BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

نەمەرەسىن ورتەگەن اجەي 17 جىلعا سوتتالدى

فوتو: Интернеттен алынды

سولتۇستىك قازاقستان وبلىسىندا نەمەرەسىن ورتەپ، جۇرتتىڭ جاعاسىن ۇستاتقان زەينەتكەرگە قاتىستى سوت ۇكىمى شىقتى. 62 جاستاعى ليۋبوۆ رۋساليەۆا قىزى مەن ۇلكەن نەمەرەسى دۇكەنگە كەتكەندە، ٴسابيدى شەشىندىرىپ، جانىپ تۇرعان پەشكە تاستاعان. قاندىقول قىلمىسكەر 17 جىلعا باس بوستاندىعىنان ايرىلدى، دەپ حابارلايدى baq.kz ٴتىلشىسى.

پەتروپاۆلداعى مامانداندىرىلعان اۋدانارالىق سوتتا نەمەرەسىن پەشكە جاعىپ جىبەرگەن ليۋبوۆ رۋساليەۆاعا قاتىستى سوت ۇكىمى شىقتى. سۇمدىق وقيعا سولتۇستىك قازاقستان وبلىسىنىڭ مامليۋت اۋدانىنا قاراستى دۋبروۆنوە اۋىلىندا بولعان ەدى. 62 جاستاعى زەينەتكەر تولىق تەكسەرىستەن وتكىزىلگەن سوڭ، ەسى ٴتۇزۋ ەكەندىگى جايىندا قورىتىندى شىعارىلعان. قىزى مەن ۇلكەن نەمەرەسى سىرتقا شىققاندا ايىپتالۋشى ٴسابيدى شەشىندىرىپ، جانىپ تۇرعان پەشكە تاستاعان. نارەستەنىڭ ورتەنىپ جاتقانىن الدىمەن ۇيگە كىرگەن ۇلكەن نەمەرەسى كورگەن. قازان ايىندا جاسالعان قىلمىستىق ٴىستىڭ سوڭعى نۇكتەسى قويىلدى.

«سوت شەشىمى بويىنشا رۋساليەۆا ليۋبوۆ قر قك 99 بابى بويىنشا ايىپتى دەپ تانىلدى. وعان 17 جىل باس بوستاندىعىنان ايىرۋ ۇكىمى شىعارىلدى. جازاسىن جالپى رەجيمدەگى تۇزەتۋ مەكەمەسىندە وتەيتىن بولادى»، - دەدى سقو قىلمىستىق ىستەر جونىندەگى مامانداندىرىلعان اۋدانارالىق سوتتىڭ سۋدياسى ەلۆيرا ورازىمبەتوۆا.

سوت وتىرىسىنا قاتىسقان ليۋبوۆ رۋساليەۆانىڭ قىزى ولەسيا گرۋدينسكايا اناسىنىڭ بۇل قىلمىسى ٴۇشىن جەڭىل جازا تاعايىندالدى دەپ ەسەپتەيدى. ول اناسىن كەشىرە المايتىنىن ايتىپ، اعىنان جارىلدى.

«مەن ونى كەشىرمەيمىن. تۋعان قىزىمنان ايىردى. «انا» دەپ تە اتامايمىن ەندى. كەزدەسۋگە دە بارمايمىن. 17 جىل از. ودان دا كوپ بەرۋ كەرەك ەدى. بۇرىن مۇنداي وعاش قىلىقتارىن كورمەدىك. بالالاردى جاقسى كورەتىن. وسى جولى نە بولعانىن بىلمەيمىن. ٴبىراق، كەشىرىم جوق وعان»، - دەدى باقيلىق بولعان بەيكۇنا ٴسابيدىڭ اناسى ولگا گرۋدينسكايا.

نەمەرەسىن تىرىدەي وتقا جاعىپ جىبەرگەن قىلمىسكەر، سوت بارىسىندا ٴجۇزىن جاسىرۋمەن بولدى. ول ٴوزىنىڭ بار ارەكەتىن تەك «بىلمەيمىن، ەسىمدە جوق، وكىنەمىن» دەپ جۋىپ-شايۋعا تىرىستى. سوتقا كاۋگەر رەتىندە قاتىسقان ايىپتالۋشىنىڭ جيەنى لاريسا سۋرگۋتسكايا ناعاشى اپكەسىن اقتاماق بولعانىمەن، قىلىعىن تۇسىندىرە المادى. بار ايىپتى اراققا جاپتى.

سوتتالۋشى قىزىن سابيىنەن ايىرىپ قانا قويماي، ارتىنان قوماقتى نەسيە مەن قارىزدارىن تاستاپ كەتتى. ەندى ونىڭ بارلىعىن وتەۋ كەپىلگەر رەتىندە ولەسيانىڭ موينىنا جۇكتەلەدى.

ەسكە سالا كەتسەك، بۇعان دەيىن سقو-دا نەمەرەسىن وتقا جاققان اجەنىڭ ٴىسى سوتتا قارالىپ جاتقانى حابارلانعان بولاتىن.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي