BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قر اسكەري-تەڭىز كۇشتەرى «ماڭعىستاۋ» زىمىران-ارتيللەريالىق كەمەسىمەن تولىقتى

20 جەلتوقسان كۇنى اقتاۋدا شەكاراشىلارعا سۋ جاڭا «ماڭعىستاۋ» كەمەسى تابىستالىپ، تەڭىز اسكەرىنىڭ جالاۋى سالتاناتتى تۇردە كوككە كوتەرىلدى. وتاندىق سۋ كولىگى مەملەكەتتىك قورعانىس تاپسىرىسىنا سايكەس ارنايى شىعارىلعان. بۇل – وسىمەن ورالداعى «زەنيت» زاۋىتىندا قۇراستىرىلعان ٴتورتىنشى كەمە. ەكيپاج قۇرامىندا 23 ادام بار، دەپ حابارلايدى baq.kz اقپارات اگەنتتىگى ماڭعىستاۋ وبلىسى اكىمىنىڭ ٴباسپاسوز قىزمەتىنە سىلتەمە جاساپ.

شاراعا وبلىس اكىمى ەرالى توعجانوۆ، قر اتك باس قولباسشىسىنىڭ ۆيسە-ادميرالى جانداربەك جانزاقوۆ قاتىستى.

«قازاقستاننىڭ حالقى باقىتتى دەپ تولىقتاي ايتۋعا نەگىز بار. بۇكىل دۇنيەجۇزى مويىنداعان ٴىرى مەملەكەتتىڭ قاتارىنا ەندىك. ماڭگىلىك ەل بولۋدى ماقسات ەتكەن وتانىمىز مىندەتتى تۇردە مىقتى ەل بولۋ كەرەك. تاۋەلسىزدىكتى الۋ بار دا، تاۋەلسىزدىكتى نىعايتۋ بار. ونى قورعاۋ بار. وسى باعىتتا ەڭ الدىمەن اسكەري كۇشتەرگە تىكەلەي بايلانىستى. «ماڭعىستاۋ» كەمەسىنىڭ قاتارعا قوسىلۋى – ۇلكەن تاريحي جاعداي. قازاقستاننىڭ اسكەري كۇشتەرىنىڭ كۇننەن-كۇنگە كۇشەيىپ كەلە جاتقانىندىعىنىڭ ايقىن كورىنىسى»، – دەيدى ايماق باسشىسى.

«ماڭعىستاۋ» زىمىران-ارتيللەريالىق كەمەسى - كاسپيي تەڭىزىندە قازاقستان رەسپۋبليكاسى اسكەري-تەڭىز كۇشتەرىنىڭ جاۋاپكەرشىلىك ايماقتارىندا جاۋىنگەرلىك تاپسىرمالاردى ورىنداۋ ٴۇشىن جاسالعان.

كەمەنىڭ سالماعى - 240 توننا، ۇزىندىعى – 41،75، ەنى - 7،8 مەتر. ٴجۇزۋ قاشىقتىعى – 1200 ٴميلدى قۇرايدى. كەمەنىڭ ەرەكشەلىگى - سۋ استىنان تونەتىن قاۋىپ-قاتەر مەن استىرتىن ارەكەتتەردى الدىن الا انىقتاي الادى. سونداي-اق، زاماناۋي ارتيللەريالىق قۇرىلعىمەن، راديوتەحنيكالىق قارۋمەن جابدىقتالعان.

​جاڭا كولىكتىڭ تاعى ٴبىر كەرەمەتى – جانارماي قورى ساعاتىنا 60 شاقىرىم جىلدامدىقپەن اشىق تەڭىزدە 10 تاۋلىك جۇرۋگە جەتەدى. «ماڭعىستاۋ» زىمىران-ارتيللەريالىق كەمەسىنىڭ تەحنيكالىق سيپاتتامالارى قارسىلاستىڭ جاۋىنگەرلىك سۋ ٴۇستى كەمەسىن، كاتەرىن جانە كولىگىن دەربەس جانە كەمەمەن سوققى بەرۋ كۇشتەرىمەن ٴوزارا ٴىس-قيمىلدا جويۋدى قامتاماسىز ەتەدى. كەمە بۇل ٴۇشىن قاجەتتى جىلدامدىعى، باسقارۋى، ٴجۇزۋ الشاقتىعى، دەربەستىگى، ەكيپاجدىڭ مەكەندەۋ شارتتارى سياقتى تەڭىزدە ٴجۇزۋ ساپاسىنا يە.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي