BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار مەشىتتەرىندە ٴار بەيسەنبى سايىن اۋىزاشار بەرىلەدى

فوتو: WEproject.kz

استانا، baq.kz. پاۆلودار قالالىق مەشىتتەرى اۋزى بەرىك جاماعاتقا اۋىزاشار ۇيىمداستىرىپ تۇرۋ ٴىسىن قولعا الدى. بۇل تۋرالى pavlodarnews.kz سايتى حابارلايدى.

«مۇسىلمان جاماعاتىنىڭ بىر-بىرىنە دەگەن سەنىمى، باۋىرماشىلدىعى مەن بەرەكە-بىرلىگىن ارتتىرۋ، جات اعىم جولىندا جۇرگەن باۋىرلارىن وزىنە تارتۋ، ولارعا دۇرىس جولدى كورسەتۋ – بۇگىنگى تاڭداعى مەشىت يمامدارىنىڭ باستى نازارىنداعى ەڭ وزەكتى ماقساتتىڭ ٴبىرى. وسى ماقساتتى جۇزەگە اسىرۋ ٴۇشىن مەشىتتەر تاراپىنان ٴوز مۇمكىندىگىنە قاراي ٴارتۇرلى ساۋاپتى دا يگى ٴىس-شارالاردى كوپتەپ ۇيىمداستىرۋدا. سولاردىڭ ٴبىرى پايعامبارىمىزدىڭ (س.ع.س) سۇننەتى بولعان دۇيسەنبى جانە بەيسەنبى ورازاسى، وسى ٴناپىل ورازا بارىسىندا ساۋاپقا جارىسقان جاماعاتتىڭ ٴبىر-بىرىنىڭ اۋزىن اشتىرۋعا دەگەن جاقسى نيەتى. سوندىقتان وكىل يمام جولداس قوسپاق ۇلىنىڭ باستاماسى بويىنشا قالالىق مەشىتتەردە اۋىزاشار ۇيىمداستىرىپ تۇرۋ ٴىسى قولعا الىنۋدا»، - دەدى قمدب-نىڭ پاۆلودار وبلىسى بويىنشا ٴباسپاسوز حاتشىسى امانتاي تويشىباي.

وتكەن بەيسەنبى كۇنى العاشقى اۋىزاشار قالالىق «عازيز» مەشىتىندە باستالدى. اۋىزاشارعا ٴناپىل ورازا ۇستاعان قالالىق مەشىتتىڭ جاماعاتى تۇگەلدەي قاتىستى. داستارحان باسىندا وكىل يمام جولداس قوسپاق ۇلى جينالعان قاۋىمعا عيبراتتى ۋاعىز-ناسيحات ايتتى.

«بۇل باستاما الداعى ۋاقىتتاردا ٴار بەيسەنبى سايىن قالالىق «ٴماشھۇر ٴجۇسىپ»، «ومار ٴال-فارۋق»، «ٴابۋ باكىر سىددىق»، «اقمەشىت» مەشىتى، «بيجان» مەشىتتەرىندە جالعاسىن تاۋىپ، وسى رەتپەن قاسيەتتى رامازان ايىنا دەيىن جالعاسىن تاباتىن بولادى»، - دەدى وكىل يمام.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي