە جاپپاي كاسىپكەرلىكتى دامىتۋ باعدارلاماسى اياسىندا ەلىمىزدىڭ وڭتۇستىك وڭىرلەرىنەن بيىلعى جىلى 165 وتباسى كوشىپ كەلگەنىن اتاپ ٴوتتى.

«ٴالى دە ٴبىزدىڭ ايماققا قونىس اۋداراتىندار بار جانە ولارعا ٴبىزدىڭ ٴوڭىر ۇنايدى. ونىڭ ىشىندە شىمكەنت پەن قىزىلوردادان عانا ەمەس، باسقا وڭىرلەردەن جانە قىتايدان كەلگەن قانداستارىمىز بار. بىزدە جەر ۋچاسكەسى ۇسىنىلادى. ٴار وتباسىنا جەتى توننا كومىر بەرىلدى. بۇل باعىتتاعى جۇمىس كەلەسى جىلى دا جالعاسىن تابادى»، - دەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي