BAQ.kz - Қазақстан жаңалықтары USD 384.53 BAQ.kz - Қазақстан жаңалықтары EUR 432.02 BAQ.kz - Қазақстан жаңалықтары RUB 5.9
استانا:

كەنشىلەر ەرەۋىلى اياقتالدى. ولار جۇمىس بەرۋشىمەن قالاي كەلىستى؟

«ارسەلورميتتال تەمىرتاۋ» اق شاحتالارىنداعى كەنشىلەر شاحتالاردان شىقتى. قاراعاندى وبلىسى اكىمى ەرلان قوشانوۆپەن جانە «ارسەلورميتتال تەمىرتاۋ» اق اتقارۋشى ديرەكتورى ۆاديم باسينمەن كەزدەسۋدەن سوڭ ٴبىرىنشى بولىپ جەر بەتىنە قازاقستان شاحتاسىنىڭ كەنشىلەرى شىعا باستادى. سونان سوڭ ىزىنشە شاحتينسك، تەنتەك جانە لەنين اتىنداعى شاحتالارداعى جۇمىسكەرلەر كوتەرىلدى. 01.00-گە قاراي بارلىق كەنشىلەر (420 ادامعا جۋىق) جوعارىدا بولدى، دەپ حابارلايدى baq.kz اقپارات اگەنتتىگى قاراعاندى وبلىسى اكىمدىگىنىڭ ٴباسپاسوز قىزمەتىنە سىلتەمە جاساپ.

كەنشىلەرگە جۇمىس بەرۋشىلەر ۇسىنعان شارتتار تۋرالى ايتىلدى: بارلىق جەر استى قىزمەتكەرلەرىنە 30%-عا جالاقىنى كوتەرۋ. جەر بەتىندە جۇمىس ىستەيتىن كومىر كاسىپورىندارى قىزمەتكەرلەرىنىڭ جالاقىسىن كوبەيتۋ مولشەرىن الداعى كەلىسسوزدەر بارىسىندا كەلىسۋ كوميسسياسى انىقتايتىن بولادى. كومپانيانىڭ كومىر دەپارتامەنتىنىڭ بارلىق جۇمىسكەرلەرىنە ەڭبەكاقى كولەمىندە ٴبىر رەتتىك سىياقى تولەنەتىن بولادى.

وعان قوسا، جۇمىس بەرۋشىلەرمەن 15 جەلتوقساندى دەمالىس كۇنى دەپ جاريالاپ، جۇمىسقا 16 جەلتوقساننان باستاپ كىرىسۋ تۋرالى ۇسىنىس جاسالدى.

كەنشىلەر اراسىندا شاحتينسك قالاسى پروكۋرورىنىڭ قولى قويىلعان حات تاراتىلدى. حاتتا وسى ەرەۋىلگە قاتىسقانى ٴۇشىن كەنشىلەردى قىلمىستىق قۋدالاۋدان بوساتۋ كەپىلدىگى بەرىلگەن. سونىمەن قاتار پروكۋراتۋرا ورگانى قاجەت بولعان جاعدايدا وسى ماسەلەگە قاتىستى قۇقىقتىق قولداۋ كورسەتۋگە دايىن ەكەندەرىن ٴبىلدىردى.

قۇرامىنا ىنتالى توپ مۇشەلەرى، كاسىپوداق كوميتەتتەرى، پروكۋراتۋرا وكىلدەرى، شاحتالاردىڭ ديرەكتورلارى، سونداي-اق وبلىس جانە امت باسشىلىعى ەنگەن كەلىسۋ كوميسسياسى شەڭبەرىندە كەنشىلەر جۇمىس بەرۋشىمەن ٴالى دە كەلىسسوزدەردى جالعاستىرادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي