BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

پارادزيۋدودان قازاقستان بويىنشا العاشقى الەم چەمپيونىنا پاتەر بەرىلدى

استانا، baq.kz. قىزىلوردا وبلىسىنىڭ اكىمى قىرىمبەك كوشەربايەۆ ٴبىر توپ سپورتشىلارمەن، حالىقارالىق جارىستاردىڭ جەڭىمپازدارىمەن كەزدەسىپ، ولارعا پاتەر كىلتتەرى مەن اقشالاي سەرتيفيكاتتار تابىستادى.

ارگەنتينانىڭ بۋەنوس-ايرەس قالاسىندا وتكەن iii جاسوسپىرىمدەر وليمپياداسىنىڭ جەڭىمپازى دياس باحراددين مەن پارادزيۋدو بويىنشا العاشقى قازاقستاندىق الەم چەمپيونى ولجاس ورازالى ۇلى جاڭا پاتەرلەردىڭ كىلتىن الدى.

كەزدەسۋگە iii جاسوسپىرىمدەر وليمپياداسىنىڭ جەڭىمپازى (6-18 قازان، بۋەنوس-ايرەس، ارگەنتينا) دياس باحراددين، پارادزيۋدو بويىنشا الەم چەمپيونى (16-18 قاراشا، وديۆەلاش ق.، پورتۋگاليا) ولجاس ورازالى ۇلى، سونداي-اق دزيۋدودان پارا ازيادانىڭ كۇمىس جۇلدەگەرى - ازامات تۇرىمبەتوۆ، گرەك-ريم كۇرەسىنەن الەم چەمپيوناتىنىڭ قولا جۇلدەگەرى - ايدوس سۇلتانعالي جانە بايداركا مەن كانوە ەسۋدەن ازيا ويىندارىنىڭ قولا جۇلدەگەرى - مەرەي مەدەتوۆ جانە وتىرىپ ويناۋ ۆولەيبولىنان پارا ازيا ويىندارىنىڭ قولا جۇلدەگەرلەرى - ەريك قاسقابايەۆ، شىڭعىس مەدەۋوۆ جانە المات مانابايەۆ قاتىستى.

«بيىل وبلىس سپورتشىلارى الەمدىك ارەنالاردا كوپتەگەن جوعارى تابىستارعا قول جەتكىزىپ، تاۋەلسىز ەلىمىزدىڭ مارتەبەسىن اسقاقتاتۋدا. وبلىسىمىزدا بۇقارالىق سپورت، جوعارى سپورت شەبەرلىگى، ۇلتتىق سپورتپەن قاتار مۇمكىندىگى شەكتەۋلى سپورتشىلار اراسىندا دا سپورت قارقىندى دامىپ كەلەدى. پورتۋگاليانىڭ وديۆەلاش قالاسىندا پارادزيۋدودان وتكەن الەم چەمپيوناتىندا قازاقستان قۇراماسىنا جالعىز التىن مەدالدى قىزىلوردالىق ولجاس ورازالى ۇلى الىپ بەردى. بۇل جەڭىس – قازاقستان پاراليمپيا سپورتى تاريحىنداعى پارادزيۋدودان العاشقى مەدال بولىپ سانالادى. سىزدەردىڭ جەتكەن جەتىستىكتەرىڭىز - وسكەلەڭ ۇرپاقتىڭ پاتريوتتىق سەزىمىن كۇشەيتىپ، مىڭداعان جاستىڭ سپورتقا، سالاۋاتتى ٴومىر سالتىنا ىنتاسىن ارتتىرارى ٴسوزسىز. سىزدەر ٴبىزدىڭ ەلىمىزدىڭ حالىقارالىق سپورتتاعى مارتەبەسىنىڭ جوعارى ەكەندىگىن دالەلدەپ، جاتتىقتىرۋشىلار مەن جانكۇيەرلەردىڭ عانا ەمەس، بارشا قازاقستاندىقتاردىڭ ٴۇمىتىن اقتادىڭىزدار»، - دەدى ايماق باسشىسى.

دياس باحراددين، ايدوس سۇلتانعالي جانە ەريك قاسقابايەۆ وبلىس اكىمىنە قولداۋ كورسەتكەنى ٴۇشىن العىس ايتتى.

سپورتتاعى جەتىستىكتەرى ٴۇشىن دياس باحراددين مەن ولجاس ورازالى ۇلى پاتەر كىلتتەرىنە، ايدوس سۇلتانعالي – 3 ملن تەڭگە، مەرەي مەدەتوۆ پەن ازامات تۇرىمبەتوۆ – 1 ملن تەڭگە، ال ەريك قاكسقابايەۆ، شىڭعىس مەدەۋوۆ جانە المات مانابايەۆ – 500 مىڭ تەڭگەلىك اقشالاي سەرتيفيكاتقا يە بولدى.

وتكەن دەمالىس كۇندەرى الماتى قالاسىندا قازاق سپورت جانە تۋريزم اكادەمياسى مەن "سپورت جۇلدىزدارى" رەسپۋبليكالىق جۋرنالى ۇيىمداستىرعان ماراپاتتاۋ راسىمىندە وبلىستىق دەنە شىنىقتىرۋ جانە سپورت باسقارماسى، № 2 سپورت مەكتەبى جانە وبلىستىق سپورت باسقارماسىنىڭ ٴباسپاسوز حاتشىسى 2018 جىلدىڭ قورىتىندىسى بويىنشا ۇزدىك دەپ تانىلدى. وبلىس اكىمى قىرىمبەك كوشەربايەۆ "ۇزدىك سپورتقا جاناشىر وبلىس اكىمى" نوميناسياسى بويىنشا ماراپاتتالدى.

انىقتاما: سپورتتى دامىتۋ سالاسىندا ايماقتا وليمپيادالىق رەزەرۆتى دايىنداۋ ورتالىعى، سپورتتا دارىندى بالالارعا ارنالعان مەكتەپ-ينتەرنات-كوللەدجى، جوعارى سپورت شەبەرلىگى مەكتەبى جانە 21 بالالار مەن جاسوسپىرىمدەر سپورت مەكتەبى جۇمىس ىستەيدى. وندا 35 سپورت تۇرىمەن 18 مىڭنان استام وقۋشى اينالىسادى. ولاردىڭ قاتارىندا 1 سپورتشى - قازاقستاننىڭ ەڭبەك سىڭىرگەن جاتتىقتىرۋشىسى، 4 حالىقارالىق دارەجەدەگى سپورت شەبەرى، 40 سپورت شەبەرى، 878 سپورت شەبەرى كانديداتى مەن ٴ1-شى دارەجەلى سپورتشىلار بار. قازاقستان رەسپۋبليكاسىنىڭ قۇراما كومانداسىنا ايماقتىڭ 470 سپورتشىسى قوسىلدى.

سوڭعى ەكى جىلدا ايماقتا 16 سپورت عيماراتى پايدالانۋعا بەرىلدى. ونىڭ 9-ى مەملەكەتتىك-جەكەمەنشىك ارىپتەستىك اياسىندا، ٴ7-ى وبلىستىق بيۋدجەت ەسەبىنەن سالىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي