BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار وبلىسى تۇرعىندارىنىڭ 64%-ى مەملەكەتتىك قىزمەتتى حقكو-دان الادى

فوتو: pavlodarnews.kz

استانا، baq.kz. وڭىرىمىزدەگى مەملەكەتتىك قىزمەت كورسەتۋ ساپاسىنا زەرتتەۋ جۇرگىزگەن س. تورايعىروۆ اتىنداعى پمۋ وكىلدەرى اتقارعان جۇمىس ناتيجەلەرىن جاريالادى. بۇل تۋرالى pavlodarnews.kz سايتى حابارلايدى.

وبلىستىق اكىمدىكتە وتكەن ۆەدومستۆوارالىق جۇمىس توبىنىڭ وتىرىسىندا پمۋ فيلوسوفيا كافەدراسىنىڭ مەڭگەرۋشىسى مايرا قوجامجاروۆا قىزمەتتەردى الۋ ٴۇشىن حالىق ەڭ كوپ جۇگىنەتىن مەملەكەتتىك ورگانداردى اتاپ ٴوتتى.

زەرتتەۋلەرگە سايكەس وبلىس تۇرعىندارىنىڭ 64%-ى حالىققا قىزمەت كورسەتۋ ورتالىقتارىنا، 28%-ى مەملەكەتتىك ورگاندارعا جۇگىنەدى جانە 11،2%-ى egov.kz پورتالىن پايدالانادى. دەسەك تە، پاۆلودارلىقتار حقكو-مەن سالىستىرعاندا مەملەكەتتىك ورگانداردىڭ قىزمەت ساپاسىنا جوعارى باعا بەرەدى. جەرگىلىكتى اتقارۋشى ورگاندار تۇرعىندار تاراپىنان 4،8 دەگەن باعاعا يە بولدى.

«نەگە ەكەنى بەلگىسىز، تۇرعىنداردىڭ حقكو كومەگىن جيىرەك پايدالانىتىنىنا قاراماستان، حقكو-دان گورى مەملەكەتتىك ورگاندارعا سەنىمدىلىك دەڭگەيى جوعارى. – تۇرعىندار مەملەكەتتىك ورگاندار قاي جەردە قولجەتىمدى بولسا، سول ورگاندارعا تىكەلەي بارىپ قىزمەت الۋ مۇمكىندىگىن تاڭدايدى»، - دەيدى مايرا قوجامجاروۆا.

زەرتتەۋلەرگە سۇيەنسەك، تۇرعىندار ەڭ كوپ پايدالاناتىن قىزمەت ٴتۇرى (59،1%) دارىگەردىڭ قابىلداۋىنا جازىلۋ ەكەندىگى انىقتالدى. بۇدان كەيىنگى ورىندا مەديسينالىق مەكەمەلەرگە تىركەلۋ – 53،4%-دى قۇرايدى. ۇزدىك ۇشتىكتى 41،6%-بەن بالالاردى مەكتەپكە دەيىنگى ٴبىلىم بەرۋ مەكەمەلەرىنە تىركەۋ قورىتىندىلايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي