BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا مەديسينا قىزمەتكەرلەرىنىڭ اللەياسى اشىلدى

16 جەلتوقسان – قازاقستان رەسپۋبليكاسىنىڭ تاۋەلسىزدىك كۇنى قارساڭىندا شىمكەنت قالاسىنىڭ «اباي» ساياباعىندا ەلىمىزدە العاش رەت مەديسينا قىزمەتكەرلەرىنىڭ اللەياسى پايدالانۋعا بەرىلدى، دەپ حابارلايدى baq.kz اقپارات اگەنتتىگى وقو اكىمدىگىنىڭ ٴباسپاسوز قىزمەتىنە سىلتەمە جاساپ.

بۇل اللەيا ەلباسىنىڭ «بولاشاققا باعدار: رۋحاني جاڭعىرۋ» باعدارلامالىق ماقالاسى اياسىندا وبلىستىق دەنساۋلىق ساقتاۋ باسقارماسىنىڭ قولداۋىمەن «وڭتۇستىك» مەديسينا قىزمەتكەرلەرىنىڭ قوعامدىق بىرلەستىگىنىڭ» باستاماسىمەن بوي كوتەردى.

اللەيا ٴۇش بولىكتەن تۇرادى. ٴبىرىنشى تاستا قازاقستان رەسپۋبليكاسى دارىگەرلەرىنىڭ انتىنان ٴۇزىندى كەلتىرىلگەن. ەكىنشى ۇلكەن تاستا قازاقتىڭ العاشقى شيپاگەرى 95 جىل عۇمىر كەشكەن، وسىدان 525 جىل بۇرىن ومىردەن وتكەن، حالقىمىزعا وشپەس مۇرا قالدىرعان، دەنساۋلىق سالاسىندا ٴوز زامانىنىڭ تارلانى بولعان وتەيبويداق تىلەۋقابىل ۇلىنىڭ ٴمۇسىنى ورناتىلعان. ال ٴۇشىنشى تاس بەلگى وزگەنى قۇتقارامىن دەپ ٴوز جانىن پيدا ەتكەن مەديسينا قىزمەتكەرلەرىنە ارنالعان.

وتكەندى جاڭعىرتىپ، ەسكە الاتىن ەسكەرتكىشتىڭ اشىلۋىنا وبلىس اكىمى ج.تۇيمەبايەۆ، وبلىستىق ٴماسليحاتتىڭ حاتشىسى ق.بالابيەۆ، ارداگەرلەر كەڭەسىنىڭ ٴتوراعاسى ج.ماۋلەنقۇلوۆ، «نۇر وتان» پارتياسىنىڭ وبلىستىق فيليالىنىڭ ٴبىرىنشى ورىنباسارى ن.جولداسوۆ، وبلىستىق ٴماسليحات دەپۋتاتتارى مەن مەديسينا قىزمەتكەرلەرىنىڭ ارداگەرلەرى، وبلىستىق، قالالىق جانە اۋداندىق اۋرۋحانالاردىڭ باس دارىگەرلەرى، مەديسينالىق جوعارى جانە ورتا ٴبىلىمدى وقۋ ورىندارىنىڭ قىزمەتكەرلەرى مەن ستۋدەنتتەرى قاتىستى.

بۇل ەسكەرتكىش بۇكىل وڭتۇستىك ٴوڭىرىنىڭ مەديسينا قىزمەتكەرلەرىنىڭ ىنتىماعى مەن بىرلىگىن ايعاقتايتىن «سيمۆول» ەكەنىن ايتقان ايماق باسشىسى ەسكەرتكىشتى ورناتۋعا ۇلەس قوسقان بارشا ازاماتتارعا العىسىن ٴبىلدىردى.

دەمەۋشىلەردىڭ ەسەبىنەن سالىنعان بۇل اللەياعا تانىمال ساۋلەتشى اسقار مامىربايەۆ، ٴمۇسىنشى ابدىكارىم احمەتوۆ جانە قۇرىلىسشى رۋسلان يسكاكوۆتىڭ ەڭبەكتەرى ٴسىڭدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي