BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كوكشەتاۋلىق 45 وتباسى جاڭا پاتەردىڭ كىلتىن الدى

تاۋەلسىزدىك مەرەكەسى قارساڭىندا كوكشەتاۋداعى «كوكتەم» مولتەك اۋدانىندا «نۇرلى جەر» باعدارلاماسى اياسىندا 9 قاباتتى 45 پاتەرلىك جاڭا تۇرعىن ٴۇي پايدالانۋعا بەرىلدى، دەپ حابارلايدى baq.kz ٴتىلشىسى.

قۋانىشتان ٴجۇزى بال-بۇل جايناعان جۇرتشىلىق اعىلىپ كەلىپ جاتتى. بۇل باسپانالى بولعالى تۇرعان كوكشەتاۋلىقتاردىڭ كوپتەن كۇتكەن ٴساتى. اسىرەسە، بالالاردىڭ كوڭىلى شات. بۇگىن باسپانالى بولعانداردىڭ باسىم بولىگى بىرنەشە جىلدان بەرى جالدامالى ۇيلەردە تۇرىپ كەلگەن. ەندى مىنە جاڭا پاتەرگە قولى جەتىپ، قونىس تويىن تويلاۋدا.

وبلىس جانە قالا باسشىلارى كوكشەتاۋلىقتاردىڭ قۋانىشىمەن بولىسۋگە كەلىپ، مەرەكەمەن قۇتتىقتادى. پاتەر كىلتتەرىن تابىس ەتتى.

«جىل سايىن ەلىمىزدە ميلليونداعان شارشى مەتر باسپانا پايدالانۋعا بەرىلەدى. ٴبىزدىڭ وبلىسىمىزدا دا بۇل كورسەتكىش جىلما جىل ارتىپ كەلەدى. بيىل كوكشەتاۋ قالاسى بويىنشا 30 كوپقاباتتى تۇرعىن ٴۇي بوي كوتەردى. بۇل دەگەنىمىز 1323 پاتەر ٴوز يەسىن تاپتى دەگەن ٴسوز. مەرەكە كۇندەرى جاس وتباسى، الەۋمەتتىك از قامتىلعان جاندار جانە «تۇرعىن ٴۇي قۇرىلىس جيناق» بانكىنە قارجى سالعان جالپى 300 ادام پاتەردىڭ كىلتىنە يە بولدى. وسى جۇمىستار ودان ٴارى جالعاساتىن بولادى»، - دەگەن وبلىس اكىمى مالىك مىرزالين پاتەر كىلتىنە يە بولعان كوكشەتاۋلىقتارعا باق-بەرەكە تىلەدى.

جاڭا توعىز قاباتتى ٴۇيدىڭ ٴار قاباتىندا 5 پاتەردەن ورنالاسقان. ٴبىر بولمەلى -18، ەكى بولمەلى-10، ٴۇش بولمەلى-17 پاتەر بار. ٴبىر شارشى مەترىنىڭ قۇنى -118 مىڭ تەڭگە.

وبلىس جانە قالا باسشىلارى باسپانالى بولعان وتباسىلاردىڭ ٴبىرىنىڭ پاتەرىنە كىرىپ، جايىلعان داستارحاننان ٴدام تاتىپ، تۇرعىندارمەن اڭگىمەلەستى.

ٴوز كەزەگىندە تۇرعىندار دا قۋانىشتارىمەن ٴبولىسىپ، پاتەرگە قول جەتكىزگەنى ٴۇشىن ەل پرەزيدەنتىنە، وبلىس باسشىلىعىنا العىستارىن ٴبىلدىردى.

«جاڭا پاتەرىمىزدى بالا-شاعامىزبەن بىرگە ارالاپ كوردىك. قۇرىلىس جۇمىستارىنىڭ ساپاسى كوڭىلىمىزدەن شىقتى. قونىسىمىز وتباسىمىزعا قۋانىش اكەلىپ، ۇرپاقتارىم باقىتقا بولەنە بەرسىن. وبلىس، قالا باسشىلىعىنا ايتار العىسىمىز شەكسىز»، - دەيدى قالا تۇرعىنى ەرمەك قوڭىروۆ.

«كوكتەم» مولتەك اۋدانىندا پايدالانۋعا بەرىلگەن 45 پاتەرلىك تۇرعىن ٴۇيدىڭ قۇرىلىسىن «ستروي tex ic» جۇرگىزگەن، جالپى سوماسى 219،323 ميلليون تەڭگەنى قۇرايدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي