قىزىلوردادا جاستار فورۋمى ٴوتتى

فوتو: Қызылорда облысы әкімінің баспасөз қызметі

استانا، baq.kz. ايماقتاعى حالىقتىڭ 24 پايىزى 14-29 جاس ارالىعىنداعى جاستار بولىپ تابىلادى. بۇل تۋرالى قىزىلوردا وبلىسى اكىمىنىڭ ٴباسپاسوز قىزمەتى حابارلايدى.

ٴداستۇرلى فورۋمعا مەكتەپ وقۋشىلارى مەن ستۋدەنتتەر، جاس ماماندار، بەلسەندى باسقا دا ساناتتاعى جاستار قاتىستى.

قازىرگى تاڭدا ايماقتاعى حالىقتىڭ 24%-ى – جاستار، ولاردىڭ ىشىندە 190 مىڭنان استامى 14-29 جاس ارالىعىندا، ال ەكونوميكالىق تۇرعىدان بەلسەندىلەرى - 110 مىڭنان اسادى. ايماق تۇرعىندارىنىڭ جالپى سانى 700 مىڭنان استام ادامدى قۇرايدى.

ايماق باسشىسى ق.كوشەربايەۆ فورۋم قاتىسۋشىلارىن 2019 جىلدىڭ رەسمي تۇردە «جاستار جىلى» دەپ جاريالانۋىمەن قۇتتىقتادى.

«ەلباسىمىز وسى جىلعى جولداۋىندا جاستاردى قولداۋعا ارنالعان شارالاردى قامتيتىن الەۋمەتتىك ساتىنىڭ اۋقىمدى پلاتفورماسىن قالىپتاستىرۋدى تاپسىرا وتىرىپ، 2019 جىلدى «جاستار جىلى» دەپ ايقىنداۋىندا دا ەرەكشە ٴمان بار. ويتكەنى، ۇلت كوشباسشىسى ماڭگىلىك ەلدىڭ جاستارىن، سىزدەردى ەل مۇراتى ٴۇشىن قىزمەت ەتەتىن تۇلعا رەتىندە كورگىسى كەلەدى. بۇل ارتىلعان سەنىم بارشامىزعا زور مىندەت جۇكتەيدى. ال، سەنىم ۇدەسىنەن شىعۋعا سىزدەردىڭ الەۋەتتەرىڭىز دە، سىزدەرگە كورسەتىلەتىن قولداۋ دا جەتكىلىكتى»، - دەدى ايماق باسشىسى.

قىزىلوردا وبلىسىندا مەملەكەتتىك جاستار ساياساتىن جۇزەگە اسىرۋ بويىنشا، جاستارعا ٴبىلىم بەرۋ جانە جۇمىسقا ورنالاستىرۋ، سونداي-اق ولاردىڭ باسەكەگە قابىلەتتىلىگىن ارتتىرۋدا جۇيەلى جۇمىستار جۇرگىزىلۋدە.

وڭىردە مەملەكەتتىك جاستار ساياساتىن دامىتۋ بويىنشا 2021 جىلعا دەيىنگى جول كارتاسى ازىرلەندى. قۇجاتتا جاستاردىڭ وزەكتى ماسەلەلەرى - جۇمىسقا ورنالاسۋ، ٴتۇرعىنۇي، ٴبىلىم بەرۋ، بوس ۋاقىتتى ٴتيىمدى پايدالانۋ جانە باسقا دا ماسەلەلەردى شەشۋ بويىنشا شارالار قاراستىرىلعان. سونىمەن قاتار، 60-تان استام الەۋمەتتىك جوبا جۇزەگە اسىرىلۋدا.

ايتا كەتەيىك، قىزىلوردا وبلىسى مەملەكەتتىك جاستار ساياساتىن قارجىلاندىرۋ بويىنشا كوشباسشىلاردىڭ قاتارىندا.

سونىمەن قاتار، رەسپۋبليكادا العاشقىلاردىڭ ٴبىرى بولىپ ايماقتا ەڭبەك رەسۋرستارىنىڭ بالانسى (قورى) ازىرلەنىپ، ەڭبەك نارىعىنداعى سۇرانىستار مەن قاجەتتىلىكتەرگە وراي جىل سايىن جاڭارتىلىپ وتىر.

سونداي-اق، سىرداريانىڭ سول جاعالاۋىنان مەملەكەتتىك-جەكەشىلىك ارىپتەستىك اياسىندا جاستارعا قىزمەت كورسەتۋ ورتالىعىنىڭ قۇرىلىسى جۇرگىزىلىپ جاتىر، نىسان كەلەسى جىلى پايدالانۋعا بەرىلەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!