1901 
0
كوكشەتاۋ baq.kz ٴتىلشىسى. كوكشەتاۋدا قوعامدىق كولىكتەر ەلەكتروندى بيلەتكە كوشەدى. جاڭا جوبا جاڭا جىلدان باستاپ ەنگىزىلەدى دەپ جوسپارلانىپ وتىر.
6563
0 
استانا: 
كوكشەتاۋ baq.kz ٴتىلشىسى. كوكشەتاۋدا قوعامدىق كولىكتەر ەلەكتروندى بيلەتكە كوشەدى. جاڭا جوبا جاڭا جىلدان باستاپ ەنگىزىلەدى دەپ جوسپارلانىپ وتىر.
قازىرگى ۋاقىتتا «kazintersoft» كومپانياسىنىڭ وكىلدەرى قالاداعى №1، 25 باعىتىنداعى اۆتوبۋستاردا جاڭا جۇيەنى سىناقتان وتكىزۋدە.
تاجىريبە جۇمىستارى اياقتالعاننان كەيىن بۇل جۇيەنىڭ قالاي جۇزەگە اسىرىلاتىنى، smart كارتاسىن ناقتى قاي جەردەن، الۋعا بولاتىنى حابارلاناتىنىن ايتادى كومپانيا وكىلدەرى.
«تەكسەرۋشى ٴسىزدىڭ جول ٴجۇرۋ بيلەتىڭىزدى اۆتوماتتى ۆاليداتور ارقىلى انىقتايدى. كوندۋكتوردىڭ جولاقىنى الۋ بارىسى دا باقىلانادى. تالوندار ٴسال وزگەشەلەۋ. قازىرگى ۋاقىتتا قالاداعى اۆتوبۋس پاركتەرى جاڭا جۇيەنى سىناقتان وتكىزۋدە»، - دەيدى «kazintersoft» كومپانياسىنىڭ ديرەكتورى ماۋلەن تاكيروۆ.
جاڭا جىلعا دەيىن بارلىق قوعامدىق كولىكتەر ٴموبيلدى تەرمينالدارمەن جابدىقتالادى دەپ كۇتىلۋدە. اتالعان جۇيە تۇرعىندارعا جولاقىنى بانك كارتاسىمەن تولەۋگە مۇمكىندىك بەرەدى.
«جوبانىڭ ارتىقشىلىعى، تولەمدەر ونلاين-فورماتتا قابىلدانادى. قاعاز ابونەمەنتتەر بولمايدى. ٴبىراق جولاقىنى قولما-قول تولەۋ جۇيەسى قالادى. ەلەكتروندى بيلەت جۇيەسى قوزعالىستىڭ اشىقتىعىن قامتاماسىز ەتەدى. ناقتى ستاتيستيكا جۇرگىزۋگە، سالىقتىق تۇسىمدەردى ارتتىرۋعا، قوعامدىق كولىكتەردى باقىلاۋعا ىپال ەتەرىنە سەنىمدىمىز»، - دەيدى ماۋلەن تاكيروۆ.
«كوكشەتاۋ قالاسىندا جولاۋشىلار كولىگىن جاڭعىرتۋ» جوباسى شەڭبەرىندە قازاقستاننىڭ دامۋ بانكى ارقىلى قولدانىستاعى اۆتوبۋستاردىڭ 40-50 پايىزىن جاڭارتۋ قاراستىرىلعان.
«اۆتوپاركتى جاڭارتۋ ۋاقىت تالابى. الايدا جاڭا كولىكتەر جان-جاقتى تەكسەرىستەن وتكىزىلۋى ٴتيىس. وسى ورايدا، جولاۋشىلاردىڭ پىكىرى دە ەسكەرىلەدى»، – دەيدى «كوكشەتاۋ اۆتوبۋس پاركى» جاۋاپكەرشىلىگى شەكتەۋلى سەرىكتەستىگىنىڭ ديرەكتورى ٴاسيا ٴشارىموۆا.
ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!
