BAQ.kz - Қазақстан жаңалықтары USD 379.86 BAQ.kz - Қазақстан жаңалықтары EUR 425.14 BAQ.kz - Қазақстан жаңалықтары RUB 5.9
استانا:

كوشپەلى كورمەنى ٴبىر جىلدا 350 مىڭنان استام قازاقستاندىق تاماشالادى

فوتو: Автор

اقتوبە، baq.kz ٴتىلشىسى. اقتوبەگە «نۇرسۇلتان نازاربايەۆ: ٴداۋىر، تۇلعا، قوعام» كوشپەلى قور كورمەسى وبلىستىق تاريحي-ولكەتانۋ مۋزەيىنىڭ اشىلۋىمەن تۇسپا-تۇس كەلدى. سالتاناتتى شاراعا قر تۇڭعىش پرەزيدەنتى كەڭسەسىنىڭ باستىعى، قر تۇڭعىش پرەزيدەنتى - ەلباسى كىتاپحاناسى ديرەكتورىنىڭ مىندەتىن اتقارۋشى ماحمۇد قاسىمبەكوۆ پەن وبلىس اكىمى بەردىبەك ساپاربايەۆ قاتىستى.

قر تۇڭعىش پرەزيدەنتى – ەلباسىنىڭ كىتاپحاناسىنىڭ كورمە جوباسى اقتوبەگە جەتتى. «نۇرسۇلتان نازاربايەۆ: ٴداۋىر، تۇلعا، قوعام» كوشپەلى قور كورمەسى بۇگىن اقتوبە وبلىستىق تاريحي-ولكەتانۋ مۋزەيىندە اشىلدى. كورمە پرەزيدەنتتىڭ تاۋەلسىز قازاقستاننىڭ تاريحي ومىرىندەگى رولىنەن سىر شەرتەدى. 5 بولىمنەن تۇرادى. وندا پرەزيدەنتتىڭ جوعارى مەملەكەتتىك ناگرادالار جيناعى، مەملەكەت باسشىلارى مەن قازاقستاندىق اۆتورلار تارتۋ ەتكەن قولتاڭباسى بار كىتاپتار قويىلدى. اقتوبە - كوشپەلى كورمە كەلگەن ٴتورتىنشى ٴوڭىر.

«ەلباسى كىتاپحاناسىندا قايتالانباس، بىرەگەي قور جيناعى قالىپتاستى. 20 جىلدان بەرى العاش رەت ۇلكەن كورمەمەن وڭىرلەردى ارالاۋدى باستادىق. ٴبىراز تاقىرىپتى يگەرۋگە تىرىستىق. «ەلباسى مارتەبەسى – ەل مارتەبەسى» تاقىرىبىندا 1997 جىلدان باستاپ، بۇگىنگە دەيىن پرەزيدەنتتىڭ العان ماراپاتتارى كورسەتىلگەن. توپتاما ەرەكشە. الەمنىڭ مادەنيەتىن، تاريحىن تانىستىراتىنداي قۇندى جادىگەرلەر ورنالاسقان. «ەلباسى جولى» بولىمىندە نۇرسۇلتان نازاربايەۆتىڭ ٴومىر كەزەڭدەرىنەن سىر شەرتەدى. كەڭەس داۋىرىندە تۇلعا، ساياساتكەر رەتىندە، تاۋەلسىز مەملەكەتتىڭ قالىپتاستىرۋشىسى رەتىندە الەمگە تانىمال»،-دەدى قر تۇڭعىش پرەزيدەنتى – ەلباسىنىڭ كىتاپحاناسى ديرەكتورىنىڭ ورىنباسارى كۇلايشا اقتايەۆا.

كوشپەلى كورمەدە «ەلباسى فەنومەنى»، «الەم تانىعان ەلباسى»، «ەلباسى مارتەبەسى – ەل مارتەبەسى» بولىمدەرى بار. پرەزيدەنت نۇرسۇلتان نازاربايەۆتىڭ الەم مەملەكەتتەرى باسشىلارىنان العان ماراپاتتارى قويىلعان. ماتەريالداردىڭ بارلىعى ٴتۇپنۇسقا. كورمەدەگى «اق كيىز» ينستاللياسياسى ماڭىزدى ٴرول اتقارادى.

ەلباسىنىڭ ۇلىقتاۋ راسىمىندە پايدالانىلعان اق كيىز، انتى، «التىن قىران» ماراپاتى دا وسىندا. كوشپەلى كورمە جوباسى اياسىندا العاش رەت اقتوبەلىكتەر ٴۇشىن ارنايى زال ۇيىمداستىرىلعان.

«ارنايى زال وزگە وڭىرلەردە بولمادى. 1991 جىلى نۇرسۇلتان نازاربايەۆتىڭ جارلىعىمەن سەمەي يادرولىق پوليگونى جابىلدى. بۇكىل الەمدىك انتيادرولىق قوزعالىستىڭ كوشباسشىسى رەتىندە تانىلدى. بۇل بولىمدە ەلباسىنا بەرىلگەن ماراپاتتار قويىلعان. اقتوبە ٴوڭىرى استانانىڭ 20 جىلدىعىنا وراي وسى تاقىرىپتا ەرەكشە سىي جاسادى عوي. سوندىقتان، وسى ٴبولىمدى ارنايى الىپ كەلدىك. كوشپەلى كورمەدە 800 استام ەكسپوزيسيا ورنالاسقان. جادىگەرلەر، قۇجاتتار مەن كىتاپتار توپتاماسى بار»،-دەدى كۇلايشا اقتايەۆا.

قر تۇڭعىش پرەزيدەنت كۇنى قارساڭىندا ايماقتا اشىلعان «نۇرسۇلتان نازاربايەۆ: ٴداۋىر، تۇلعا، قوعام» كوشپەلى قور كورمەسى اياسىندا ق.جۇبانوۆ اتىنداعى اقتوبە وڭىرلىك مەملەكەتتىك ۋنيۆەرسيەتىندە «قر تۇڭعىش پرەزيدەنتى – ەلباسى كىتاپحاناسى» وقۋ زالى اشىلدى.

وقۋ ورنىنىڭ كىتاپحاناسىنا ەلباسى كىتاپحاناسى اتىنان 350-دەن استام كىتاپ تارتۋ ەتىلدى.

1990-2016 جىلدار ارالىعىنداعى ەلباسىنىڭ قىزمەت حرونيكاسى، رەسمي بيوگرافياسى، مەملەكەت باسشىسى تۋرالى وتاندىق، شەتەل اۆتورلارىنىڭ كىتاپتارى بار.

«كوشپەلى كورمە بىلتىر قاراشادا الماتىدان باستالدى. ول كەزدە 2 اي ىشىندە 85 مىڭ الماتىلىق ارالاپ كورگەن. كەيىن قازىرگى تۇركىستان وبلىسىنا، جۋىردا اتىراۋعا باردىق. 1 جارىم ايدا 114 مىڭ حالىق كورمەنى تاماشالاعان»،-دەدى قر پرەزيدەنتى كەڭسەسىنىڭ باستىعى ماحمۇد قاسىمبەكوۆ.

كوشپەلى كورمە 20 قاڭتارعا دەيىن جالعاسادى. اقتوبەلىكتەر تەگىن تاماشالاي الادى.

فوتو: اۆتوردىكى


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي