BAQ.kz - Қазақстан жаңалықтары USD 379.36 BAQ.kz - Қазақстан жаңалықтары EUR 424.47 BAQ.kz - Қазақстан жаңалықтары RUB 5.88
استانا:

ماقتاارال اۋدانىندا 600 ورىندىق جاڭا مەكتەپ پايدالانۋعا بەرىلدى

تۇركىستان وبلىسى، baq.kz. بۇعان دەيىن 3 اۋىسىممەن وقىپ كەلگەن ٴيىرجار اۋىلدىق وكرۋگى ديقان اۋىلىنداعى قاجىمۇقان اتىنداعى جالپى ورتا مەكتەبىنىڭ وقۋشىلارى جاڭا عيماراتتىڭ ارقاسىندا 1 عانا اۋىسىمدا وقۋ مۇمكىندىگىنە يە بولدى.

جاڭا نىساننىڭ اشىلۋ سالتاناتىنا اۋدان اكىمى باقىت اسانوۆ قاتىسىپ، اۋىل تۇرعىندارى مەن مەكتەپ ۇجىمىن، وقۋشىلاردى قۇتتىقتادى.

«قاجىمۇقان اتىنداعى جاڭا مەكتەپتى قوسقاندا بيىل اۋدانىمىزدا جالپى سانى 5 مەكتەپتى ەل يگىلىگىنە بەرىپ وتىرمىز. اۋدانىمىزداعى 3 اۋىسىممەن وقيتىن جالعىز مەكتەپكە عيمارات سالىپ بەرۋ ارقىلى ەلباسىمىز ن.ٴا.نازاربايەۆتىڭ «قازاقستاندىقتاردىڭ ٴال-اۋقاتىنىڭ ٴوسۋى: تابىس پەن تۇرمىس ساپاسىن ارتتىرۋ» اتتى جولداۋىندا ايتىلعان 3 اۋىسىممەن وقيتىن مەكتەپتەردىڭ قاتارىن بولدىرماۋ جونىندەگى تاپسىرماسىن ورىندادىق. قازىرگى تاڭدا اۋداندا 2 مەكتەپتىڭ قۇرىلىسى ٴجۇرىپ جاتسا، تاعى 5 مەكتەپتىڭ قۇرىلىسى باستالعالى تۇر. ٴبىزدىڭ ەندىگى مىندەتىمىز – جىل سايىن 5-6 مەكتەپ سالۋ ارقىلى 2 اۋىسىممەن وقيتىن مەكتەپتەردىڭ دە سانىن ازايتۋ بولىپ تۇر» - دەدى باقىت ناسىرحان ۇلى.

جالپى قاجىمۇقان اتىنداعى جالپى ورتا مەكتەپتىڭ نەگىزى 1966 جىلى قالانعان. مەكتەپتە 587 وقۋشى جانە مەكتەپ الدى دايارلىق توبىندا 45 بالا تاربيەلەنەدى. قۇرىلىس جۇمىستارى اياقتالىپ، پايدالانۋعا بەرىلگەن عيماراتتى تۇرعىزۋ ٴۇشىن قۇنى 1،1 ملرد تەڭگە قارجى رەسپۋبليكالىق بيۋدجەتتەن جۇمسالعان.

مەكتەپتە فيزيكا، حيميا، ينفورماتيكا كابينەتتەرى، مۋلتيمەديالىق جانە لينگافوندىق كابينەتتەر سوڭعى ۇلگىدەگى تەحنولوگيالارمەن جانە كومپيۋتەرلەرمەن جابدىقتالىپ، وقۋشىلاردىڭ ساپالى ٴبىلىم الۋىنا بارلىق جاعداي جاسالعان. سونداي-اق، ٴتۇرلى سپورتتىق، ونەر جانە قولونەر ت.ب. ۇيىرمەلەردىڭ اشىلۋىنا مۇمكىندىك تۋىپ وتىر.

ايتا كەتەيىك، جاڭا مەكتەپتىڭ ارقاسىندا قوسىمشا تاعى 15 جۇمىس ورنى اشىلعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي