قىزىلوردادا پويىز قوزعالىسى قالپىنا كەلتىرىلدى

قىزىلوردا، baq.kz. قازالى ستانسياسىندا № 481 «تاشكەنت-سامارا» پويىزى; ارال تەڭىزى ستانسياسىندا № 378 «ماڭعىشلاق-الماتى» پويىزى; سەكسەۋىل ستانسياسىندا № 618 «قىزىلوردا-استانا» پويىزىنىڭ قاتىناسى قايتا ورناتىلدى.

ەستەرىڭىزگە سالايىق، 12 قاراشا ساعات 23:40 شاماسىندا قىزىلوردا وبلىسى بويىنشا توتەنشە جاعداي دەپارتامەنتىنىڭ كەزەكشى قىزمەتكەرىنەن قازالى-ارال باعىتىنداعى ارال اۋدانىنا قاراستى "ٴقامىستىباس-شومىش" اۋماعىنىڭ 2426 شاقىرىمىندا پك-7 پ-1273 جۇك پويىزىنىڭ رەلستەن شىققاندىعى تۋرالى شۇعىل حابار تۇسكەن بولاتىن.

قازىرگى تاڭدا اپاتتىڭ سەبەبى انىقتالىپ جاتىر. ايتا كەتەيىك، ادام شىعىنى جوق.

وبلىستىق جۇمىلدىرۋ دايىندىعى باسقارما باسشىسىنىڭ ورىنباسارى ەرلان باكىروۆتىڭ ايتۋىنشا، رەلستى جوندەۋ-قالپىنا كەلتىرۋ جۇمىستارى جۇرگىزىلىپ، وقيعا سالدارىنان توقتاعان جولاۋشى پويىزدار: قازالى ستانسياسىندا №481 «تاشكەنت-سامارا» پويىزى; ارال تەڭىزى ستانسياسىندا № 378 «ماڭعىشلاق-الماتى» پويىزى; سەكسەۋىل ستانسياسىندا №618 «قىزىلوردا-استانا» پويىزىنىڭ قاتىناسى قايتا ورناتىلدى.

«جەدەل قابىلدانعان شارالاردىڭ ارقاسىندا جولاۋشىلار پويىزىنىڭ قاتىناسى تەز ارادا قالپىنا كەلتىرىلدى، اتالمىش پويىزدارداعى جولاۋشىلارعا قاجەتتى كومەك كورسەتىلدى. 2 توراپتىڭ 1-ەۋى تازارتىلىپ، ەكىنشىسى بويىنشا جوندەۋ جۇمىستارى جۇرگىزىلىپ جاتىر»،- دەپ مالىمدەدى ەرلان باكىروۆ.

تۇندە ورىن العان وقيعاعا قاتىستى قىزىلوردا وبلىسى اكىمدىگى تاراپىنان كەلەسىدەي شارالار قابىلداندى: رەلستى جوندەۋ-قالپىنا كەلتىرۋ جۇمىستارى جۇرگىزىلىپ جاتىر، ارال اۋدانى اكىمى مۇحتار ورازبايەۆ وقيعا ورنىندا بولىپ، ٴتيىستى جۇمىستاردىڭ جۇرگىزىلۋىن قاداعالادى، ارال جانە قازالى ستانسيالارىندا توقتاعان جولاۋشى پويىزداردىڭ قاتىناسىن قالپىنا كەلتىرۋ بويىنشا جۇمىستار جۇرگىزىلدى. اتالمىش پويىزداعى جولاۋشىلارعا قاجەتتى كومەك كورسەتىلدى. ول ٴۇشىن جەرگىلىكتى كاسىپكەرلەر جۇمىلدىرىلدى. پويىز ىشىندەگى اۋا رايىن ساقتاۋعا قاجەتتى قاتتى وتىن قورى جاساقتالدى. دەگەنمەن، ٴورت ٴسوندىرۋ تەحنيكاسى مەن جەدەل جاردەم كولىگى ارنايى كەزەكشىلىككە قويىلدى. سونىمەن قاتار، جاقىن ماڭداعى ەلدىمەكەندەردەگى مەديسينالىق بەكەتتەر قاجەت بولعان جاعدايدا ادامداردى قابىلداۋعا دايىن تۇردى.

تەگي
• قىزىلوردا
• پوەزد
• رەلس

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!