BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وسكەمەندە حالىقارالىق اۋەجايدىڭ جاڭا تەرمينالى اشىلدى

وسكەمەندە قر تاۋەلسىزدىگى كۇنى قارساڭىندا حالىقارالىق وسكەمەن اۋەجايىنىڭ جاڭا تەرمينالى اشىلدى. ۇشىپ كەلگەن جولاۋشىلارعا ارنالعان تەرمينال ساعاتىنا 200 ادامدى وتكىزۋگە قابىلەتتى، دەپ حابارلايدى baq.kz اقپارات اگەنتتىگى.

تەرمينالدىڭ اشىلۋ سالتاناتىنا قاتىسقان وبلىس اكىمى دانيال احمەتوۆ اۋەجاي ۇجىمىن مەرەكەمەن قۇتتىقتادى.

«سىزدەردى كەلە جاتقان تاۋەلسىزدىك مەرەكەسىمەن شىن جۇرەكتەن قۇتتىقتايمىن. شىعىس قازاقستان كورشىلەس رەسەيمەن، قىتاي حالىق رەسپۋبليكاسىمەن جانە موڭعوليامەن شەكارالاس ايماق بولعاندىقتان، اۋەجايدىڭ كەڭەيىپ، تەرمينالدىڭ اشىلعانى حالىقارالىق قاتىناسقا جاڭا سەرپىن بەرەدى. جىلىنا اۋەجاي 300 مىڭنان استام جولاۋشى قابىلداسا، الداعى ۋاقىتتا بۇل كورسەتكىشتىڭ وسەتىنىنە كامىل سەنىمدىمىن»، – دەدى دانيال احمەتوۆ.

كەدەن باقىلاۋىنىڭ جاڭا تەحنولوگيالارىمەن جانە زاماناۋي قۇرىلعىلارمەن جابدىقتالعان تەرمينالدا سونداي-اق انا مەن بالاعا ارنالعان بولمە دە قاراستىرىلعان.

كەلەر جىلى حالىقارالىق اۋەجايدا بۇدان بولەك تاعى دا باسقا وزگەرىستەر بولماق. جوسپار بويىنشا ۇشۋ الاڭى، جۇك تەرمينالى، اۆتوتۇراق جانە جۇك قويماسى جوندەۋدەن ٴوتىپ، حالىقارالىق ستاندارتتارعا ساي جاڭارتىلادى.

ايتا كەتۋ كەرەك، كوبىنە ەل ىشىندەگى ٴىرى قالالار مەن رەسەي فەدەراسياسى اراسىندا جولاۋشىلار قاتىناعان اۋەجاي وتكەن جىلى 2 729 اۋە رەيسىن قابىلداعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي