BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وڭتۇستىك قازاقستاندا مەملەكەتتىك-جەكەمەنشىك ارىپتەستىك بويىنشا بالاباقشا اشىلدى

وڭتۇستىك قازاقستان وبلىسىنىڭ اكىمى جانسەيىت تۇيمەبايەۆ ىس-ساپارمەن تۇلكىباس اۋدانىنا باردى. ٴوڭىر باسشىسى اقبيىك اۋىلىنداعى مەملەكەتتىك-جەكەمەنشىك ارىپتەستىك رەتىندە سالىنعان 100 ورىندىق بالاباقشانىڭ اشىلۋىنا قاتىستى. اۋىل تۇرعىندارىن جاڭا نىساننىڭ اشىلۋىمەن قۇتتىقتادى، دەپ حابارلايدى baq.kz اقپارات اگەنتتىگى وقو اكىمدىگىنىڭ ٴباسپاسوز قىزمەتىنە سىلتەمە جاساپ.

«وڭتۇستىكتە بالا تۋۋ كورسەتكىشى بويىنشا رەسپۋبليكادا كوش باستاپ تۇر. بۇل تۇرعىدا بالاباقشا كوپ سالىنۋى قاجەت. ماسەلەن، مەملەكەتتىك «بالاپان» باعدارلاماسى اياسىندا وسى ۋاقىتقا دەيىن اۋداندا 37 بالاباقشا اشىلعان. قازىرگى تاڭدا اۋدانداعى 3-6 جاستاعى بالالاردى مەكتەپكە دەيىنگى تاربيەمەن جانە وقىتۋىمەن قامتۋ 92،6 پايىزدى قۇراپ وتىر. الداعى ۋاقىتتا مەملەكەتتىك-جەكەمەنشىك ارىپتەستىك بويىنشا سالىناتىن بالاباقشالاردى كوبەيتىپ، كورسەتكىشتى 100 پايىزعا جەتكىزەتىن بولامىز»، - دەدى وبلىس اكىمى.

اۋىل تۇرعىندارى اتىنان ٴسوز العان ساپارقۇل جالبيەۆ بالاباقشانىڭ قاجەت كەزىندە اشىلىپ وتىرعاندىعىن ايتىپ، جەرگىلىك جۇرت اتىنان ريزاشىلىعىن ٴبىلدىردى.

ايتا كەتەرلىگى، بۇگىندە مەكەمەدە اۋىلدىڭ 31 تۇرعىنى جۇمىسپەن قامتىلعان. نىساننىڭ جالپى سمەتالىق قۇنى 231 ملن تەڭگەگە جۋىق. بالاباقشانىڭ قۇرىلىسىن جۇرگىزگەن «روپروەكت» جشس مەردىگەر مەكەمەسى.

كەيىن وبلىس باسشىسى كەمەرباستاۋ اۋىلىنداعى كۇردەلى جوندەۋدەن وتكەن مادەنيەت ٴۇيىنىڭ جۇمىسىمەن تانىستى. نىساندى كۇردەلى جوندەۋدەن وتكىزۋ ٴۇشىن جەرگىلىكتى بيۋدجەتتەن 57 ملن. تەڭگەگە جۋىق قارجى جۇمسالعان. جوندەۋ جۇمىستارىن مەردىگەر «بيميرقۇرىلىس» ٴجشس-ى جۇرگىزىپتى. قازىرگى تاڭدا 300 ورىندىق مادەنيەت ۇيىندە 2 قىزمەتكەر جۇمىس ىستەيدى. سونداي-اق، عيماراتتا كىتاپحانا ورنالاسقان. وندا 15 مىڭعا جۋىق كىتاپ قورى بار.

اشىلۋ سالتاناتىندا اۋدانداعى ٴوندىرىس ورىندارى مەن اۋىل شارۋاشالىعى ونىمدەرىنەن كورمە ۇيىمداستىرىلدى. سونداي-اق، اۋىل ونەرپازدارى ٴداستۇرلى ٴان مەن ۇلتتىق ٴبيدى ناقىشىنا كەلتىرىپ ورىندادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي