BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پاۆلودار مەملەكەتتىك ۋنيۆەرسيتەتىندە «سانالى ۇرپاق» كەڭسەسى اشىلدى

استانا، baq.kz. س.تورايعىروۆ اتىنداعى پاۆلودار مەملەكەتتىك ۋنيۆەرسيتەتىنە جۇمىس ساپارىمەن قازاقستان رەسپۋبليكاسى مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگى ٴتوراعاسىنىڭ ورىنباسارى ايگۇل شايموۆا كەلدى.

كەزدەسۋ بارىسىندا پاۆلودار وبلىسىنىڭ جاستارى اراسىندا سىبايلاس جەمقورلىققا قارسى مادەنيەتتى قالىپتاستىرۋعا باعىتتالعان «سانالى ۇرپاك» كەڭسەسىنىڭ سالتاناتتى اشىلۋى ٴوتتى.

ٴقازىردىڭ وزىندە، سەسسيا بارىسىندا بەلسەندىلەر ستۋدەنتتەر اراسىندا ٴانونيمدى ساۋالناما جۇرگىزىپ، ٴتۇرلى ماسەلەلەردى انىقتاۋدا. بولاشاقتا جاستار قوزعالىسىنىڭ كوشباسشىلارىنىڭ قاتىسۋىمەن دەبات جانە دوڭگەلەك ۇستەلدەر ۇيىمداستىرۋ جوسپارلانىپ وتىر.

كەزدەسۋ ۋنيۆەرسيتەتتىڭ ىشىندە كەشەندى ەكسكۋرسيا جاساۋمەن جالعاستى. ا. شايموۆا ستۋدەنتتىك قىزمەت كورسەتۋ ورتالىعىمەن، سونداي-اق «دوس-مۇقاسان» ۆيا شىعارماشىلىعىنا ارنالعان مۇراجاي قورىنىڭ ەكسپوناتتارىمەن تانىستى.

قوناقتىڭ ەرەكشە قىزىعۋشىلىعىن تۋدىرعان ادالدىق اۋماعى بولدى، ونىڭ ەرەكشەلىگى – بۇل جەردەگى ساۋدادا ساتۋشىسىز جاسالادى. تاۋار ٴۇشىن بەرىلگەن اقشا ارنايى ىدىسقا سالىنادى.

باستاماشىلاردىڭ پىكىرىنشە، بۇل ىشكى پاراساتتىلىق پەن ادالدىقتى تاربيەلەۋگە مۇمكىندىك بەرەدى.

ۋنيۆەرسيتەت ستۋدەنتتەرىمەن كەزدەسۋ بارىسىندا ايگۇل شايموۆا ديالوگ تۇرىندە مەملەكەتتىك قىزمەتكەرلەردى دايىنداۋ جانە جۇمىسقا ورنالاستىرۋ ماسەلەلەرىن، ەتيكالىق نورمالار جانە ت.ب. ماسەلەلەردى تالقىلادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي