BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وڭتۇستىك قازاقستاندا انا مەن بالا ٴولىمى ازايدى

وڭتۇستىك قازاقستان وبلىسىندا نارەستەنىڭ ٴولىم-جىتىم كورسەتكىشى بىلتىر 2016 جىلمەن سالىستىرعاندا 3،4 پايىزعا تومەندەسە، انا ٴولىمى 34،1 پايىزعا ازايعان. وسىلايشا وڭتۇستىك قازاقستان وبلىسى انا ٴولىمى بويىنشا رەسپۋبليكادا 5-ورىندا تۇراقتاپ وتىر. بۇل تۋرالى وقو وڭىرلىك كوممۋنيكاسيالار قىزمەتىندە وتكەن بريفينگتە وبلىستىق دەنساۋلىق ساقتاۋ باسقارماسىنىڭ باسشىسى مۇقان ەگىزبايەۆ ٴمالىم ەتتى، دەپ حابارلايدى baq.kz اقپارات اگەنتتىگى.

ايتا كەتەرلىگى، وتكەن جىلى وبلىستا بيۋدجەت ەسەبىنەن 33 نىسان سالىندى. اتاپ ايتقاندا، شىمكەنت قالالىق جەدەل جاردەم كورسەتۋ اۋرۋحاناسى مەن وبلىستىق ونكولوگيالىق ديسپانسەرىنىڭ كورپۋسى، 1 اۋداندىق ەمحانا، 7 دارىگەرلىك امبۋلاتوريا، 18 فەلدشەرلىك-اكۋشەرلىك جانە 5 مەديسينالىق پۋنكت پايدالانۋعا بەرىلگەن بولاتىن.

سونداي-اق، 2017 جىلى وبلىستىق بيۋدجەت ەسەبىنەن 20 دانا قۇراستىرمالى-قاڭقالى مودۋلدىك كونسترۋكسيا ادىسىمەن سالىنعان مەديسينالىق تىرەكتەر ساتىپ الىندى. اعىمداعى جىلى 67 مەديسينالىق تىرەك ساتىپ الۋ جوسپارلانىپ وتىر.

«2017 جىلى 4 ەمحانانىڭ قۇرىلىسى باستالىپ، بۇگىندە جۇمىس جۇرگىزىلۋدە. ولاردىڭ قاتارىندا ٴۇش بىردەي 500 ادامدىق اقسۋكەنت، جەتىساي جانە كەنتاۋ قالالىق ەمحانالارىنىڭ قۇرىلىسى، سونىمەن قاتار، 250 ناۋقاسقا شاقتالعان ماقتارال اۋداندىق مىرزاكەنت ەمحاناسىن ايتۋعا بولادى. مەملەكەتتىك-جەكەمەنشىك ارىپتەستىك اياسىندا شىمكەنت قالاسىندا №10 قايتپاس ەمحاناسىنىڭ قۇرىلىسى باستالىپ، بىركولىك، اقسۋ-جاباعىلى ساناتورييلەرى سەنىمگەرلىك باسقارۋعا بەرىلدى»، - دەدى مۇقان كەڭەسبەك ۇلى.

باسقارما باسشىنىڭ ايتۋىنشا، كەزەكسىز ەمحانانى جەتىلدىرۋ ماقساتىندا 23 مەديسينالىق ۇيىمعا ەلەكتروندىق كەزەك تابلوسى ورناتىلعان. بۇل جۇيەمەن 2018 جىلى وڭىردەگى بارلىق ەمحانالار قامتاماسىز ەتىلەتىن بولادى. شۇعىل ارەكەت ەتۋ ماقساتىندا sos جۇيەلەرى 17 مەديسينالىق ۇيىمعا ەنگىزىلدى. بۇل باعدارلاما پاسيەنتتىڭ، پوستتاعى مەيىربيكەنىڭ، كەزەكشى دارىگەردىڭ قاجەتتى ماماندى 1 مينۋت ىشىندە شۇعىل شاقىرىپ الۋىنا مۇمكىندىك بەرەدى.

وقو اكىمىنىڭ ٴباسپاسوز قىزمەتى ٴمالىم ەتكەندەي، وڭىردە 35 مەديسينالىق ۇيىم كەشەندى اقپاراتتىق جۇيەگە قوسىلعان. 2018 جىلى بارلىق مەديسينالىق مەكەمەلەر 100 پايىزعا اقپاراتتىق جۇيەگە قوسىلادى دەپ جوسپارلانۋدا. الداعى ۋاقىتتا وڭىردە ەمحانا، اۋرۋحانا جانە جەدەل مەديسينالىق كومەك قىزمەتىنىڭ بىرىكتىرىلگەن اقپاراتتىق جۇيەسى ەنگىزىلىپ، ٴبىرىڭعاي سيتۋاسيالىق ورتالىق جۇمىس جاسايتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي