BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وسكەمەندە جەڭىل اتلەتيكالىق كەشەن سالىنادى

فوتو: altaynews.kz

استانا، baq.kz. وسكەمەندە حالىقارالىق ستاندارتتارعا ساي جەڭىل اتلەتيكالىق كەشەن پايدا بولادى. بۇل تۋرالى altaynews.kz سايتى حابارلايدى.

وبلىستىق اكىمدىكتە وتكەن ەل جەڭىل اتلەتيكا فەدەراسياسىنىڭ 2018 جىلعى قورىتىندى كونفەرەنسياسىندا فەدەراسيا پرەزيدەنتى دانيال احمەتوۆ وسى تۋرالى ايتتى.

«ەلىمىزدە جوق سپورتتىق نىساندى، بۇيىرسا كەلەر جىلدىڭ قازان ايىنا دەيىن سالىپ بىتەمىز. ٴقازىر ٴتيىستى قۇجاتتار ازىرلەنۋدە. اتالمىش نىساندا جىل ون ەكى اي وقۋ-جاتتىعۋ جيىندارى مەن ۇلكەن جارىستار وتكىزۋگە بارلىق جاعداي جاسالماق. كەشەن ىشىندە استى «رەگۋپول» جابىندىسى توسەلگەن سەگىز جۇگىرۋ جولاعى بولادى. ەڭ باستىسى، وندا بىلىكتى باپكەرلەر قىزمەت ەتپەك. نەگىزى، باستاپقىدا اتالمىش كەشەندى سەمەي قالاسىندا سالماق بولعانبىز. الايدا، ويلانا كەلە، نىساننىڭ وسكەمەندە ورنالاسقانى دۇرىس بولار دەگەن شەشىمگە كەلدىك»، - دەدى دانيال احمەتوۆ.

فەدەراسيا پرەزيدەنتى، سونىمەن قاتار الداعى ۋاقىتتا ەلىمىزدىڭ استانا، اتىراۋ، پاۆلودار، تالدىقورعان سياقتى ٴبىرقاتار قالاسىندا جەڭىل اتلەتيكا ورتالىقتارى سالىناتىنىن حابارلادى.

سونداي-اق، جيىندا جاڭا جىلدان باستاپ ەلىمىزدە تالانتتى جاستاردى انىقتاۋ ماقساتىندا جەڭىل اتلەتيكا سپورتىمەن شۇعىلدانىپ جۇرگەن ۇل-قىزداردى ارنايى تەستىلەۋدەن وتكىزۋ جۇمىستارى قولعا الىناتىنى دا بەلگىلى بولدى. بۇل سىننان سۇرىنبەي وتكەن جاس سپورتشىلار وسكەمەندىك «altay athletics» كاسىبي جەڭىل اتلەتيكا كلۋبىنىڭ قۇرامىنا قابىلدانىپ، حالىقارالىق دودالارعا قاتىسۋ مۇمكىندىگىنە يە بولماق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي