BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىزىلوردادا جاڭا جىل قارساڭىندا 60 وتباسى باسپانالى بولدى

استانا، baq.kz. قىزىلوردادا 60 پاتەرلى ٴتۇرعىنۇي پايدالانۋعا بەرىلدى. جاڭا باسپاناعا بيۋدجەتتىك ۇيىمداردىڭ قىزمەتكەرلەرى، كەزەكتە تۇرعاندار مەن كوپبالالى وتباسىلار يە بولدى. بۇل تۋرالى قىزىلوردا وبلىسى ٴباسپاسوز قىزمەتى حابارلايدى.

وبلىس اكىمى ق.كوشەربايەۆ جاڭا پاتەر يەلەرىن كەلە جاتقان جاڭا جىلمەن قۇتتىقتاپ، سوڭعى جىلدارى ايماقتا كوپتەگەن الەۋمەتتىك جانە بيزنەس-نىساندار، تۇرعىنۇيلەر مەن ونەركاسىپ ورىندارى سالىنعانىن اتاپ ٴوتتى.

«تەك وسى جىلدىڭ وزىندە قارجىلاندىرۋدىڭ بارلىق كوزدەرى ەسەبىنەن وبلىس ورتالىعىندا 402 مىڭ شارشى مەترگە جۋىق ٴتۇرعىنۇي پايدالانۋعا بەرىلدى. بۇگىنگى كۇنى قالادا 2052 پاتەرگە ارنالعان 46 كوپقاباتتى ٴۇي، ونىڭ ىشىندە 1272 پاتەرگە ارنالعان 31 ٴۇي – جەكە ينۆەستورلار ەسەبىنەن سالىنۋدا. قۋانىشتارىڭىز قۇتتى بولسىن»، - دەدى ايماق باسشىسى.

جاڭا ٴۇيدىڭ كىلتىن العان باتىر انا - ٴبيبىايىم الىبەكوۆا وبلىس اكىمىنە ريزاشىلىعىن جەتكىزدى.

«مەملەكەت باسشىسى مەن وبلىس اكىمىنە مىڭداعان وتباسىنا تۇرعىن ٴۇي ماسەلەسىن شەشۋگە كومەكتەسكەندەرى ٴۇشىن العىس ايتامىز. بارلىعىڭىزدىڭ ەڭبەكتەرىڭىزگە تابىس، وتباسىلارىڭىزعا باقىت تىلەيمىن. جاڭا باسپانالى بولۋدى ارمانداعان بارشا قىزىلوردالىقتار كوپ ۇزاماي قونىس تويىن تويلاسىن!» - دەدى ٴبيبىايىم الىبەكوۆا.

ايتا كەتەيىك، 60 پاتەرلى ٴۇيدىڭ جالپى اۋدانى – 4 085 شارشى مەتر.

سوڭعى 6 جىلدا قىزىلوردا وبلىسىندا 14 جاڭا شاعىن اۋدان، ونىڭ ىشىندە سىرداريا وزەنىنىڭ سول جاعالاۋىنداعى جاڭا قالاداعى ٴبىرىنشى شاعىن اۋدان نىساندارى بوي كوتەردى. تەك وسى جىلدىڭ وزىندە وڭىردە 1222 پاتەرگە ارنالعان 56 كوپقاباتتى ٴۇي، ياعني 600 مىڭ شارشى مەتردەن استام تۇرعىن ٴۇي (2013 جىلى 270 مىڭ شارشى مەتر) سالىندى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي