BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىزىلوردالىق ٴمۇعالىم اعىلشىن ٴتىلىن بومجدان ۇيرەنگەن ەكسكليۋزيۆ

«بولاشاق» باعدارلاماسىمەن شەتەلدە ٴبىلىم العان قىزىلوردالىق ٴمۇعالىم ابزال ىسكەندىر اعىلشىن ٴتىلىن بومجدان ۇيرەنگەن. ول مۇنداي قادامعا نەگە بارعانىن baq.kz اگەنتتىگىنىڭ وڭىردەگى تىلشىسىنە ايتىپ بەردى.

ابزال جانداۋلەت ۇلى قازالى اۋدانىنداعى ج.جابايەۆ اتىمەن اتالاتىن №234 مەكتەپتە فيزيكا پانىنەن ساباق بەرەدى. جاقىندا جاپونيانىڭ ماڭدايالدى وقۋ ورىندارىنىڭ ٴبىرى وساكا ۋنيۆەرسيتەتىنىڭ ديپلومىن الىپ شىقتى. الايدا، بۇل ٴبىلىم وشاعىنا ٴتۇسۋ ابزالعا وڭايعا تۇسكەن جوق. اعىلشىن ٴتىلىن جەتىك مەڭگەرۋ جولىندا تىنباي ەڭبەكتەنىپ، تاباندىلىق تانىتتى.

«اۋەلى «بولاشاق» باعدارلاماسىمەن وقۋعا ٴتۇسۋ ٴۇشىن قۇجاتتارىمدى جيناپ، قىزىلوردا قالاسىندا سىناقتان ٴوتتىم. سودان كەيىن، 2014 جىلدىڭ قاڭتار ايىندا انگلياعا اتتاندىم. ول جاقتا، نورۆيچ قالاسىنداعى شىعىس انگليا ۋنيۆەرسيتەتىنىڭ تىلدىك ورتالىعىندا اعىلشىن ٴتىلىن ۇيرەنە باستادىم. العاشقى ۋاقىتتا قيىن بولعانى راس. ساباقتى اكادەميالىق تۇرعىدا وقىپ، اعىلشىن تىلىندە ديسسەرتاسيا جازۋ كەرەك بولدى. مۇعالىمدەرىم بەرگەن تاپسىرمالاردان بولەك، ٴوز جوسپارىمدى بەكىتىپ الدىم. ٴار كۇننىڭ ٴار ساعاتىن ٴتيىمدى پايدالانۋعا تىرىستىم. ٴبىر مەزگىل اعىلشىنشا كىتاپ وقىسام، ٴبىر مەزگىل تىنىعىپ الام، ياعني قۇلاققاپپەن مۋزىكا تىڭداپ، كينو قاراۋعا كوڭىل ٴبولدىم. مەنىڭ ٴبىر بايقاعانىم، اعىلشىن ٴتىلىن تەوريا جۇزىندە قانشا ۇيرەنگەنىڭمەن بىرەۋمەن سويلەسپەسەڭ، ونى جەتىلدىرە المايدى ەكەنسىڭ. ال مۇندا بىرەۋمەن اعىلشىنشا سويلەسەيىن دەسەم، تۇماندى البيوندا ٴبىر تانىسىم جوق. سوندىقتان، مەن ٴبىر قۋلىققا كوشتىم. ٴوزىم تۇراتىن اۋداندا جۇرەتىن كوشە قاڭعىباسىمەن (بومج) كەلىسىپ، كۇن سايىن اعىلشىنشا اڭگىمەلەسىپ ٴجۇردىم. ارينە، تەگىن ەمەس. ٴار سويلەسۋگە بارعان سايىن وعان ىستىق تاماق الىپ بەرەم، سونىڭ اقىسىنا ول مەنىمەن اعىلشىنشا سويلەسەدى. ويتكەنى، تاۋەكەل ەتىپ ۇلكەن قادامعا بارعان سوڭ، موينىمدا زور جاۋاپكەرشىلىك تۇردى. وسىلايشا، ون ٴبىر اي نورۆيچ قالاسىندا اعىلشىنىمدى دامىتىپ، وقىپ، شەففيلد قالاسىنا باردىم. وندا تاعى دا بەس اي ٴبىلىم الدىم. ناتيجەسى جامان ەمەس، ielts-تان تەست تاپسىرىپ شىقتىم. ٴسويتىپ، جاپونياداعى ۇزدىك وقۋ ورىندارىنىڭ ٴبىرى وساكا ۋنيۆەرسيتەتىن تاڭداپ، وقۋعا ٴتۇسىپ كەتتىم»، – دەيدى ابزال ىسكەندىر.

قىزىلوردالىق قاراپايىم ٴمۇعالىم 2015 جىلدىڭ 1 قازانىنان باستاپ جاپونياداعى وساكا ۋنيۆەرسيتەتىندە فيزيكا فاكۋلتەتىندە وقي باستايدى. ونىڭ ايتۋىنشا، وساكا ۋنيۆەرسيتەتىنىڭ وقىتۋشىلارى ٴوز سالاسىنىڭ بىلگىرلەرى رەتىندە الەمگە تانىلعان. سولاردىڭ ىشىنەن نوبەل سىيلىعىن العان يۋكاۆا دەگەن پروفەسسوردى ەرەكشە اتاپ ٴوتتى.

«وساكا ۋنيۆەرسيتەتىندە جوعارى دارەجەلى ٴبىلىم بەرۋمەن قاتار، ستۋدەنتتەردىڭ تۇرمىستىق جاعدايىنا قاتتى كوڭىل بولەدى. مىسالى، ول جاقتاعى جاتاقحانالاردىڭ ٴوزى حان سارايىنان كەم ەمەس. جاتاقحانا بويداق، بالاسى جوق وتباسىلار جانە بالالارى بار وتباسىلار ٴۇشىن بولىپ ۇشكە بولىنەدى. مەن وتباسىممەن بىرگە بارعان سوڭ ەكىنشى كاتەگورياداعى جاتاقحانانى تاڭداپ، ەش ۋايىمسىز بار ۋاقىتىمدى ٴبىلىم الۋعا جۇمسادىم. ەكى جىلدىق وقۋىمدى اياقتاپ، قازان ايىندا وساكا ۋنيۆەرسيتەتىن بىتىرگەنىم تۋرالى ديپلومدى قولىما الدىم. قازىرگى تاڭدا قازالىداعى مەكتەپتە وقۋشىلارعا فيزيكا پانىنەن ساباق بەرىپ ٴجۇرمىن»، – دەيدى ابزال ىسكەندىر.

ال №234 مەكتەپتىڭ ديرەكتورى مارات قۇدايبەرگەنوۆتىڭ ايتۋىنشا، «بولاشاق» باعدارلاماسىنىڭ تۇلەگى 33 جاستاعى ابزال جانداۋلەت ۇلىنىڭ ىزدەنىمپازدىعى، شەتەل اسىپ، ٴبىلىمىن شىڭداپ كەلگەنى مەكتەپتەردەگى جاس پەدوگوگتارعا عانا ەمەس، وقۋشىلارعا دا ونەگە بولدى.

«جالپى، مەكتەپتەرگە «بولاشاق» سياقتى جوبالاردان قاناتتانىپ شىققان ماماندار كوپتەپ كەرەك. ولاردىڭ مول تاجىريبەسى، جاڭاشىلدىعى پەداگوگتار قاۋىمىنا وڭ اسەر ەتەدى»، – دەيدى مەكتەپ ديرەكتورى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي