وقو-دا يگەرىلمەگەن 690 مىڭ گەكتار جەردىڭ 590 مىڭى مەملەكەتكە قايتارىلدى - ايماق|15 شىلدە 2015، 10:59
BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

وقو-دا يگەرىلمەگەن 690 مىڭ گەكتار جەردىڭ 590 مىڭى مەملەكەتكە قايتارىلدى

استانا. 15 شىلدە. baq.kz – وڭتۇستىك قازاقستان وبلىسىندا يگەرۋسىز جاتقان 650 مىڭ گەكتاردان استام اۋىل شارۋاشىلىعى ماقساتىنداعى جەر انىقتالدى. وسىعان دەيىن 590 مىڭ گەكتار القاپ ارنايى جەر قورىنا قايتارىلعان بولاتىن. بۇل تۋرالى وبلىستىق جەر قاتىناستارى جانە جەردى پايدالانۋدى جانە قورعاۋدى باسقارماسىنىڭ باسشىسى سەرىك تۇربەكوۆتىڭ ەسەپتىك جيىنىندا ٴمالىم بولدى دەپ جازادى otyrar.kz.

ال، وسى ارادا ۇلتاراقتاي جەر بۇيىرماي وتىرعانداردىڭ سانى جىلدان جىلعا ارتىپ وتىر. اسىرەسە، ماقتارال، سارىاعاش، سايرام اۋداندارىندا حالىققا جەر تاۋىپ بەرۋ وڭاي شارۋا ەمەس. وبلىس ورتالىعىندا جەر تەلىمى ٴۇشىن كەزەككە تۇرعاندار سانى 137 مىڭنان اسىپ جىعىلادى. شىمكەنتتىكتەردىڭ جەرگە دەگەن سۇرانىسىن قامتۋ ٴۇشىن قالا اۋماعىنا وتكەن ەلدىمەكەندەردە جەر قورىن انىقتاۋ جۇمىستارى ٴجۇرىپ جاتىر.

وسى تۇستا كەي ازاماتتار جەرگە مۇقتاجدىق تانىتسا، ەندى بىرەۋلەر ونى يگەرە الماي وتىر. ايتا كەتەيىك، بۇگىندە وبلىستا 2011 جىلدان بەرى ٴجۇرىپ جاتقان اۋىل شارۋاشىلىعى ماقساتىنداعى جەرلەردى تۇگەندەۋ جۇمىستارى ٴوز ناتيجەسىن بەرۋدە. وبلىستا پايدالانىلماي جاتقان 650 مىڭ گەكتار القاپتىڭ 590 مىڭ گەكتارى مەملەكەتكە قايتارىلعان. ٴقازىر قالعان جەرلەردى قايتارۋ ماقساتىندا ٴتيىستى شارالار جۇرگىزىلىپ جاتىر.

ايتا كەتەيىك، قازاق-وزبەك شەكاراسى ماڭىندا دا جەر تەلىمدەرى داۋعا ٴتۇسىپ جاتىر. الايدا، جاۋاپتىلار قوس ەل اراسىنداعى بۇل تۇيتكىلدەردى وڭتايلى شەشۋ ماقساتىندا ٴقازىر كەلىسسوزدەردىڭ جۇرگىزىلىپ جاتقانىنا سەندىردى. 


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي