BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار وبلىسىندا 10 جىل ىشىندە اۋىل تۇرعىندارىنىڭ سانى ازايعان

فوتو: pavlodarnews.kz

استانا، baq.kz. وسى ۋاقىت ىشىندە ەلدەن قالاعا كوشكەن حالىق سانى ەكى اۋدان حالقىنىڭ سانىمەن پارا-پار. بۇل تۋرالى pavlodarnews.kz سايتى حابارلاندىراد.

قازىرگى كەزدە وبلىستا اۋىلدا تۇراتىن حالىق ۇلەسى نەبارى 30%. قازاقستاندا بۇل كورسەتكىش 42%-دان ارتىق. بۇل تۋرالى پاۆلودار وبلىسى قازاقستان فەرمەرلەر وداعىنىڭ ەسەپ بەرۋ-سايلاۋ كونفەرەنسياسىندا «پاۆلودار» الەۋمەتتىك-كاسىپكەرلىك كورپوراسياسى اۋىل شارۋاشىلىعىن دامىتۋ ماسەلەلەرى جونىندە ٴبولىمىنىڭ باسشىسى ۆلاديمير بەركوۆسكيي مالىمدەدى.

«تاجىريبە كورسەتكەندەي، ۋربانيزاسيادان ەشقايدا قاشىپ قۇتىلا المايسىڭ. الايدا، اۋىل حالقىنىڭ كەمۋى اۋىل شارۋاشىلىعىنىڭ بارلىق سالاسىنداعى جوعارى تەحنولوگيالاردىڭ ەنگىزىلۋىمەن قاتار ٴجۇرۋى كەرەك. سوندىقتان بۇل ۇدەرىستەردى باسقارۋىمىز قاجەت»، - دەيدى ۆلاديمير بەركوۆسكيي.

ۆلاديمير بەركوۆسكييدىڭ پىكىرىنشە، اۋىل ايماقتان ٴبىلىمدى، جاس، باستاماشىل ادامداردىڭ كوشىپ كەتۋى اۋىلدىڭ ەكونوميكالىق توقىراۋىنا اكەپ سوقتىرادى. حالىقتىڭ اۋىلدان قالالارعا قونىس اۋدارۋىنىڭ نەگىزگى سەبەبى – زاماناۋي تۇرمىستىق جاعدايدىڭ بولماۋى.

تەرەڭكول اۋدانىندا ٴبىرقاتار الەۋمەتتىك ماڭىزى بار نىسانداردىڭ قولدانىسقا بەرىلۋىنىڭ ارقاسىندا بۇل اۋداندا اۋىل تۇرعىندارىنىڭ سانى ازايماعان. ماسەلەن، بۇل اۋداندا جىل سايىن ٴۇش مىڭ شارشى مەتر باسپانا سالىنىپ، جۇمىس ورىندارى اشىلۋدا.

«اۋىلدىقتار وزدەرىنە ىڭعايلى جاعداي ىزدەيدى. ولار ۇيلەرىندە ورتالىق سۋ جانە جىلۋمەن قامتۋ جۇيەسى مەن جىلى اجەتحانا بولعانىن قالايدى. وسى ورايدا ٴبىز العا قاراي زور قادام باسقانىمىزدى اتاۋ كەرەك. دەسەك تە، اۋىلدا ورتالىق جىلۋ جۇيەسى تەك گاليسكوە اۋىلىندا عانا بار»، - دەيدى ۆلاديمير بەركوۆسكيي.

وسى ماسەلەنى شەشۋ ٴۇشىن «پاۆلودار» الەۋمەتتىك-كاسىپكەرلىك كورپوراسياسىنىڭ وكىلى اۋىلدى ەلەكتر ەنەرگياسىنىڭ كومەگىمەن جىلىتۋدى ۇسىندى. ول ٴۇشىن وبلىستا ەنەرگيالىق قۋات جەتكىلىكتى دەيدى ول. وسى ورايدا ۆلاديمير بەركوۆسكيي ەلەكتر ەنەرگياسىنا تۇنگى تاريفتەردىڭ وزىندىك باعامەن ساتىلۋ كەرەكتىگىنە باسا نازار اۋداردى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي