BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

ونوماستيكالىق وزگەرىستەر جالعاسا بەرەدى – دانيال احمەتوۆ

استانا، baq.kz. شىعىس قازاقستان وبلىسىنىڭ اكىمى دانيال احمەتوۆ جەرگىلىكتى «التاي» تەلەارناسى ارقىلى تىكىلەي ەفيرگە شىعىپ، تۇرعىندار تاراپىنان قويىلعان ٴتۇرلى سۇراقتارعا جاۋاپ بەردى، دەپ جازادى altaynews.kz.

ايماق باسشىسى ەفير بارىسىندا وڭىردەگى ٴبىرقاتار ەلدى مەكەندەر مەن كوشەلەردىڭ اتاۋلارى قازاقشالانعانىن، بۇل يگى ٴۇردىس كەلەسى جىلى دا جالعاسىن تابتىنىن ايتتى.

«وبلىستاعى بارلىق ەلدىمەكەندەردە 8 مىڭنان استام كوشە بار ەكەن. ٴبىز سوڭعى ەكى جىلدا 314 كوشەنىڭ اتىن وزگەرتتىك. ماسەلەن، سەمەيدەگى لەنين كوشەسى «ماڭگىلىك ەل»، پولكوۆنيچيي ارالى – «بەيبىتشىلىك»، وسكەمەندەگى كارل ماركس داڭعىلى «قازىبەك بي» اتاۋلارىن الدى. ٴبىر كۇن بۇرىن عانا ۇكىمەت قاۋلىسىمەن زىريان اۋدانى مەن قالاسىنىڭ اتاۋى «التاي» دەپ وزگەرتىلدى. بۇل باستامانى جەرگىلىكتى حالىقتىڭ ٴوزى ۇسىندى، اۋداندىق ٴماسليحات تۇرعىندار پىكىرىن 100 پايىز قولدادى. البەتتە، بۇل وزگەرىستەر الداعى ۋاقىتتا دا جالعاسىن تابادى. ٴبىراق، وسى رەتتە ٴبىز قازاقستاننىڭ كوپۇلتتى ٴبىرتۇتاس ەل ەكەنىن قاپەردەن شىعارماۋعا ٴتيىسپىز دەگىم كەلەدى. جاڭادان سالىنعان كوشەلەرگە برۋسيلوۆسكيي، چەحوۆ، مەندەلەەۆ، تولستوي، باح، برامس سىندى ۇلى تۇلعالاردىڭ ەسىمىن نەگە بەرمەسكە؟! جاس ۇرپاق ولاردى دا ٴتانىپ-بىلۋى قاجەت. ياعني، ونوماستيكا ماسەلەسىندە ٴبىرجاقتى ۇستانىمدا قالۋعا بولمايدى»، دەدى دانيال احمەتوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي