BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا ساعاتىنا 5 توننا اس تۇزىن شىعاراتىن زاۋىت بار

وڭتۇستىك قازاقستان وبلىسىندا تۇز وڭدەيتىن جالعىز عانا زاۋىت جۇمىس ىستەيدى. ٴوندىرىس ورنى ساعاتىنا 5 توننا تۇزدى ساتىلىمعا شىعارادى، دەپ حابارلايدى baq.kz ٴتىلشىسى.

سوزاق اۋدانىنىڭ ورتالىعى شولاققورعاننان ٴتورت شاقىرىمدىق جەردە ورنالاسقان يندۋستريالدى ايماقتا ٴتورت زاۋىت جۇمىس ىستەيدى. سولاردىڭ ٴبىرى – تۇز وڭدەپ شىعاراتىن «دارحان-اس» وندىرىستىك كاسىپورنى. مۇندا يودتالعان اس تۇزى شىعارىلادى. وتكەن جىلدىڭ قاراشا ايىندا ىسكە قوسىلعان شاعىن زاۋىت كۇنى بۇگىنگە دەيىن 1000 توننا ٴونىم ٴوندىرىپ ۇلگەرگەن. زاۋىتتاعىلار جىلىنا 10000 توننا اس تۇزىن شىعارۋعا قاۋقارلىمىز دەيدى.

«ٴبىزدىڭ زاۋىت 90 جىلدىق تاريحى بار ارالداعى ٴوندىرىس ورنى سەكىلدى الىپ ەمەس، شاعىن عانا. مۇندا ٴبىر جۇيەمەن تۇزدار وڭدەلەدى. شيكىزات كوزىن تاستى اۋىلدىق وكرۋگىندەگى «باقىت تاڭى» كەن ورنىنان تاسىمالدايمىز. الىپ كەلىنگەن شيكىزات 100 پايىز وڭدەلەدى. ياعني، ونى ارنايى سۋدا جۋىپ، كەپتىرەمىز. كەيىن وعان يود قوسىلىپ، ۇنتاقتالادى. ٴبىزدىڭ زاۋىتتىڭ وزگەلەردەن ٴبىر ەرەكشەلىگى تۇز وڭدەۋ پروسەسىنەن باستاپ قوراپعا سالىنعانعا دەيىنگى جۇمىستاردىڭ بارلىعى اۆتوماتتاندىرىلعان. جابدىقتار قىتاي ەلىنەن اكەلىنگەن. بۇل كاسىبىمىزدى باستاماس بۇرىن «بيزنەستىڭ جول كارتاسى – 2020» مەملەكەتتىك باعدارلاماسى ارقىلى 70 ملن تەڭگە كولەمىندە نەسيە الدىق. بۇگىندە بانك الدىنداعى بەرەشەكتىڭ 30 پايىزىن وتەپ قويدىق. جالپى جوبا قۇنى 210 ملن تەڭگەنى قۇرايدى. ازىرگە سۇرانىس جامان ەمەس، ەشقانداي پروبلەما جوق»، - دەدى زاۋىت باسشىسى مۇرات ساپاروۆ.

وسى رەتتە ايتا كەتەرلىگى، وڭتۇستىك قازاقستان وبلىسىنىڭ حالقى جىلىنا 100 مىڭ توننا اس تۇزىن تۇتىنادى ەكەن. ال سوزاقتاعى ٴوندىرىس ورنى ازىرگە ونىڭ 10 پايىزىن عانا قامتاماسىز ەتە الادى. باسشىلىق بۇل سالانى باستاعانىنا كوپ ۋاقىت وتە قويماعاندىقتان الداعى ۋاقىتتا كاسىبىن دوڭگەلەتۋدى كوزدەپ وتىر. قازىرگى تاڭدا زاۋىتتا ٴبىر، بەس جانە ون كەلىلىك قوراپتارعا سالىنعان اس تۇزى شىعارىلادى. ٴبىر كەلى تۇزدىڭ باعاسى – 20 تەڭگە.

«دارحان-اس» ٴوندىرىس ورنىندا 14 جۇمىسشى تۇراقتى جۇمىسپەن قامتىلعان. ٴارقايسىسىنىڭ وزدەرىنە جۇكتەلگەن مىندەتتەرى بار. جۇمىسشىلار تاۋلىگىنە 8 ساعات جۇمىس ىستەيدى. مۇندا ساعاتىنا 5 توننا يودتالعان اس تۇزى ٴوندىرىلىپ، ساتىلىمعا جونەلتىلەدى.

«زاۋىتتا ەلەكتريك-تەحنيك بولىپ جۇمىس اتقارامىن. بۇل سالادا جۇرگەنىمە 14 جىل بولدى. ال زاۋىتقا اشىلعان كەزدە العاشقىلاردىڭ ٴبىرى بولىپ ورنالاستىم. جۇمىسىم اۋىر ەمەس، ۇيرەنىپ قالعان ٴىسىم. جالاقىم – 70 مىڭ تەڭگە. زاۋىتتاعى قۇرال-جابدىقتاردىڭ جۇمىسىنا جاۋاپتىمىن»، - دەدى ەرلان ساپاروۆ.

فوتو اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي