BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قوستاناي اكىمى حالىققا ۋادە بەردى

قوستاناي وبلىسىنىڭ اكىمى ارحيمەت مۇحامبەتوۆ جۇرتشىلىق وكىلدەرىمەن كەزدەسىپ، قوستاناي وبلىسىنىڭ 2016 جىلعى الەۋمەتتىك-ەكونوميكالىق دامۋ قورىتىندىلارى جانە 2017 جىلعا ارنالعان نەگىزگى مىندەتتەرى تۋرالى ەسەپ بەردى، دەپ حابارلايدى baq.kz ٴتىلشىسى.

قوستاناي وڭىرىندە اعىمداعى جىلدىڭ 16 قاڭتارىنان 13 اقپانىنا دەيىن اۋىل، اۋدان، كەنت، قالا اكىمدەرى ٴبىر جىل ىشىندە اتقارعان جۇمىستارى تۋرالى حالىق الدىندا ەسەپ بەردى. جالپى وبلىس بويىنشا 612 ٴتۇرلى دارەجەدەگى جۇزدەسۋلەر وتكىزىلگەن. ەسەپ بەرۋ جيىنىن وبلىس اكىمى ارحيمەت مۇحامبەتوۆ قورىتىندىلادى.

جيىنعا وڭىرگە قاراستى اۋداندار مەن قالا اكىمدەرى، باسقوسۋعا ارنايى كەلگەن ٴوڭىر تۇرعىندارى، ٴتۇرلى دارەجەدەگى دەپۋتاتتار، ٴتۇرلى كاسىپ يەلەرى، باق وكىلدەرى جانە استانادان ارنايى كەلگەن قر ەڭبەك جانە حالىقتى الەۋمەتتىك قورعاۋ ٴمينيسترى تامارا دۇيسەنوۆا، قر پرەزيدەنت اكىمشىلىگىنىڭ مەملەكەتتىك ينسپەكتورى مۇحامەدجان اباۋوۆ، «نۇر وتان» پارتياسىنىڭ حاتشىسى فارحاد قۋانعانوۆ جانە 15 اقپاننان باستاپ ەلباسىنىڭ حالىققا جولداۋىن ٴتۇسىندىرۋ ماقساتىندا ورتالىق مەملەكەتتىك ورگاندار باسشىلارىنىڭ قاتارىنان جاساقتالعان اقپارات توبىنىڭ وكىلدەرى دە قاتىستى.

«ٴبىز 2016 جىلدى ويداعىداي اياقتادىق. جالپى العاندا ەكونوميكانىڭ ناقتى سەكتورىندا، الەۋمەتتىك سالادا وڭ ناتيجەلەرگە قول جەتكىزدىك. ەكونوميكانى ترانسفورماسيالاۋ جونىنەن قولعا الىنىپ جاتقان شارالار ٴقازىردىڭ وزىندە وڭ ناتيجەسىن قامتاماسىز ەتتى – قازاقستان الەمنىڭ باسەكەگە قابىلەتتى 50 ەلىنىڭ قاتارىنا كىردى. تاۋەلسىزدىكتىڭ 25 جىلى ىشىندە ٴبىز قىزمەتتىڭ بارلىق سالالارىن تۇراقتاندىرۋعا باعىتتالعان ەكونوميكانى ەكى وزەكتى جاڭعىرتۋدان وتتىك. مەملەكەت باسشىسىنىڭ بەس ينستيتۋسيونالدىق رەفورماسىن ىسكە اسىرۋ جونىندەگى 100 ناقتى قادام – ۇلت جوسپارىن ورىنداۋ بويىنشا كەڭ اۋقىمدى قايتا قۇرۋلار ٴجۇرىپ جاتىر. پرەزيدەنت ٴوزىنىڭ بيىلعى جولداۋىندا ناقتى جاعدايدىڭ قارقىندى وزگەرىپ كەلە جاتقاندىعىن ەسكەرە وتىرىپ، ٴۇشىنشى جاڭعىرتۋدى جۇرگىزۋدىڭ، جاپپاي سيفرلاندىرۋعا كوشۋدىڭ قاجەتتىلىگىن اتاپ كورسەتتى. حالىقتىڭ ٴومىر ٴسۇرۋ دەڭگەيىن ارتتىرۋعا باعىتتالعان ەكونوميكالىق دامۋدىڭ نەگىزگى باسىمدىقتارىن ايقىندادى. ەسەپتى كەزەڭدە وڭدەۋ ونەركاسىبى، اۋىل شارۋاشىلىعى، بولشەك جانە كوتەرمە ساۋدا، نەگىزگى كاپيتالعا ينۆەستيسيالار تارتۋ سەكىلدى سەكتورلار وبلىستىڭ ەكونوميكالىق ٴوسىمىنىڭ باستى درايۆەرلەرىنە اينالدى»، – دەپ اتاپ ٴوتتى قوستاناي وبلىسىنىڭ اكىمى ارحيمەت مۇحامبەتوۆ

وتكەن جىلى توبىل ٴوڭىرى الەمدىك داعدارىستىڭ اسەرىن ەڭسەرۋ اۋىر بولعاندىعىنا قاراماستان، جەرگىلىكتى ونەركاسىپتىك كاسىپورىندار ٴونىم ٴوندىرىسىنىڭ كولەمدەرىن جوسپارلى تۇردە ۇلعايتىپتى. ناقتى كولەم يندەكسى 100،3% قۇراپ، 600،1 ملرد تەڭگەنىڭ ونىمدەرى وندىرىلگەن.

سونىڭ ىشىندە تاماق ونىمدەرى مەن اۆتوموبيلدەر ٴوندىرىسى دە 8،4 پايىزعا وسكەن. ال، كونديتەر ونىمدەرىنىڭ ٴوندىرىسى 1،6 ەسە، ەت 37،2، شۇجىق ونىمدەرى 11،8، ٴسۇت پەن كىلەگەي 33،3، سارى ماي 8،1، جانە ۇن وندىرۋدە 17،9 پايىزعا ٴوسىم بايقالادى.

سونىڭ ٴبىر جارقىن دالەلى، جەرگىلىكتى «بايان سۇلۋ» اق-نىڭ اتقارىپ جاتقان جۇمىستارىن اتاپ وتپەۋگە بولمايدى. كاسىپورىن ٴوندىرىسىن جاڭعىرتۋمەن تۇراقتى جۇمىس ىستەي وتىرىپ، 2016 جىلى قاراشادا جاڭا ٴ№2-شى بيسكۆيت سەحىن ىسكە قوسقان.

«ماشينا قۇراستىرۋ سالاسىندا دا ٴوسىم بايقالادى. 2016 جىلى جۇك كولىكتەرى ٴوندىرىسى 44،1، ەگىن جيناۋ كومبايندارى 39،1 پايىزعا ارتتى. ەرەكشە توقتالاتىن جاي، قوستانايلىق ماشينا قۇراستىرۋشىلار الەمدىك اۆتوموبيلدەردىڭ 6 برەندىنىڭ ssangyong، peugeot، iveco، toyota، hyundai، jac سەكىلدى 50 مودەلىنەن استام ٴوندىرىسىن يگەردى. «سارىارقااۆتوونەركاسىپ» جشس كونۆەيەرىنەن ٴبىرىنشى رەت 12 ەلەكتروموبيل شىقتى. مەملەكەت باسشىسى 2017 جىلعى 31 قاڭتاردا قاجەتتى ينفراقۇرىلىم جايىن ەسكەرىپ، ەكسپورتقا باعدارلانعان ەلەكتروموبيل ٴوندىرىسىن ودان ٴارى دامىتۋ ماسەلەسىن پىسىقتاۋ تۋرالى تىكەلەي تاپسىرما بەردى. بارىمىزگە بەلگىلى، وبلىس ورتالىعىندا ٴقازىردىڭ وزىندە يندۋستريالدىق ايماق قۇرىلىسى جۇرگىزىلىپ جاتىر. وندا بولاشاقتا اۆتوموبيلدەردىڭ قۇرامداس بولىكتەرى جونىندەگى زاۋىتتار ورنالاساتىن بولادى. ول جەرگىلىكتى ٴونىمدى 50 پايىزعا دەيىن جەتكىزۋگە جانە ٴوڭىردىڭ تىكەلەي ەكسپورتىنا شىعۋعا مۇمكىندىك بەرەدى. سونىمەن قاتار، الەمدىك برەندتەر اراسىنان جاڭا ارىپتەستەر ىزدەستىرۋ جونىندەگى بەلسەندى جۇمىس ٴوز ناتيجەلەرىن بەرە باستادى. وسى جىلدان باستاپ euro 5 ەكولوگيالىق تالاپتارىنا جاۋاپ بەرەتىن ankai جولاۋشىلار اۆتوبۋستارىنىڭ سەريالىق ٴوندىرىسى، جەڭىل جانە جۇك اۆتوموبيلدەرىن قۇراستىرۋ جونىندەگى «ۋزاۆتو» وزبەك كاسىپورنىمەن ىنتىماقتاستىق. سمس جانە jac motors ستراتەگيالىق ارىپتەستەرمەن بىرلەسىپ jac ەلەكتروموبيلدەرىنىڭ سەريالىق ٴوندىرىسى باستالاتىن بولادى»، – دەيدى ٴوڭىر باسشىسى.

تاۋ-كەن ٴوندىرىسى سەكتورىندا دا وڭ ىلگەرىلەۋشىلىكتەر بايقالادى. بۇل – «سسكوب» اق-نىڭ قىتايعا تەمىر كەنى شيكىزاتىن جەتكىزۋدى ٴىس جۇزىندە 2 ەسە ۇلعايتۋىنىڭ ارقاسىندا قول جەتكىزگەن تابىس. مۇنىڭ سىرتىندا، مىس كەنىن وندىرۋدە العا جىلجۋ بايقالادى.

وسى جىلدار ىشىندە وبلىستا ينۆەستيسيالاردىڭ جالپى كولەمى 125 ملرد تەڭگە تۇراتىن 84 جوبا ىسكە اسىرىلعان. بۇل شامامەن جاڭا 5 مىڭ جۇمىس ورنى اشىلدى دەگەن ٴسوز. ولار ىسكە قوسىلعان ساتتەن باستاپ 356 ملرد تەڭگەنىڭ ٴونىمىن ٴوندىرىپتى.

ونىڭ سىرتىندا ەكىنشى بەسجىلدىقتىڭ كاسىپكەرلىكتى قولداۋ كارتاسىنا ەنگىزىلگەن ينۆەستيسيالاردىڭ جالپى كولەمى 333،4 ملرد تەڭگە تۇراتىن 19 جوبانىڭ 7 وبەكتىسى ٴوز جۇمىسىن باستاعان. قوسىمشا 223 جۇمىس ورنى اشىلىپ، 8،9 ملرل تەڭگەنىڭ ٴونىمى نارىققا جول تارتىپتى.

بيىل قۇنى 16 ملرد تەڭگە تۇراتىن تاعى دا 3 نىساندى ىسكە قوسۋ جوسپارلانىپ وتىر. وندا 306 جۇمىس ورنى اشىلاتىن بولادى.

جالپى وتكەن جىلى قوستاناي وبلىسىنىڭ دامۋىندا وڭ وزگەرىس كوپ بولدى. ايماقتىڭ الەۋمەتتىك-ەكونوميكالىق سالاسىندا جۇزەگە اسىرىلعان تىڭ جوبالار مەن تابىستى ىستەر اۋىز تولتىرىپ ايتارلىقتاي.

ٴۇش ساعاتقا جالعاسقان جيىندا جوعارىدا ايتىلعان جەتىستىكتەر مەن بيىلعى جىلعى جوسپارلار جان-جاقتى سارالانىپ، ەلدىڭ ەلەگىنەن وتكىزىلدى.

باسقوسۋ بارىسىندا اۋىز تولتىرىپ ايتارلىق تاعى ٴبىر تىڭ باستاما ۇلتتىق رۋحىمىزعا ۇلەس قوساتىن ىلكىمدى شارالار قولعا الىناتىنى جۇرتشىلىقتىڭ كوڭىلىنەن شىقتى. اتاپ ايتساق، وبلىس اكىمىنىڭ بيىلعى جىلدى وبلىستا «تاريحقا تاعزىم جاساۋ جىلى» دەپ جاريالاۋى بولىپ وتىر.

«مەن وتكەن-كەتكەن بابالاردىڭ باسىنان وتكەن ساتتەردى سارالاي كەلە، وسى جىلدى وبلىسىمىزدىڭ اۋماعىندا «تاريحقا تاعزىم جاساۋ جىلى» دەپ جاريالاپ وتىرمىن. وسىعان بايلانىستى وتكەنىمىزدى جاڭعىرتىپ، كەلەشەك ۇرپاققا ۇلگى بولۋ ٴۇشىن داڭقتى قولباسشى كەيكى باتىر كەسەنەسىن سالۋدى جوسپارلاپ وتىرمىز. بۇرىنعى اۋدان ورتالىعى بولعان امانتوعاي اۋىلىنداعى قابىرعالارى قاقىراپ تۇرعان قيراندى ۇيلەر مەن ەسكى قۇرىلىس نىساندار قالپىنا كەلتىرىلەدى. ونىڭ سىرتىندا، اۋليەكول مەن امانتوعاي اراسىنداعى تاس جولدى تۇتاس كۇردەلى جوندەۋدەن وتكىزۋ تۋرالى جوسپارىمىز دا بار» ،– دەيدى ارحيمەت مۇحامبەتوۆ.

ەلدى ەلەڭ ەتكىزگەن تاعى ٴبىر جاعىمدى جاڭالىق داڭىقتى باتىر تارحان جانىبەكتىڭ ات ۇستىندەگى الىپ ەسكەرتكىشى وبلىس ورتالىعى قوستاناي قالاسىنا ورناتىلىپ، ساۋلەتتەندىرە تۇسپەك. ەسكەرتكىشتىڭ اشىلۋ سالتاناتى قىركۇيەك ايىنا جوسپارلانىپ وتىر.

ەل العاش تاۋەلسىزدىك العان جىلدارى وبلىس اكىمى بولعان كەنجەبەك ۋكيننىڭ مۇرىندىق بولۋىمەن سالىنعان ۇلى ۇستاز ى.ٴالتىنساريننىڭ ماۆزولەيى دە قايتادان بوي كوتەرمەك.

«كسك شاعىن اۋدانى مەن كورشىلەس زاتوبول كەنتىن جالعاپ تۇرعان قوستانايلىق جۇرتشىلىق «كورەي كوپىرى» اتاپ كەتكەن كوپىردىڭ ەنى 4 جولاققا دەيىن كەڭىمەك. سونىمەن قاتار، وسى كوپىرگە الىپ باراتىن سپانديار كوبەەۆ اتىنداعى كوشەنىڭ ەنى دە 4 كولىك قاتار سىياتىنداي كەڭىمەك. ونىڭ سىرتىندا قوستانايدا جازدا «سابانتوي» مەرەكەسى حالىقارالىق دارەجەدە اتاپ وتىلمەك. وعان تاتارستاننىڭ بيزنەس وكىلدەرى شاقىرىلىپ، بىرنەشە تىڭ جوبالاردى بىرلەسە اتقارۋعا كەلىسىم جۇرگىزىلەتىن بولادى»، – ٴوڭىر باسشىسى.

وبلىس باسشىسىنا سۇراق قويعىسى كەلەتىندەر مەن ۇسىنىستارىن جەتكىزۋگە اسىققانداردىڭ قاراسى كوپ بولدى.

«قۇسمۇرىننان شوققاراعايعا دەيىن تىكەلەي تەمىر جول تارتىلسا. ەگەر شويىن جول شوققاراعايعا دەيىن تۋرا كەلسە، وندا ول ارالىقتى باسىپ وتەتىن قاراسۋ مەن التىنسارين اۋدانداردىڭ الەۋمەتتىك-ەكونوميكالىق جاعدايىنا وڭ اسەر بولارى ەدى. «سوسنوۆىي بور» شيپاجايىنا كەلەتىندەر دە توبىل، قوستاناي ارقىلى اينالىپ جۇرمەيدى. ەڭ باستىسى، جول ٴجۇرۋ ۋاقىتى شامامەن 5 ساعاتقا قىسقارادى. بۇل ٴبىزدىڭ ىشكى ٴتۋريزىمدى دامىتۋعا جول اشپاق»، – دەيدى ا.بايتۇرسىنوۆ اتىنداعى قمۋ پرورەكتورى، فيلولوگيا عىلىمدارىنىڭ دوكتورى الماس ٴابسادىق.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي