BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو اكىمىنىڭ ٴبىرىنشى ورىنباسارى تاعايىندالدى

بۇگىن قازاقستان رەسپۋبليكاسى پرەزيدەنتى اكىمشىلىگىنىڭ كەلىسىمىمەن جانە وڭتۇستىك قازاقستان وبلىسى اكىمىنىڭ وكىمىمەن وبلىس باسشىسىنىڭ ٴبىرىنشى ورىنباسارى قىزمەتىنە الىپبەك شارىپبەك ۇلى وسەربايەۆ تاعايىندالدى، دەپ حابارلايدى ۆaq.kz اقپارات اگەنتتىگى otyrar.kz باسىلىمىنا سىلتەمە جاساپ.

ايماق باسشىسى جاڭا ورىنباسارىنا ٴوز سالاسىنداعى وزەكتى ماسەلەلەرگە ساراپتاما جاساپ، الداعى اتقارىلاتىن جۇمىستار بويىنشا ناقتى ٴىس-شارا جوسپارىن جاساۋدى تاپسىردى.

بۇعان دەيىن وسى قىزمەتتى اتقارعان دارحان امانگەلدى ۇلى ساتىبالدى شەتەلگە وقۋعا كەتۋىنە بايلانىستى ٴوز ٴوتىنىشى نەگىزىندە جۇمىستان بوساتىلدى. وڭىردە قىزمەت اتقارعان جىلدارى ىشىندەگى جەمىستى جۇمىسى ٴۇشىن دارحان ساتىبالدىعا وبلىس اكىمى العىسىن ٴبىلدىرىپ، «وبلىسقا سىڭىرگەن ەڭبەگى ٴۇشىن» مەدالىمەن ماراپاتتادى.

الىپبەك وسەربايەۆ 1961 جىلى تۋعان، جوعارى ٴبىلىمدى، ماماندىعى - ينجەنەر-حيميك-تەحنولوگ.

ەڭبەك جولىن 1983 جىلى قاراعاندى اسبەست-سەمەنت ونىمدەرىن شىعاراتىن زاۋىتىنىڭ ٴماشينيستى رەتىندە باستاعان. 1986-2014 جىلدارى تۇركىستان قالاسى قۇرىلىس دەتالدارى مەن كونسترۋكسيالارى كومبيناتى زەرتحاناسىنىڭ ينجەنەرى، ماستەرى، ەكونوميستى، سەح باستىعى، باس ينجەنەرى، «قۋات سۋيندۋستريا» اق، «kazakhconstruction industry» اق تۇركىستان قالاسى رۋداسىز ماتەريالدار كومبيناتى فيليالدارىنىڭ ديرەكتورى، تۇركىستان قالالىق ٴماسليحاتى حاتشىسىنىڭ مىندەتىن اتقارۋشى، تۇركىستان قالاسى قۇرىلىس ٴبولىمىنىڭ مەڭگەرۋشىسى، كەنتاۋ، تۇركىستان قالاسى اكىمىنىڭ ورىنباسارى، تۇركىستان قالاسىنىڭ اكىمى، وبلىستىق كاسىپكەرلىك جانە يندۋستريالدى-يننوۆاسيالىق دامۋ باسقارماسىنىڭ باسشىسى لاۋازىمدارىن اتقارعان.

2014 جىلدىڭ قىركۇيەك ايىنان باستاپ بۇگىنگە دەيىن وڭتۇستىك قازاقستان وبلىسى تۇركىستان قالاسىنىڭ اكىمى بولىپ قىزمەت ەتىپ كەلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي