BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلوداردا «ەرتىس ورمانى» اعا ينسپەكتورى ەلىك اتقانى ٴۇشىن ۇستالدى

پاۆلودار وبلىسىندا ەلىك پەن بۇلاندى اتقان ەكى تۇرعىن مەن «ەرتىس ورمانى» مەملەكەتتىك ورمان تابيعي رەزەرۆاتىنىڭ اعا ينسپەكتورى ۇستالدى، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

وبلىستىق ىشكى ىستەر دەپارتامەنتى ٴباسپاسوز حاتشىسىنىڭ حابارلاۋىنشا، زاڭدى بۇزعاندار ارنايى رەيد بارىسىندا ۇستالعان.

«ەرتىس ورمانى» رەزەرۆاتىنا قاراستى بايىمبەت ورمانشىلىعىنىڭ اۋماعىندا كولىكتەردىڭ ىزدەرى انىقتالدى. پوليسەيلەر ورماندا nissan patrol ماركالى كولىگىن توقتاتقان. ماشينا جۇرگىزۋشىسىنىڭ كۋالىگى بولماي شىققان، ال جولاۋشى رەزەرۆاتتىڭ قىزمەتكەرىنىڭ كۋالىگىن كورسەتكەن. كولىكتىڭ ىشىندە پاۆلودار قالاسىنىڭ ەكى تۇرعىنى بولدى. ولاردا «ۆەپر» ماركالى اڭشىلىق قارۋلار بولدى»، - دەپ حابارلادى ٴىىد-نىڭ ٴباسپاسوز حاتشىسى بايان ماعزۇموۆا.

تەكسەرىس بارىسىندا ەكى پاۆلودارلىقتىڭ ەلىك پەن بۇلاندى ليسەنزياسىز اتقانى بەلگىلى بولدى. بۇگىنگى تاڭدا بۇل دەرەك بويىنشا قر قىلمىستىق كودەكسىنىڭ 337-بابى بويىنشا تەرگەۋ امالدارى باستالدى.

ايعاقتار تاركىلەنىپ، اۆتوكولىك ايىپپۇل تۇراعىنا قويىلدى. بۇل باپ بويىنشا بەلگiلi بiر لاۋازىمداردى اتقارۋ نەمەسە بەلگiلi بiر قىزمەتپەن اينالىسۋ قۇقىعىنان ٴبىر جىلعا دەيiنگi مەرزiمگە ايىرا وتىرىپ، 300 اەك-كە دەيiنگi مولشەردە ايىپپۇل سالۋعا نە سول مولشەردە تۇزەۋ جۇمىستارىنا نە 240 ساعاتقا دەيىنگى مەرزىمگە قوعامدىق جۇمىستارعا تارتۋعا، نە 75 تاۋلىككە دەيىنگى مەرزىمگە قاماققا الۋ جازاسى قاراستىرىلادى.

ەسكە سالا كەتسەك، بۇعان دەيىن قىزىل كىتاپقا ەنگەن كيىكتەردى اتقان ٴۇش براكونەر قۇرىقتالىپ، جاۋاپكەرشىلىككە تارتىلعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي