ماڭعىستاۋ وبلىسىندا «مەملەكەتتىك قىزمەت مەكتەبى» اشىلدى

استانا، baq.kz. ماڭعىستاۋ وبلىسىندا «مەملەكەتتىك قىزمەت مەكتەبى» اشىلىپ، ىشكى ىستەر ورگاندارى، سوت جانە پروكۋراتۋرا وكىلدەرى ستۋدەنتتەرگە ٴدارىس وقۋدى باستاپ كەتتى. بۇل تۋرالى قر مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ ماڭعىستاۋ وبلىسى بويىنشا دەپارتامەنتىنىڭ ٴباسپاسوز قىزمەتى حابارلادى.

مەكتەپتىڭ اشىلۋىندا ٴسوز سويلەگەن اگەنتتىكتىڭ اۋماقتىق دەپارتامەنتى باسشىسىنىڭ ورىنباسارى قايرات بايگەبايەۆ، جوعارعى وقۋ ورىندارىنىڭ ىشىندە 26 ستۋدەنت اتالعان مەكتەپتىڭ تىڭداۋشىسى بولۋعا نيەت ٴبىلدىرىپ، 19-ى الدىن-الا كونكۋرستان سۇرىنبەي وتكەنىن ايتتى.

مەملەكەتتىك قىزمەتتىڭ بەدەلىن ارتتىرۋ ماقساتىندا قولعا الىنعان جوبا اياسىندا، ستۋدەنتتەردى ٴتۇرلى ٴىس-شارالار مەن وقىتۋ كۋرستارىن، مەملەكەتتىك ورگانداردا تاجىريبەدەن ٴوتۋىن ۇيىمداستىرۋ جانە ۇكىمەتتىك ەمەس ۇيىمداردىڭ قىزمەتىمەن تانىستىرۋ كوزدەلگەن.

بولاشاق كوشباسشىلار وقۋىن اياقتاعاننان كەيىن، بەلگىلەنگەن مەملەكەتتىك مەكەمەلەردە ٴبىر اي كولەمىندە ىس-تاجىريبەدەن وتەدى. اتالعان كەزەڭدەردەن وتكەن سوڭ مەملەكەتتىك قىزمەت مەكتەبىنىڭ تۇلەكتەرىنە ٴبىلىم ورداسىن اياقتاعانى تۋرالى ارنايى سەرتيفيكاتتار بەرىلەدى.

«ستۋدەنتتەر قر كونستيتۋسياسىن، ەلىمىزدىڭ تاريحىن ٴبىلۋ بويىنشا تەست سۇراقتارىنا جاۋاپ بەرىپ، اڭگىمەلەسۋ كەزەڭىنەن ٴوتتى جانە وزدەرى تۋرالى موتيۆاسيالىق ەسسە جازىپ، كابىلداۋ كوميسسياسىنىڭ وڭ شەشىمىن الدى. ال كوميسسيا قۇرامىنا دەپارتامەنت قىزمەتكەرلەرىنەن بولەك، قوعامدىق ۇيىم وكىلدەرى كىردى. مەملەكەتتىك قىزمەت مەكتەبىنىڭ تىڭداۋشىلارى مەملەكەتتىك قىزمەتشىنىڭ ادەپ ەرەجەسىن ساقتاۋى، سىبايلاس جەمقورلىقتىڭ الدىن-الۋ، مەملەكەتتىك كورسەتىلەتىن قىزمەتتەر، ۇكىمەتتىك ەمەس ۇيىمداردىڭ قىزمەتى، قۇقىق قورعاۋ ورگاندىنىڭ جانە سوت جۇيەسىنىڭ قىزمەتىمەن تانىسۋ تاقىرىپتارىندا وقىتىلاتىن بولادى»، - دەيدى قايرات بايگەبايەۆ.

ايتسا ايتقانداي، اراعا ٴبىر كۇن سالىپ قر پرەزيدەنتى جانىنداعى مەملەكەتتىك باسقارۋ اكادەمياسىنىڭ وڭىرلىك فيليالىندا «مەملەكەتتىك قىزمەت مەكتەبى» تىڭداۋشىلارىنا قۇقىق قورعاۋشىلار ٴدارىس وقۋدى باستاپ كەتتى. العاشقى كۇنى ىشكى ىستەر دەپارتامەنتى، وبلىستىق سوت جانە وبلىستىق پروكۋراتۋرا ورگاندارىنىڭ وكىلدەرى ستۋدەنتتەردىڭ سۇراقتارىنا جاۋاپ بەردى.

«ادال قىزمەت – پوليسياعا مىندەت» دەپ ٴسوزىن باستاعان ماڭعىستاۋ وبلىستىق ىشكى ىستەر دەپارتامەنتىنىڭ كادر جۇمىسى باسقارماسى باستىعىنىڭ ورىنباسارى سەرىك مولبايەۆ، ىشكى ىستەر ورگاندارىنىڭ جۇمىسى تۋرالى ايتا كەلە، قوعامدىق ٴتارتىپ پەن قاۋىپسىزدىكتى قامتاماسىز ەتۋ باعىتىندا اتقارىلىپ جاتقان جۇمىستارعا توقتالدى.

ال، ماڭعىستاۋ وبلىسى سوتتار اكىمشىسىنىڭ كادر ٴبولىمىنىڭ باسشىسى قانات نۇرقابىل ۇلى، سوت جۇيەسىندەگى رەفورمالار، سۋديا بولۋ ٴۇشىن قويىلاتىن تالاپتار جانە سوتتان ىس-تاجىربيەدەن ٴوتۋ تۋرالى تولىققاندى اقپارات بەردى.

سونىمەن قاتار ماڭعىستاۋ وبلىسى پروكۋرورىنىڭ كومەكشىسى سەرىك ٴادىلوۆ، پروكۋراتۋرا ورگاندارىنىڭ نەگىزگى مىندەتتەرىنە كونستيتۋسيا مەن زاڭداردىڭ ۇستەم تۇرۋىن قامتاماسىز ەتۋ، ادامنىڭ جانە ازاماتتىڭ قۇقىقتارى مەن بوستaندىقتارىن، سونداي-اق قوعaم مەن مەملەكەتتىڭ زaڭمەن قورعالاتىن مۇددەلەرىن قورعاۋ بولىپ تaبىلاتىندىعى تۋرالى تۇسىنىك بەردى.

اگەنتتىكتىڭ اۋماقتىق دەپارتامەنتى باسشىسىنىڭ ورىنباسارى قايرات بايگەبايەۆ، مەملەكەتتىك قىزمەت مەكتەبىندە وتكىزگەن ستۋدەنتتەرگە تەوريالىق بىلىمدەرىن تاجىربيەدە ساباقتاپ، پايدالى اقپاراتتار الدى دەگەن سەنىمدە ەكەندىگىن جەتكىزىپ، وزات ستۋدەنتتەرگە بولاشاقتا بىلىكتى «زاڭگەر» بولىپ شىعۋلارىن تىلەدى.

الداعى ۋاقىتتا ستۋدەنتتەرگە اگەنتتىكتىڭ اۋماقتىق دەپارتامەنتىنىڭ وكىلدەرى ٴدارىس وقيتىن بولادى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!