BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قوستانايدا قۇتقارىلعان ٴبىرقازان الماتى زووباعىنا جونەلتىلدى 

استانا، baq.kz. قازاقستاندىق جۋرناليست سەرگەي پونومارەۆ ٴوزىنىڭ ينستاگرام پاراقشاسىندا ٴبىرقازان قوستاناي - الماتى پويىزىنان الماتى زووباعىنا قابىلدانعانىن حابارلادى.

"قوستانايلىق لەنا زەلەنوۆا پتەروداكتيلگە ۇقسايتىن قورعانسىز الىپ قۇستى اشتىقتان قۇتقارىپ قالسا، الماتى زووباعىنىڭ ديرەكتورى ايگۇل تولەەۆا ولاردى الماتىعا جەتكىزۋدى جۇزەگە اسىرىپ، قۇستى قابىل الدى"، - دەپ جازدى پونومارەۆ.

پونومارەۆتىڭ ايتۋىنشا، حاليف ەسىمدى ٴبىرقازانعا جاڭا ورىن ۇناعان سەكىلدى. ازىرشە ول كارانتيندە، باسسەيندە الىس شىقپايدى. الايدا، ول جاقىندا باسقا ٴبىرقازاندارعا قوسىلادى.

ٴوز كەزەگىندە، الماتى زووباعىنىڭ ديرەكتورى ٴبىرقازاندى الىپ كەلگەن قوستانايلىق ازاماتشاعا العىس ايتىپ، ٴبىرقازان سۋدى كورگەندە بالاشا قۋانعانىن اتاپ ٴوتتى.

"بۇيرا ٴبىرقازان قىزىل كىتاپقا جانە قازاقستاننىڭ قىزىل كىتابىنا ەنگىزىلگەن. قوستانايلىقتار، سىزدەردىڭ جۇرەك جىلۋلارىڭىز - بۇل قۇس ٴتۇرىن ساقتاپ قالۋعا جاسالعان تاعى ٴبىر قادام"، - دەپ جازلى ينستاگرامم پاراقشاسىندا ايگۇل تولەەۆا.

سونىمەن قاتار، زووباق ديرەكتورى وتىز كۇن بويى ٴبىرقازان كارانتين شارالارىنان وتەتىنىن ايتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي