ٴماجىلىس دەپۋتاتتارى قىزىلوردالىق كۇرىششىلەرمەن كەزدەستى

استانا، baq.kz. پارلامەنت ٴماجىلىسىنىڭ دەپۋتاتتارى نۇرتاي سابيليانوۆ پەن ن.جۇمادىلدايەۆا قىزىلوردا وبلىسىنا باردى. دەپۋتاتتار وبلىستىڭ اقسۋات، اقجارما اۋىلدارىندا جانە تاسبوگەت كەنتىندە، قارماقشى اۋدانىنىڭ اقجار، تۇرماعامبەت اۋىلدارىندا جانە جوسالى كەنتىندە، جالاعاش اۋدانىنىڭ مادەنيەت اۋىلىندا جانە جالاعاش كەنتىندە، سىرداريا اۋدانىنداعى ناعي ٴىلياسوۆ اۋىلىنىڭ تۇرعىندارمەن كەزدەستى.

كەزدەسۋدە دەپۋتات نۇرتاي سابيليانوۆ جەرگىلىكتى حالىققا مەملەكەت باسشىسىنىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىنىڭ نەگىزگى مىندەتتەرىن جۇزەگە اسىرۋ بارىسى تۋرالى ايتىپ، جولداۋدىڭ جۇزەگە اسۋى قازاقستاننىڭ ودان ٴارى الەۋمەتتىك-ەكونوميكالىق دامۋىنا جانە ٴاربىر قازاقستاندىقتىڭ ٴال-اۋقاتىن ارتتىرۋعا ىقپال ەتەتىندىگىن جەتكىزدى.

وبلىس تۇرعىندارى تاراپىنان ەلباسىنىڭ جولداۋىندا بەلگىلەنگەن وڭىرلەردىڭ دامۋىنا جانە حالىقتىڭ ٴومىر ٴسۇرۋ ساپاسىنا وڭ اسەر ەتەتىن شارالارعا قاتىستى وڭ پىكىرلەر ايتىلدى.

سونىمەن قاتار، دەپۋتات قازاقستان رەسپۋبليكاسى پارلامەنتىنىڭ زاڭ شىعارۋ قىزمەتى تۋرالى سايلاۋشىلارعا اقپارات بەردى. اۋدان تۇرعىندارى ٴوز كەزەگىندە گازداندىرۋ، دەنساۋلىق ساقتاۋ، كاسىپكەرلىكتى دامىتۋ، تۇرعىن ۇيمەن قامتاماسىز ەتۋ، اۆتوجولداردى جوندەۋ، الەۋمەتتىك قامسىزداندىرۋ، ٴبىلىم بەرۋ نىساندارىن سالۋ جانە باسقا دا ماسەلەلەردى كوتەردى. سايلاۋشىلار قويعان سۇراقتارعا جاۋاپ بەرگەن دەپۋتات ايتىلعان ماسەلەلەردىڭ بارلىعىن نازارىنا الاتىنىن جەتكىزدى. ساپار بارىسىندا دەپۋتات ن.سابيليانوۆ سىرداريا اۋدانىنداعى ناعي ٴىلياسوۆ اۋىلىنىڭ كۇرىششىلەرمەن كەزدەسىپ، الەۋمەتتىك جانە ينفراقۇرىلىمدىق نىساندارمەن تانىستى.

سونىمەن قاتار، دەپۋتاتتار قىزىلوردا قالالىق اۋرۋحاناسى مەن №3 قالالىق ەمحاناسىنىڭ مەديسينالىق قىزمەتكەرلەرىمەن كەزدەستى. ودان كەيىن، قىزىلوردا قالاسىنداعى «ابزال ي ك» سەرىكتەستىگىنىڭ كۇرىش وڭدەۋ زاۋىتىنىڭ جۇمىسىمەن تانىستى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!