BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا «استانا» تۇرعىن ٴۇي كەشەنى پايدالانۋعا بەرىلدى

بۇگىن وڭتۇستىك قازاقستان وبلىسىنىڭ ورتالىعى شىمكەنتتە 1 جەلتوقسان - تۇڭعىش پرەزيدەنت كۇنى مەرەكەسىنە وراي ٴبىرىنشى كەزەكتەگى «استانا» تۇرعىن ٴۇي كەشەنى پايدالانۋعا بەرىلدى، دەپ حابارلايدى baq.kz اقپارات اگەنتتىگى وقو اكىمدىگىنىڭ ٴباسپاسوز قىزمەتىنە سىلتەمە جاساپ.

وسىلايشا بۇگىن شىمكەنتتىك 96 وتباسى باسپانالى بولدى. تۇرعىن ٴۇي كەشەننىڭ اشىلۋ سالتاناتىنا قاتىسقان وبلىس اكىمى ج.تۇيمەبايەۆ جاڭا قونىس بەرەكەلى جانە ىرىسى مول ۇلكەن ورداعا اينالۋىن تىلەدى.

«بۇگىن «نۇرلى جەر» تۇرعىن ٴۇي باعدارلاماسى اياسىندا «شىمكەنت» الەۋمەتتىك كاسىپكەرلىك كورپوراسياسى» اق-ى ارقىلى قالادا سالىنعان ٴبىرىنشى كەزەكتەگى 2 تۇرعىن ٴۇي پايدالانۋعا بەرىلىپ وتىر. بۇل ۇيلەردىڭ قۇرىلىسى تۇرعىن ٴۇي كومبيناتتارىنىڭ ونىمدەرىن قولدانا وتىرىپ، ىسكە اسىرىلۋى جانە مەملەكەتتىك-جەكەمەنشىك ارىپتەستىك باعىتىنا ۇقساس جۇرگىزىلۋدە»، - دەدى اكىم.

وڭتۇستىك قازاقستان وبلىسىنىڭ تۇرعىندارىن قولجەتىمدى تۇرعىن ۇيمەن قامتاماسىز ەتۋ ماقساتىندا «شىمكەنت» اكك» ۇك اق قۇرىلىسقا 1،2 ملرد. تەڭگە كولەمىندە ينۆەستيسيا سالعان ەلىمىزدەگى العاشقى الەۋمەتتىك كورپاراسيا بولىپ وتىر.

قالانىڭ اكىمشىلىك جانە ىسكەرلىك ورتالىعىندا ورنالاسقان تۇرعىن ٴۇي كەشەنىندە توعىز قاباتتى 4 تۇرعىن ٴۇي بوي كوتەرگەن. مۇنداعى پاتەرلەردىڭ جالپى اۋدانى - 14776،6 شارشى مەتردى قۇرايدى. بۇگىندە 2 بلوك، ياعني 96 پاتەر پايدالانۋعا بەرىلسە، قالعان 2 بلوك كەلەر جىلدىڭ ٴبىرىنشى توقسانىنىڭ اياعىنا دەيىن پايدالانۋعا بەرىلەدى. جوبانىڭ جالپى قۇنى – 2،75 ملرد. تەڭگەنى قۇرايدى.

«استانا» تۇرعىن ٴۇي كەشەنى ەكىنشى كلاسسقا جاتاتىن ٴبىر تۇرعىنعا 25 ش.م. جەكە كەڭىستىكتى ەسەپتەۋ ارقىلى سالىنعان ٴساندى اپارتامەنتتەر. مۇندا تۇرۋ جاعدايلارى مەن يننوۆاسيالىق تەحنولوگيالار ٴۇشىن قاجەتتى بارلىق مۇمكىندىكتەرمەن قامتاماسىز ەتىلگەن.

اتالعان تۇرعىن ۇيدەگى «ٴوز ٴۇيىم» باعدارلاماسى بويىنشا «قازاقستاننىڭ تۇرعىن ٴۇي قۇرىلىس جيناق بانكى» اق-نان پاتەرلەردى ساتىپ الۋعا بولادى. باعدارلاما بويىنشا ورتاشا باعاسى ٴبىر شارشى مەتر ٴۇشىن 180 مىڭ تەڭگەنى قۇرايدى. نەسيەنىڭ جىلدىق پايىزدىق مولشەرلەمەسى 5-تەن 10 پايىزعا دەيىن.

ايتا كەتەيىك، تۇرعىن ٴۇي قۇرىلىسىن جۇرگىزگەن «وڭتۇستىك قۇرىلىس سەرۆيس» جشس-گى قۇرىلىس كەزىندە 300-دەن استام ادامدى جۇمىسپەن قامتىعان.

جالپى وڭتۇستىك قازاقستان وبلىسىندا جىل باسىنان بەرى 525،4 مىڭ شارشى مەتر تۇرعىن ٴۇي ياعني، 5189 پاتەر پايدالانۋعا بەرىلدى. ال، وبلىسقا بەلگىلەنگەن جوسپار 550،6 مىڭ شارشى مەتر بولسا، جىل قورىتىندىسىمەن جوسپار ارتىعىمەن ورىندالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي