BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىزىلوردادا قاراقشىلار جانارماي بەكەتىن توناپ كەتتى

قىزىلوردا وبلىسى قازالى اۋدانىندا ورنالاسقان «قازمۇنايگاز» جانار-جاعارماي قۇيۋ بەكەتىنە بەلگىسىز بىرەۋلەر شابۋىل جاساپ، كاسسانى توناپ كەتكەن، دەپ حابارلايدى baq.kz اگەنتتىگىنىڭ وڭىردەگى ٴتىلشىسى.

وبلىستىق ىشكى ىستەر دەپارتامەنتى باستىعىنىڭ ورىنباسارى، پوليسيا پولكوۆنيگى نۇرلان اناربايەۆتىڭ حابارلاۋىنشا، جەلتوقساننىڭ 12-سىنە قاراعان ٴتۇنى قازالى اۋدانى ايتەكە بي كەنتىنە قاراستى «باتىس قىتاي – باتىس ەۆروپا» تاس جولىنىڭ بويىندا ورنالاسقان «قازمۇنايگاز» جانار-جاعارماي قۇيۋ بەكەتىنە قاراقشىلىق جاسالعان.

«بەلگىسىز ازاماتتار بوتەننىڭ مۇلكىن جىمقىرۋ ماقساتىندا كۇش قولدانىپ، دەنساۋلىعىنا ٴقاۋىپ ٴتوندىرىپ، شابۋىل جاساعان. اتالعان وقيعا 12 جەلتوقساندا قازاقستان رەسپۋبليكاسىنىڭ قىلمىستىق كودەكسىنىڭ 192-بابى 3-بولىگىمەن (قاراقشىلىق) سوتقا دەيىنگى تەرگەپ-تەكسەرۋدىڭ ٴبىرىڭعاي تىزىلىمىنە تىركەلگەن. قىلمىستىق ٴىس بويىنشا سوتقا دەيىنگى تەرگەپ-تەكسەرۋ امالدارى جانە قىلمىسكەرلەردىڭ جەكە باسىن انىقتاۋعا باعىتتالعان جەدەل ىزدەستىرۋ شارالارى ۇيىمداستىرىلىپ، جۇرگىزىلۋدە»، – دەدى ول.

سونىمەن قاتار، ن.اناربايەۆ قازاقستان رەسپۋبليكاسىنىڭ قىلمىستىق-پروسەستىك كودەكسىنىڭ 201-بابىنىڭ تالاپتارىنا سايكەس، قىلمىستىق ٴىس جۇرگىزۋ بارىسى تەرگەۋ قۇپيالىعىنا بايلانىستى جاريالانبايتىنىن مالىمدەدى.

جەرگىلىكتى تۇرعىندار بولسا، وقينىڭ ٴىزىن سۋىتپاي ىشكى ىستەر قىزمەتكەرلەرى جانارماي بەكەتىنىڭ ماڭايىنداعى ۇيلەردى ارالاپ، وزدەرىنەن تۇسىنىكتەمە العانىن ايتتى.

«ٴبىزدىڭ ۇيگە پوليسەي كەلىپ كەتتى. «جانارماي بەكەتى تونالدى، ەشتەڭە بايقامادىڭىزدار ما، كۇدىكتىلەۋ بىرەۋلەردى كورمەدىڭىزدەر مە» دەپ سۇرادى. مۇنداي حاباردى ٴبىرىنشى ەستىپ تۇرمىن، ەش حابارىم جوق دەدىم»، – دەيدى ايتەكە بي كەنتىنىڭ تۇرعىنى داۋلەت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي