BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار وبلىسىندا بيىل 1100 شاقىرىم جول جوندەلەدى

فوتو: Автор

بيىل پاۆلودار وبلىسىندا «نۇرلى جول» باعدارلاماسى اياسىندا رەسپۋبليكالىق ماڭىزداعى تراسسالاردى ەسەپكە العاندا 1100 شاقىرىم جول جوندەلەدى. ولاردىڭ 462 شاقىرىمى – جەرگىلىكتى اۆتوجولدار، دەپ حابارلايدى baq.kz ايماقتاعى ٴتىلشىسى.

بۇل تۋرالى ەلباسى نۇرسۇلتان نازاربايەۆتىڭ ٴوڭىردىڭ الەۋمەتتىك-ەكونوميكالىق دامۋ قورىتىندىلارىنا ارنالعان جيىندا بەلگىلى بولدى. قازىرگى ۋاقىتتا جاقسى جاڭدايداعى جولداردىڭ ۇلەسى – 78%.

«ەكى جىل بۇرىن جەرگىلىكتى ماڭىزداعى جولداردىڭ نەبارى 160 شاقىرىمى جوندەلسە، بيىلعى جىلى جۇمىس كولەمى 3 ەسە ارتتى. قالىپقا كەلتىرىلىپ جاتقان 460 شاقىرىم جولدىڭ 210 شاقىرىمى قولدانىسقا بەرىلدى. بيىل مىڭنان استام تراسسانى جوندەۋگە 67 ملرد تەڭگە ٴبولىندى»، - دەپ مالىمدەدى وبلىس اكىمى بولات باقاۋوۆ.

ال 2019 جىلعا دەيىن «ورتالىق-شىعىس» ٴدالىزىنىڭ قۇرىلىسى تولىق اياقتالادى. وسىلايشا، پاۆلودارلىقتار استاناعا 6 ساعاتتا ەمەس، 2،5 ساعاتتىڭ ىشىندە جەتۋ مۇمكىندىگىنە يە بولماق.

سالاداعى تاعى ٴبىر جاڭالىق – باياناۋىل اۋدانىنىڭ تۋريستىك الەۋەتىن ارتتىرۋ ماقساتىنداعى جول قۇرىلىسى. بيىل 206 شاقىرىمدىق جول سالىنادى دەپ كۇتىلۋدە. باياناۋىل ولكەسىن وزگە وڭىرلەرمەن بايلانىستىراتىن كۇرە جولدىڭ جوندەۋ كورمەگەلى قاشان. بۇل يگىلىككە 6 ملرد. تەڭگەدەن استام قارجى بولىنگەن.

«جوندەۋ جۇمىستارىنا 5 مەردىگەر ۇيىم تارتىلعان. قالقامان اۋىلىنان باياناۋىلعا دەيىنگى التى جول ۋچاسكەسىن سالامىز. تەحنيكا قۇرالدارى مەن قۇرىلىس ماتەريالدارى جەتكىلىكتى. جۇمىستار ۇستىمىزدەگى جىلدىڭ قازانىنا دەيىن اياقتالۋى ٴتيىس. سونىمەن قاتار، قاراعاندى وبلىسىنا دەيىنگى تاس جولعا اسفالتبەتون توسەلەدى. بۇل ترانزيتتىك الەۋەتتى ارتتىرۋعا وڭ سەپتىگىن تيگىزەدى. ناتيجەسىندە 3-دەيگەيلى جول يىگىلىككە جارايدى»، - دەيدى «قازاۆتوجول ۇق» اق وبلىستىق فييلالىنىڭ ٴبولىم باسشىسى تالعات قايراتحان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي