BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

قىزىلوردا وبلىسىندا 63 وتباسى قونىس تويىن تويلاۋدا

استانا، baq.kz. جاڭاقورعان اۋدانىندا «شالقيا سينك» اق مەن «سترويسەرۆيس سك» جشس قىزمەتكەرلەرىنە ارنالعان 63 پاتەرلىك 2 كوپقاباتتى قىزمەتتىك ٴتۇرعىنۇي پايدالانۋعا بەرىلدى. بۇل تۋرالى قىزىلوردا وبلىسى اكىمدىگىنىڭ ٴباسپاسوز قىزمەتى حابارلايدى.

ەكى ٴتۇرعىنۇيدىڭ جالپى كولەمى – 3 مىڭ شارشى مەتر.

«بۇگىنگى كۇنى باسپانا ەلدەگى ەڭ وزەكتى ماسەلەلەردىڭ ٴبىرى ەكەنى داۋسىز. دەگەنمەن، وڭىردە باسپانا ماسەلەسىن شەشۋدىڭ وڭتايلى جولدارى قاراستىرىلىپ، ٴتۇرلى بايىپتى باعدارلامالار قولعا الىنىپ، جۇزەگە اسۋدا. ماسەلەن، حالىقتىڭ الەۋمەتتىك جاعىنان وسال توپتارىن قولجەتىمدى باسپانامەن قامتاماسىز ەتۋ ماقساتىندا وبلىستا ارنايى «وردا» ٴتۇرعىنۇي قۇرىلىسىنىڭ «جول كارتاسى» ازىرلەنىپ، وبلىستىق بيۋدجەتتەن جىل سايىن قاجەتتى قارجى ٴبولۋ تۋرالى شەشىم قابىلداندى. ونى ىسكە اسىرۋعا 3،5 ملرد. تەڭگە قاراستىرىلدى. بۇل باعدارلامانىڭ مۇمكىندىكتەرىن اپاتتى ۇيلەر مەن جاتاقحانالاردا تۇرعان تۇرعىندار پايدالانىپ ۇلگەردى وسىلايشا، «وردا» باعدارلاماسى ەلباسى باستاماسىنىڭ جۇزەگە اسۋىنىڭ ناقتى كورىنىسى»، - دەدى ايماق باسشىسى.

قونىس توي يەلەرى دە ٴوز قۋانىشتارىن جەتكىزدى.

«ەڭ الدىمەن، مەملەكەت باسشىسى مەن وبلىس باسشىلىعىنا ۇلكەن العىسىمدى بىلدىرەمىن. جەكە تۇرعىن ٴۇي الۋ كەز كەلگەن ادام ٴۇشىن ۇلكەن قۋانىش دەپ ويلايمىن. بۇعان دەيىن ٴبىز اتا - انامىزبەن بىرگە تۇردىق، بۇگىن جاڭا ەكى بولمەلى بارلىق جاعدايى جاسالعان جايلى پاتەرگە يە بولىپ وتىرمىز»، - دەدى «شالقيا سينك» اق قىزمەتكەرى رۋسلان ەڭسەگەنوۆ.

ەستەرىڭىزگە سالا كەتەيىك، وسى اپتادا سىرداريا اۋدانىنىڭ ورتالىعى تەرەڭوزەك كەنتىندە 42 پاتەرلىك 2 ٴتۇرعىنۇي پايدالانۋعا بەرىلگەن بولاتىن. ٴتۇرعىنۇيدى بيۋدجەت قىزمەتكەرلەرى، از قامتىلعان وتباسىلار، جەتىم بالالار مەن اپاتتى جاعدايداعى ۇيلەردىڭ تۇرعىندارى الدى.

ايتا كەتەيىك، بۇگىندە قىزىلوردا وبلىسىنىڭ اۋماعىندا 1747 پاتەرلىك تاعى 69 كوپپاتەرلى ٴتۇرعىنۇيدىڭ قۇرىلىسى جۇرگىزىلۋدە. ٴ55-ى بيىل ىسكە قوسىلادى، ولاردىڭ قاتارىندا سىرداريانىڭ سول جاعالاۋىنداعى 14 كوپپاتەرلى تۇرعىنۇيدەن قۇرالاتىن تۇتاس شاعىن مولتەك اۋداندى پايدالانۋعا بەرۋ جوسپارلانىپ وتىر.

وڭىردە سوڭعى 2 جىلدا مەملەكەتتىك قاراجات جانە جەكە مەردىگەرلەردىڭ ەسەبىنەن 500 مىڭ شارشى مەتر ٴتۇرعىنۇي سالىنعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي