BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا ەلباسىنىڭ ساياسي باستامالارىنا ارنالعان كونفەرەنسيا ٴوتتى

مۇحتار اۋەزوۆ اتىنداعى وڭتۇستىك قازاقستان مەملەكەتتىك ۋنيۆەرسيتەتىندە «ن.ٴا.نازاربايەۆ فەنومەنى: ساياسي ۇستانىمدار مەن باستامالار» حالىقارالىق عىلىمي-پراكتيكالىق كونفەرەنسياسى ٴوتتى. ٴىس-شارا قر تۇڭعىش پرەزيدەنتى – ەلباسى كىتاپحاناسىنىڭ «ن.نازاربايەۆ: ٴداۋىر، تۇلعا، قوعام» كوشپەلى كورمە جوباسى اياسىندا ۇيىمداستىرىلدى، دەپ حابارلايدى baq.kz اقپارات اگەنتتىگى.

جيىنعا قاتىسۋعا قازاقستان وڭىرلەرىنەن بولەك، رەسەي، اقش، اۋعانستان، تاجىكستان، قىرعىزستان ەلدەرىنەن دە قوناقتار كەلگەن. ٴىس-شارا بارىسىندا وبلىس اكىمىنىڭ ورىنباسارى ۇ.سادىبەكوۆ ۇيىمداستىرۋشىلارعا العىسىن ٴبىلدىردى.

«كوشپەلى كورمە جوباسىنىڭ ماقساتى – ەلباسى ن.ٴا.نازاربايەۆتىڭ تاۋەلسىز قازاقستاندى قۇرۋداعى ٴرولى مەن تۇلعالىق قاسيەتتەرى، ٴتيىمدى رەفورمالارىن، ەرەن ەڭبەگىن جان-جاقتى تالداپ، ناسيحاتتاۋ بولىپ تابىلادى. ەلباسىمىزدىڭ تاۋەلسىزدىك جىلدارى جازىلعان عىلىمي ەڭبەكتەرىندە ەلىمىزدىڭ جەتكەن جەتىستىكتەرى مەن ايتۋلى تاريحي وقيعالارى، كەلەشەكتەگى ناقتى دامۋ ستراتەگيالارى ايقىندالعان. ەلباسى ەڭبەكتەرىن وقۋ ارقىلى وسكەلەڭ ۇرپاق وكىلدەرىنىڭ بويىندا ىسكەرلىك، باسقارۋشىلىق، پاتريوتتىق قاسيەتتەرى قالىپتاساتىنى ٴسوزسىز»، – ۇلاسبەك سادىبەكوۆ.

قاتىسۋشىلار كونفەرەنسيانىڭ باعدارلاماسىنا سايكەس الەمدىك تاجىريبەدەگى تۇلعا فەنومەنىنىڭ گەنەزيسى; قر تۇڭعىش پرەزيدەنتى – ەلباسى ن.ٴا.نازاربايەۆتىڭ قازاقستاننىڭ ەگەمەندىگى مەن مەملەكەتتىلىگىن نىعايتۋداعى ٴرولى، ەلباسىنىڭ سىرتقى ساياسي باستامالارى – الەمدىك قاۋىمداستىقتاعى قازاقستاننىڭ حالىقارالىق مارتەبەسى مەن بەدەلىن ارتتىرۋ فاكتورى، جاڭا جاھاندىق شىندىقتاعى جاڭعىرۋدىڭ قازاقستاندىق مودەلى باعىتتارى بويىنشا بايانداما جاسادى.

كونفەرەنسيا مودەراتورى، قر تۇڭعىش پرەزيدەنتى – ەلباسى كىتاپحاناسى ديرەكتورىنىڭ ورىنباسارى ٴا.راحىمجانوۆ ەلباسىنىڭ مەملەكەتتىك ٴتيىمدى دامۋ باعدارلاماسى اياسىنداعى باستامالارى تۋرالى ويىن ٴبولىستى.

«نۇرسۇلتان نازاربايەۆتىڭ تۇلعاسى 90-جىلداردىڭ باسىنداعى تاۋەلسىز قازاقستاننىڭ قالىپتاسۋ كەزەڭىنەن بەرى بارشا جۇرتشىلىقتىڭ نازارىندا ەكەنى بەلگىلى. سول كەزدىڭ وزىندە «نازاربايەۆتىڭ ساياسي كوشباسشىلىعى» جانە «نازاربايەۆ ۇلگىسى» ۇعىمدارى ساراپشىلار مەن ساياساتكەرلەردىڭ، ساياسي عالىمدار مەن پۋبليسيستەردىڭ قالت جىبەرمەس زەرتتەۋ نىسانىنا اينالىپ، سوزدىك قورلارىندا تۇراقتادى. مەملەكەت باسشىسىنىڭ رەفورماتور رەتىندەگى باعىتى، حالىقارالىق ارەناداعى تەڭدەسسىز بەدەلى – ەلباسىنىڭ قيىندىقتار مەن كەدەرگىلەرگە توتەپ بەرەتىن ساياسي ەرىك-جىگەرى مەن ستراتەگيالىق دارىندىلىعى، العا قويعان ماقساتقا جەتۋدەگى تاباندىلىعى مەن سەنىمدىلىگى سەكىلدى جەكە تۇلعالىق قاسيەتتەرىنەن ايقىن كورىنەدى»، – دەدى ٴامىرحان راحىمجانوۆ.

بۇل پىكىرلەردى شەتەلدەن كەلگەن قوناقتار دا قۋاتتاپ، ٴوز ويلارىن ٴبىلدىردى. ولار شيرەك عاسىردا قازاقستان كەمىندە 50 جىلعا تاتيتىن دامۋ جولىن باستان وتكەرگەنىن، قازىرگى تاڭدا قازاق ەلى كوپتەگەن مەملەكەتكە ۇلگى بولارلىقتاي دەڭگەيگە جەتكەنىن اتاپ ٴوتتى. بۇل كورسەتكىشتى كورشى ەلدەر پرەزيدەنتىمىزدىڭ ساياساتىنىڭ دۇرىستىعىنان دەپ بىلەتىندىكتەرىن جەتكىزدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي